Ester 10:2 - Bible azumeina

² Zla d’a ngad’a yam sib’ik mamba ki sun mam mba mi lata ki tin nda mi tin Mardose ngolid’a pet, a b’irizi nga kä kur mbaktum mba de zlad’a yam sunda hamulei suma Mede-na kamulei suma Perse-nid’a mi.

Ester 10:2 Kruisverwysings

1 Amuleina 11:41

Sunda hi Salomon nda ara kahle suma mi lazina pet ki ne mamba a b’irizi nga kä kur Mbaktumba hi Salomon nda sunda.

1 Amuleina 14:19

Sunda hi Jerobowam mba ara kayî mam ma durâ ki leu mam mba ted’a pet, a b’irizi nga kä kur Mbaktum mba de zlad’a yam Sunda hAmulei suma Israel-lîd’a.

1 Amuleina 22:39

Sunda hi Ahap pa ara kahle suma mi lazina pet ki gong nga mi minit mi d’udjot ki sï ahlo’îd’a kazì ma mi minima, a b’irizi nga kä kur Mbaktum mba de zlad’a yam Sunda hAmulei suma Israel-lîd’a.

Ester 2:23

A nde djop ad’u zla ndata, a fat ni hina dedege, a tchuk ziyona kel suma ngom vun azì suma mbà ndazina akulo ata aguna, a b’ir zla ndata kur mbaktum mba de zlad’a yam sunda hamuleinid’a kä avok amulâ.

Ester 6:1

Kur andjege ndata amulâ mi bur nga sen ndi, mi dazi ala a hlumï mbaktum mba de zlad’a yam sunda hamuleinid’a, a ndumut tei avoromu.

Ester 8:15

Mardose mi nde woi kur azì ma amula ki baru d’a ndal la botlozid’a ki d’a hapa atamu, baru d’a ngol la luluî d’a hleud’a atam kavaval la ngol la lora nga kulupa kam mi. Suma kur azì ma ngol ma Sus-sâ a nga le furîd’a.

Ester 8:2

Ata yi máma amulâ mi pat ngangam ma abom ma mi hlum abo Haman-na, mi hum mi Mardose. Ata yi máma na wat Ester ti tin Mardose yam azina hi Haman-na.

Ester 9:4

Kayam Mardose mi mbut ma ngol ma sunda hamulîna, simiyêm nde yina woi kur ambasa pet, simiyêm nga mi i avogovok mi.

Sawal la giled’a 18:35

Mi had’an á dur ayîna, mi han ad’enga á gan kawei ma hleuna yeûd’a.

Daniel 2:48

Bugola, amulâ mi he ngola mi Daniel, mi hum he d’a hawa d’a ablau d’a ndjondjoîd’a mi, mi tinim á te yam andaga d’a Babilon nda pet ta azì ma ngolâ kuad’a, mi tinim ma ngolâ yam suma ne suma avo Babilon-na pet mi.