Ester 1:19 - Bible azumeina

¹⁹ Le ang mina ni, ang tin gat ta bei mbud’ut kä ba d’a, ang b’irit kur gata hi suma Perse-nid’a ki d’a hi suma Mede-nid’a tala ar amula Vasti ti tchila ei avorong nguo d’a, ang hamul mata woi mi ndrat ta kalata.

Ester 1:19 Kruisverwysings

1 Amuleina 3:28

Israel-lâ pet a we sariya d’a Salomon mi kat ata yata, a lum mandaramu, a wala nAlona ba, mi hum ne ndata á ka sariya d’a d’ingêra.

Ester 1:18

Ki tchetchemba, suma nglo suma Perse-na ki suma Mede-na amiyôzina a mba hum zla d’a amula ti lata, a mba le ni hina dedege avok suma nglo suma a kal tegles suma a nga te leud’ina. Ata yi máma aropma a mba gol andjuvuyozi is, andjuvuyozi huruzi mba mi zal mi.

Ester 1:21

Zla ndata ti lamulâ tam djivid’a zlapa ki suma nglo suma kal teglesâ, mi le sunda yam zla d’a Memukan mi data.

Ester 2:1

Bugol ahle ndazina, kid’a amulâ Asuwerus hurum b’leng dad’a, mi djib’er yam Vasti kahle suma ti lazina ki gat ta mam tinit yam zla matid’a.

Ester 3:9

Le ang mina ni, ang he vuna, ang b’ir mbaktumba á tchazi woyo, an mba ni nga bege d’a hapa tonna kikis hindi mi suma sunda á tchugut kur gong nga ngom ahlena hamulîd’a.

Ester 8:5

Ti dum ala: Le ang mina, le an nde irangû, le zla ndata nde kurungû, le tang lang djivid’a kan mi ni, ang hulong b’ir mbaktumba á pleî zla d’a Haman ma Hamedata ma Aga’â goroma mi b’irit á tchi Juif-fâ woi yam ambas manga peta woyo.

Ester 8:8

Ki tchetchemba, agi b’irigi mbaktumba yam zla d’a djivid’a d’igi hurugi min na yam Juif-fâ ki simiyênu, agi tinigi tampong mana kua mi, kayam mbaktum mba a b’irit ki simiyê amulâ a tum tampong mama kat mi d’a, sa nga mi pleyêt tei d’i.

Daniel 6:17

A hlahinad’a, a dugut avun zula. Amulâ mi tum tampong mama ki tampongâ hi mam suma nglonina kua tala ar sa mi mbut zla d’a ding kä yam zlad’a hi Daniel-la d’uo d’a.

1 Samuel 15:28

Ata yi máma Samuel mi dum ala: Ma didina mi haû wa ini leu manga woi aduk Israel-lâ, mi hat wa mi sama djivi ma kalang angâ.