Ester 1:17 - Bible azumeina

¹⁷ Kayam zla d’a amula ti lata, arop suma dingâ pet a mba humud’u, a mba gol andjuvuyozi is, a mba dala: Ata yima amulâ Asuwerus mi he vuna ala a mbei kamula Vasti avoromu na, ti mba heî zu?

Ester 1:17 Kruisverwysings

2 Samuel 6:16

Ata yima a kal zandu’â hi Ma didinina avo kur Azì ma ngolâ hi David-nina, Mikal Saul goromba ti gol ir fenetred’a, ti wamulâ nga mi gal akulo ki ndjongâ. Ata yi máma ti golom is kurut krovo.

Esdras 4:6

Kur atchogoi d’a Asuwerus mi tin ad’ud’a á tamulid’a, suma djangûna hi Juif-fîna a b’ir mbaktumba á tchuk zlad’a yam suma a nga kaka avo Juda ki Jerusalem-ma.

Ester 1:16

Memukan mi de zlad’a avok amulâ ki suma nglo suma a kal teglesâ ala: Amula Vasti ti le ni tchod’a avok ang amulâ hol li, wani ti le ni tchod’a avok suma nglo suma a kal teglesâ kablaud’a hi suma a nga yam ambas mangina pet mi.

Ester 1:18

Ki tchetchemba, suma nglo suma Perse-na ki suma Mede-na amiyôzina a mba hum zla d’a amula ti lata, a mba le ni hina dedege avok suma nglo suma a kal tegles suma a nga te leud’ina. Ata yi máma aropma a mba gol andjuvuyozi is, andjuvuyozi huruzi mba mi zal mi.

Efes-sâ 5:33

Wani zla ndata ni kagi mi. Ar nge nge pî mi le yam amamba d’igi mam tambina. Ar atcha d’a lara ge pî ti he ngola mi ndjuvut mi.