Ester 1:13 - Bible azumeina

¹³ Amulâ mi de zlad’a mi suma ne suma a wahle suma a mba le kur atchogoid’ina, kayam zla d’a amula a minit navok suma ne suma a we gata ki d’ingêrina.

Ester 1:13 Kruisverwysings

1 Sunda Hamuleinid’a 12:32

Suma ad’u andjafâ hi Isakar-râ a ni 200, ni suma wahle suma Israel-lâ a ndak á lazina, ni nglo suma avok b’oziyozinina, ni suma b’oziyozina a nga ge yazi kä ad’uzina mi.

1 Sunda Hamuleinid’a 12:33

Suma ad’u andjafâ hi Zabulon-na a ni 50.000, ni suma a min tazi á i durâ kahle suma sï suma lara ge petna, ni suma a min tazi á i durâ ki hur ma tunina mi.

Ester 1:12

Wani ata yima azungeî suma a ngom aropma a dat zlad’a hamulîd’ina, ti min nga d’i. Amulâ hurum zala, mi mbut ayîna dadalau.

Jeremi 10:7

Angî amulâ handjaf sumina. Ni nge ba, mi lang ang mandarang nguo ge? Ang ndaga sana mi lang mandarangû, kayam aduk suma ned’a handjaf sumina pet, kur leu mazid’a pet mi, sama mi hle tam d’igi ang na na nga d’i.

Daniel 2:12

Kayam ndata, amulâ mi tchol kayî ma ngolâ kaziya, mi he vuna ala a tchi suma ne suma kur Babilon-na woi pet!

Daniel 2:2

Amulâ mi ge sunda mi yi suma mbuta, suma a djop ki tchitchiud’ina, suma kumana ki suma a djop ki suma azuleinina, kayam azi vum ad’u adï mamba woyo. Azi a mba, a i gevemu.

Daniel 2:27

Daniel mi hulong dum ala: Amulâ, sama ned’a d’oze ma djop tchitchiud’a d’oze ma kumana d’oze ma mbuta ma ndak á väd’u vama gumun ma ang de zlad’a kam wana nga d’i.

Daniel 5:7

Amulâ mi er ad’um akulo ki delem mba ngola ala a mba ki suma mbuta, suma kumana ki suma a djop ki tchitchiud’a suma Babilon-na. Mi dazi ala: Sama ndum zla d’a b’ir ndata mi vandji ad’ut tei mi na, an mba ni tchugum baru d’a hleu d’a sisila atamu, an mba ni tchugum vayîr ma lora kelemu, an mba ni tinim ma te yam ma hindina kur leud’a mi.

Matiye 16:3

Ki yorogod’a, agi nga dagi ala: Ini alona mba se, kayam akulod’a ka hleud’a ki d’ugula kikring. Agi wagi simat ta akulod’a, wani agi ndagagi á we simata hatchogoi d’a wandid’a d’i.

Matiye 2:1

Kid’a Marie ti vut Jesus kur Betelehem yam ambas sa Jude-d’a kur atchogoi d’a Herot mi nga kur amulid’a, suma ned’a a tcholï abo ma yorogona, a mba Jerusalem.