Ester 1:1 - Bible azumeina

¹ Wana ni zlad’a le kur atchogoid’a hamulâ Asuwerus-sa: Asuwerus máma mi te leud’a tinï ad’ud’a yam andaga d’a Inde-d’a dei gak mba yam andaga d’a Etiyopi-d’a. Ambas sa mam te kata pet ni kis kam dok mbà yam kid’iziya.

Ester 1:1 Kruisverwysings

Esdras 4:6

Kur atchogoi d’a Asuwerus mi tin ad’ud’a á tamulid’a, suma djangûna hi Juif-fîna a b’ir mbaktumba á tchuk zlad’a yam suma a nga kaka avo Juda ki Jerusalem-ma.

Ester 10:1

Amulâ Asuwerus mi tin tara yam suma kur ambasina, yam suma kur tilina mi.

Ester 2:3

Ar ang he vuna kur ambas manga pet ala ar azi togï gro arop suma djifâ kur azì ma ngol mamula avo Sus ata yima kaka haropmina, ar azi hazi abo Hege ma ngom arop ma a tinim yam aropmina, ar mi hazi ahle mazi suma a min ki tazi djifîna.

Ester 8:9

A yï suma b’ir mbaktumba hamulîna kur bur máma; ni bur ma dok mbà yam hindina hi til ma hindina, ni til ma a yum ala Sivan-na. A b’ir mbaktumba yam vun ma hed’a hi Mardose-na mi Juif-fâ ki suma nglona ki suma te yamba ki suma nglo suma kal tegles suma kur ambas sa kis kam dok mbà yam kid’iziyad’ina, tinï ad’ud’a yam andaga d’a Inde-d’a dei gak mba yam andaga d’a Etiyopi-d’a. A b’irit mi suma kur ambas sa lara pî ki b’ir mazid’a, mandjaf ma lara pî ki vun mam ma ded’a, mi Juif-fâ ki b’ir mazid’a ki vun mazi ma ded’a mi.

Ester 9:30

A sun mbaktum ndata mi Juif-fâ pet suma a nga kaka kur ambas sa kis kam dok mbà yam kid’iziya d’a amulâ Asuwerus nga mi te kata, a b’ir kurut ala a kak ki halasa bei vunadik ka tumba.

Isai 18:1

Alë! Ndak ambas sa gigingâ nga mi vet ta sä abo alum ma Etiyopi-na woi hî d’a,

Isai 37:9

Ata yi máma amul ma Asiri-na mi hum ala Tirhaka amul ma Etiyopi-na mi mba atam á durâ. Ata yima mi hum zla ndatina, mi tchuk sunda ata Ezekiyas

Daniel 11:2

Ki tchetchemba, an nga ni dang zla d’a gagazid’a. Malaika máma mi dan kua ala: Gola! Amuleina hindi a mba tchol te yam suma Perse-na kua. Bugola, ma fid’ina mba mi tok ndjondjoîd’a kal suma ding suma hindina. Fata mi mbut ad’enga ki ndjondjoî mambid’a, mba mi tchol djangûna ki leu d’a Grek-ka.

Daniel 6:1

Dariyus mi nga hurum á wal leu mamba kä ad’u kis yam dok mbà á tin suma nglo suma a yazi ala satrap-ma kat gagang pet mi.

Daniel 9:1

Kur biza d’a avok ka Dariyus Asuwerus gorom ma ad’u andjafâ hi suma Mede-na mi kak amula yam suma Babilon-nid’a,