Esdras 9:2 - Bible azumeina

² Kayam azi vigizi grozina, azi vigizi grozina mi grozina mi, a gizeî andjaf ma a tinim iram vama kandjafâ hi suma kur ambas sa wandina. Ni suma avok suma ki suma nglona ba, a le sun nda tcho ndata avogo.

Esdras 9:2 Kruisverwysings

Ad’u Tinda 6:2

Alona groma a we gro arop ndazina a djif irazi heî, a man suma a nde irazina, a vigiziya.

1 Amuleina 11:1

Salomon mi vamul ma Ezipte-na goromba, mi vik andjaf suma dingâ grozina ablaud’a; mi vik arop suma Mowap-ma, suma Amon-na, suma Edom-ma, suma Sidon-na ki suma Het-na mi.

Esdras 10:2

Ata yi máma Sekaniya Jehiyel gorom ma ad’u andjafâ hi Elam-ma, mi tchol mi de mi Esdras ala: Ami lami tchod’a avok Alo meina, ami vigimi andjaf gro suma ding suma kur ambas sa wandina. Hina pet pî, lovota nga yam Israel-lâ á buzuk kei kur zla ndata.

Esdras 9:12

Kayam ndata, ar agi hagi grogi suma aropma mi grozina d’i, agi vigizi grozi suma aropma mi grogina d’uo mi, agi djib’eregi yam halas mazid’a kahle mazi suma djivina d’i. Hina wani, agi mba fagi ad’enga, agi mba tagi vud’ahle suma djivi suma kal tegles suma kur ambas ndatina, agi mba arat djona mi grogina gak didin mi.

Esdras 9:14

Ami dok tchilami yam vun mang ma hed’a á vigimi andjaf ma ndjendje ma wana. Tala ang hurung zal kami dabami woi bei ar sama arâ tu ba d’a zu?

Nehemi 13:17

An ngop suma nglo suma Juda-na, an dazi ala: Agi lagi ni suna me d’a tcho d’a hina d’a á b’lagagi ki bur ma sabatna na ge?

Nehemi 13:28

Jojada gorom ma dingâ tu ni ma ngol ma ngat buzuna Eliyasip gorom ngolona, mam mi Sanbalat ma Horon-na akunoma. Kayam ndata, an digim mbei dei ki sed’en avo Jerusalem.

Buzuk ka Abud’a 19:6

Agi mba mbud’ugi ni leu man nda ngat buzuna, andjaf ma a tinim iram vama mi. Wana ni zla d’a ang i dat mi Israel-lîd’a.

Buzuk ka Abud’a 22:31

Agi mba kagagi ni suma a tinigi iragi vagi yam ana. Agi tagi vama har ri, agi hagizi ni madureina.

Buzuk ka Abud’a 34:16

Ar agi vigizi grozina mi grogina tala azi mbud’uzi ndjendjed’a á tuwal alo mazina d’oze á lobozi vunazi á mbud’uzi ndjendjed’a kalo mazina d’uo mi d’a.

Isai 6:13

Le ma dogona mi ar adigazi pî, mba mi kalî aduk akud’a, wani ni d’igi agu terebêna d’oze agu sena sideyezi mi hud’ur ata yima a kazi woi kuana na. Nala, sidiyem mba mi vut nandjaf ma yed’etna.

Sunda hi suma hi Levi-nid’a 21:15

Mam mba mi mbut andjavam zulona aduk sum mama d’i, kayam an ni Ma didin ma tinim iram vama.

Malatchi 2:11

Suma Juda-na a mbut suma mbut ira, a mbut ambas sa Israel-la kazì ma Jerusalem-ma ndjendjed’a, kayam a mbut vama a tinim iram vam mi Ma didinina ndjendjed’a, nala, gong nga hurum vata, kayam a vik arop suma a nga kud’or alona handjaf suma dingîna.

Malatchi 2:15

NAlona ba, mi mbud’ugi hliu ma tuna ki muzuk ma tuna d’uo zu? Ni kayam me ba, mi le hina ge? Kayam agi vud’ugi gro suma d’ingêrâ mAlona. Agi gologi tagi djiviya! Ar sa adigagi mi wal lei kamam mba azonga d’i.

1 Korente-na 7:14

Kayam mandjuf ma bei he gagazid’a, Alona mba mi tinim iram vam ni yam amamba. Atcha d’a bei he gagazid’a, Alona mba mi tinit irat vat ni yam ndjuvut mi. Le hina d’uo ni, grozina a mba mbut ni suma bei wAlona. Wani ki tchetchemba, Alona mi tinizi irazi vaziya.

2 Korente-na 6:14

Ar agi zlabagi darigïd’a ki suma bei he gagazid’ina d’i. Na ni d’ingêra ti le darigïd’a ki tchod’a zu? D’oze, b’od’a ti ndak á zlap tu ki nduvunda zu?

Gat ta a hat á mbàd’id’a 14:2

Kayam agi ni suma a tinigi iragi vagi mi Ma didina Alo maginina, Ma didina Alo magina mi managi á kak sum mama tazid’a aduk suma pet suma yam andagad’ina.

Gat ta a hat á mbàd’id’a 7:6

Kayam agi ni suma a tinigi iragi vagi mi Ma didina Alo maginina. Mi managi ni kayambala agi kagagi ni sum mama tazid’a aduk suma yam andagad’a ka hina ped’u d’a.

Josue 22:15

Azi i ata suma hi Ruben-na ki suma hi Gad-na kabo andjafâ hi Manase-na kur ambas sa Galät-ta, a dazi ala:

Josue 23:12

Le agi hagi huyogogi mAlona, agi reyêgi kandjaf suma a ar kaka ki sed’egi wana, agi djinigi vunagi ki sed’ezi á vagi tagi ba, agi gizeyêgi ki sed’eziya ni,