Esdras 9:12 - Bible azumeina

¹² Kayam ndata, ar agi hagi grogi suma aropma mi grozina d’i, agi vigizi grozi suma aropma mi grogina d’uo mi, agi djib’eregi yam halas mazid’a kahle mazi suma djivina d’i. Hina wani, agi mba fagi ad’enga, agi mba tagi vud’ahle suma djivi suma kal tegles suma kur ambas ndatina, agi mba arat djona mi grogina gak didin mi.

Esdras 9:12 Kruisverwysings

1 Sunda Hamuleinid’a 28:8

Ki tchetchemba, avok Israel-lâ, avok ablaud’a hi Ma didinid’a, avok Alo mei ma tin humam yam zla magid’ina, agi tid’igi yam vun ma he mama pet, agi ngomogizi kurugi mi, kayam agi kagagi yam ambas sa djivi ndata, kayam agi arat djona mi grogi suma blogogina gak didin mi.

2 Sunda Hamuleinid’a 19:2

Jehu Hanani ma djok vuna goroma mi ndeï á d’ugulomu, mi dum ala: Ni kayam me ba, ang ndjun sama asa’atna ge? Na ni ang le yam vama Ma didina mi noyôm mbeina zu? Ni kayam ndata ba, Ma didina hurum zal kang wana.

Esdras 9:2

Kayam azi vigizi grozina, azi vigizi grozina mi grozina mi, a gizeî andjaf ma a tinim iram vama kandjafâ hi suma kur ambas sa wandina. Ni suma avok suma ki suma nglona ba, a le sun nda tcho ndata avogo.

Buzuk ka Abud’a 23:32

Agi djinigi vunagi ki sed’ezi d’oze kalo mazina d’uo mi.

Zla d’a d’ogolâ 13:22

Sama djivina mba mi ar djona mi grom ngolona, wani ndjondjoîd’a hi suma tchonid’a mba d’i arî mi suma d’ingêrâ.

Zla d’a d’ogolâ 20:7

Sama d’ingêr ma nga mi tit kur d’engzeng mambina, grom suma a mba ar blogoma a mba fe djivid’a!

Isai 1:19

Le agi gagi yagi kä agi humun vunanu ni, agi mba tagi vut ahle suma djivi suma yam ambasina.

Gat ta a hat á mbàd’id’a 23:6

Ata yima agi nga ki iragi tua na, agi djib’eregi yam ndjondjoî mazid’a ki djivi mazid’a d’i.

Gat ta a hat á mbàd’id’a 23:7

Agi gologi Edom-ma is si, kayam azi ni b’oziyogina; agi gologi Ezipte-na is suo mi, kayam agi ei nangoyogeina yam ambas mazid’a.

Gat ta a hat á mbàd’id’a 7:3

Agi ndjagagi vunagi ki sed’ezi á vigizi d’i, agi hagi grogi suma aropma mi grozina d’i, agi vigigi grozi suma aropma mi grogina d’uo mi.