Esdras 9:11 - Bible azumeina

¹¹ Kayam ami noyômi vun mang ma he ma ang hamizï avun azungeî mang suma djok vunina woyo, ang dala: Ambas sa agi i kalagi kurut á mbut magid’id’a nambas sa mbut ndjendjed’a abo tchod’a hi suma a nga kurutnid’a. A oyôt tei kahle mazi suma ndjendje suma azi nga lazina tchetchep mi.

Esdras 9:11 Kruisverwysings

2 Amuleina 21:16

Manase mi tchi suma bei zlad’a kazina ngola, gak azì ma Jerusalem-ma mi oî ki buzuna, bei de zla d’a tcho d’a mam lat avo Juda-d’a ki sun nda tcho d’a mam lat avok Ma didinid’a ba.

2 Sunda Hamuleinid’a 33:2

Mi le sun nda tchod’a avok Ma didina, mi tit ni yam sun nda ndjendje d’a lara ge pet ta andjaf suma Ma didina mi digizi woi adjeu avok yam andagad’a á ar yina mi Israel-lîna a lata.

Esdras 6:21

Israel suma a mbeï avo kur magombina a te Pa’â, zlapa ki suma pet suma a wal tazi woi ki ndjendjed’a hi suma bei wAlonid’a suma a zlap ki sed’ezi á hal Ma didina Alona hi Israel-lîna.

Esdras 9:1

Bugol ahle ndazina, suma nglona a mba geven a dan ala: Israel-lâ, suma ngat buzuna ki suma hi Levi-na a wal nga kandjaf suma ding suma kur ambas sa wanda ki ndjendje mazi d’a a nga lata d’i, nala, ndjendjed’a hi suma Kanan-nid’a, hi suma Het-nid’a, hi suma Peris-sîd’a, hi suma Jebus-sîd’a, hi suma Amon-nid’a, hi suma Mowap-mid’a, hi suma Ezipte-nid’a ki d’a hi suma Amor-rîd’a mi.

Esdras 9:10

Ki tchetchemba, Alo mamina, ami dami nana yam ahle suma a mba wana ge?

Jeremi 26:5

le agi humugi nga zlad’a hazungeî man suma djok vun suma an nga ni sunugizï sä kur bur ma lara ge suma agi min humuzi zla mazid’a d’uo na mi ni,

2 Korente-na 7:1

Agi buniyôn suma od’a, vun ma hle máma pet ni keya. Kayam ndata, ar ei mbud’i tei yed’et, ar ei walei woi ki tcho d’a le d’a lara ge pet kur hliu teya, kur muzugei mi. Ar ei b’ad’ei tei á tini tei irat vat á le mandar Alona kur tit meid’a.

Gat ta a hat á mbàd’id’a 12:31

Ar agi kud’urogi Ma didina Alo magina d’igi azi nga kud’or alo mazina na d’i, kayam sun nda azi nga lat malo mazinid’a pet, ni sun nda ndjendje d’a Ma didina tam nga d’i lum djivi kat tuo d’a, kayam andjaf sum ndazina a nga ngal grozi suma andjofâ ki grozi suma aropma á he ngola malo mazina.

Gat ta a hat á mbàd’id’a 18:12

Kayam suma lahle suma hina na ni suma ndjendjed’a avok Ma didina. Ni kayam ahle suma ndjendje suma hina na ba, Ma didina Alo magina nga mi dik andjaf sum ndazina woi avorogi wana.