Esdras 8:23 - Bible azumeina

²³ Ni kayam ndata ba, ami d’elemi tami bei te tena, ami tchenemi Alo meina; mi humumi mi.

Esdras 8:23 Kruisverwysings

Ad’u Tinda 25:21

Isak mi tchen Ma didina yam amamba, kayam ndat ni gendreged’a. Ma didina mi hum tchen mamba; amamba Rebeka ti ve wirâ.

2 Amuleina 13:4

Wani Jowahas mi tchen Ma didina ki hud’a. Ma didina mi humumu, kayam mi wala amul ma Siri-na nga mi kid’eî ir Israel-lâ heî.

1 Sunda Hamuleinid’a 5:20

A fe ndjunda á dur ki suma Hagar-râ ki suma zlapa ki sed’ezina pet, a kus kaziya, kayam kur ayî máma a tchen Alona. Mi humuziya, kayam azi deng tazi natamu.

Esdras 8:31

Ami tcholomi avun alum ma Ahava-na kur bur ma dogo yam mbàna hi til ma avo’â á i Jerusalem. Alo meina iram nga tinda kami á ngomomi abo mami suma djangûna, abo suma pet suma a nga burumi kä glovotna mi.

Nehemi 9:1

Kur bur ma dok mbà yam fid’ina hi til mámina, Israel-lâ a tok taziya, a d’el tazi bei te tena, a tchuk baru d’a ndjondjorod’a ataziya, a tchuk andagad’a kazi mi.

Ester 4:16

Ang i tok Juif-fâ pet suma a nga avo Sus-sâ, agi d’elegi tagi bei te tena bei tche va kan gak burâ hindi falei kandjege. An pî mba ni d’el tan bei te tena ki yugunei mana mi. D’igi gata d’el hina pî, an mba ni i krovo avok amulâ; le a tchan ni tchi pî, a tchanu!

Zla d’a d’ogolâ 3:5

Ang he tang mi Ma didina ki hurung pet, ang deng tang yam ne manga go d’i.

Isai 19:22

Ma didina mba mi to Ezipte-na; mba mi tozi mi kazi mbuleina, wani mba mi tchilizi mbiliziya. Azi mba hulongî gevemu, mam mba mi humuzi tchen mazid’a, mba mi sud’uzi mi.

Jeremi 33:3

Ang yanu, an mba ni hulongông humba. An mba ni dang ngei yam ahle suma nglo suma a nga ngeid’a suma ang wazi nga d’uo na.

Daniel 9:3

An d’el tan bei te tena, an tchuk baru d’a ndjondjorod’a atanu, an tchuk butna kanu, an mbut iran gen Salad’a Alona á tchenem ki labiyad’a.

Wana ni Zla d’a Djivi d’a Luc mi b’irita 2:37

Ti kak modonod’a bizad’a dok klavandi yam fid’i. Ti ar nga gong nga kud’ora hAlonid’a d’i, nga d’i kud’or Alona ki d’el tad’a bei te tena ki tchenda andjege ki faleya.

Sunda hi suma a sunuzinid’a 10:30

Kornei mi dala: Ini ni bur ma hindina, ata yima an nga ni tchen Alona avo hatan kid’a afata tchuk siyata. Atogo hina zak, sana mi nga tchola avoron ki baru ma wile wiwilika atamu.

Gat ta a hat á mbàd’id’a 4:29

Nata yi máma ba, agi mba halagi Alo magina. Le agi halagizi ki hurugi tu ki djib’er magid’a ped’u ni, agi mba fumu.