Esdras 8:18 - Bible azumeina

¹⁸ D’igi Alo meina iram nga tinda kami na, a mbami ki sama ned’a Serebiya Mali gorom ma ad’u andjafâ hi Levi ma Israel goromina zlapa ki groma ki b’oziyoma, azi ni dogo yam klavandi.

Esdras 8:18 Kruisverwysings

1 Sunda Hamuleinid’a 6:1

Levi groma ba wana: Gerson, Kehat ki Merari.

1 Sunda Hamuleinid’a 6:19

Merari groma ba wana: Mali ki Musi. Wana ni suma hi Levi-na ad’u adezeziya.

1 Sunda Hamuleinid’a 6:4

Elazar mi vut Fines, Fines mi vut Abisuwa,

2 Sunda Hamuleinid’a 30:22

Ezekiyas mi had’enga mi suma hi Levi suma a nga ki wad’ud’a yam sunda hi Ma didinid’ina. A mut ahle suma a tchazi á vun tilîna gak burâ kid’iziya, a hahle suma ngat buzu suma zlap darigïd’a, a gile Ma didina Alona habuyozi ngolona mi.

Esdras 7:28

Ni ma iram nga tinda kan mi mbud’un djivid’a avok amulâ ki mam suma de d’alâ ki mam suma sun suma ad’engîna, ni ma ad’eng mamba nga ki sed’en an tok nglo suma Israel-lâ á i ki sed’ena.

Esdras 7:6

Mi tcholï Babilon, ni ma we mbaktumba, ni ma we gat ta Ma didina Alona hi Israel-lîna mi hat mi Moise-sina. Ma didina Alo mama mi nga ki sed’emu. Kayam ndata, amulâ mi hum ahlena pet suma mi tchenem kazina.

Esdras 7:9

Mi tcholï Babilon á i Jerusalem mî kur bur ma tuna hi til ma avo’â, mi mba Jerusalem mî kur bur ma tuna hi til ma vahlâ, kayam Alo mam ma djivina iram nga tinda kamu.

Esdras 8:16

Ata yi máma an yi suma nglona Eliyezer, Ariyel, Semaya, Elnatan, Jarip, Elnatan, Natan, Zakari, Mesulam ki suma a hat suma gatina Jojarip ki Elnatan.

Esdras 8:19

Hasabiya ki Isai ma Merari goromina ki b’oziyoma ki grozina, azi ni dok mbà,

Esdras 8:22

Ni vama zulona iran á de mamulâ tala mi hami azigarâ ki suma djang akulumeina á ngomomi kur tita abo suma djangûna d’a, kayam ami dami mamulâ ala: Alo mamina iram nga tinda kamiya, yam suma pet suma a nga halama. Wani ad’eng mamba kayî mama a nga yam suma a nga noyôm mbeina.

Esdras 8:24

An man suma aduk suma nglo suma ngat buzuna dogo yam mbà, nala, Serebiya ki Hasabiya ki b’oziyoma dogo mi.

Nehemi 10:12

Zakur, Serebiya, Sebaniya,

Nehemi 12:24

Suma hi Levi suma avok sumina ba wana: Hasabiya, Serebiya ki Josue Kadamiyel goroma ki b’oziyozi suma ding suma a tinizi adesâ adesâ yam tazi á gile Ma didina ki sawala d’igi David sana hAlonina mi he vuna na na.

Nehemi 2:8

Ang han mbaktum mba dinga abon mi Asaf ma ngol ma te yam agunina, kayam mi han aguna á le ki vun azì ma ndjol ma nga go ki gong nga kud’ora hAlonid’ina, ki gulumuna hazina ki gulumuna hazì ma ngol ma an i ni kak kuana. Amulâ mi han lovota kayam Alo man ma djivina iram nga tinda kanu.

Nehemi 8:7

Ata yima suma a nga tchola akulo kasezina, suma hi Levi-na, Josue, Bani, Serebiya, Jamin, Akup, Sebetai, Hodiya, Mäseya, Kelita, Azariya, Jozabat, Hanan ki Pelaya a vazi ad’u gata.

Zla d’a d’ogolâ 24:3

Nata ned’a ba, sana mi min kazina; nata wad’ud’a ba, azì máma mi tchol ki ngingi mi.

Zla d’a d’ogolâ 3:6

Ang wum mbei tetet kur sun mang nga led’a pet, ni mam ba, mba mi blazang lovot manga kä mi.

Jeremi 3:15

An mba ni hagi suma pol suma an hurun minizina. Azi mba pologi ki ned’a ki wad’ud’a mi.

Daniel 1:20

Ata yima amulâ mi djobozi ad’ud’a yam hat ta lara ge d’a yam ned’a ki wed’id’a, nga mi fe hum mba azi hulongômzid’a kal hum mba suma mbuta ki suma a djop ki tchitchiud’a suma kur leu mamba petna a hulongômzid’a yazi dogo.

Ndumba 3:20

Wana ni simiyê Merari groma ad’u adezeziya: Mali ki Musi. Wana nadesâ hi suma hi Levi-na ad’u andjavaziya.

1 Korente-na 14:20

B’oziyona, ar agi djib’eregi d’igi gugureina na d’i. Ar agi kagagi ni d’igi gugureina na yam tchod’a, wani ar agi djib’eregi ni d’igi suma a djengâ na.