Esdras 7:6 - Bible azumeina

⁶ Mi tcholï Babilon, ni ma we mbaktumba, ni ma we gat ta Ma didina Alona hi Israel-lîna mi hat mi Moise-sina. Ma didina Alo mama mi nga ki sed’emu. Kayam ndata, amulâ mi hum ahlena pet suma mi tchenem kazina.

Esdras 7:6 Kruisverwysings

Ad’u Tinda 32:28

Sa máma mi hulong dum ala: A dok yang ala Jakob puo d’a, wani a mba yang ala Israel. Kayam ang ndjiget kAlona ki sumuna, ang kuza.

Esdras 5:5

Wani Alona iram nga tinda yam suma nglo suma Juif-fâ; mazi suma djangûna a d’elezi nga bei le sunda d’i, a de zla ndata mamulâ Dariyus gak a fe mbaktumba abom yam minda hi gong ndatid’a.

Esdras 6:22

A lü vun til ma a lum kavungô ma bei angufina ki furîd’a gak burâ kid’iziya, kayam Ma didina mi lazi tazi djivid’a ata yima mi mal djib’era hamul ma Asiri-na á ndjunuzi kur sunda hi gong nga kud’ora hAlona hi Israel-lînid’a.

Esdras 7:21

An amulâ Artazerses ni he vuna mi agi suma ngom beged’a pet suma sä abo alum ma Efrat-na abom ma fladegenina ala agi hagi beged’a nenet mi ma ngat buzuna Esdras ma we mbaktum ma we gata hAlo ma akulonina kahlena pet suma mam mba mi djobogi kazina.

Esdras 7:28

Ni ma iram nga tinda kan mi mbud’un djivid’a avok amulâ ki mam suma de d’alâ ki mam suma sun suma ad’engîna, ni ma ad’eng mamba nga ki sed’en an tok nglo suma Israel-lâ á i ki sed’ena.

Esdras 7:5

Abisuwa, Fines, Elazar ki ma ngol ma ngat buzuna Aron, azi pet ni Esdras abuyom ngolo.

Esdras 7:9

Mi tcholï Babilon á i Jerusalem mî kur bur ma tuna hi til ma avo’â, mi mba Jerusalem mî kur bur ma tuna hi til ma vahlâ, kayam Alo mam ma djivina iram nga tinda kamu.

Esdras 8:1

Wana ni suma nglo suma avok ades suma a tcholï Babilon a mbeï ki sed’en Jerusalem ata yima Artazerses nga mi tamulina andjavaziya:

Esdras 8:18

D’igi Alo meina iram nga tinda kami na, a mbami ki sama ned’a Serebiya Mali gorom ma ad’u andjafâ hi Levi ma Israel goromina zlapa ki groma ki b’oziyoma, azi ni dogo yam klavandi.

Esdras 8:22

Ni vama zulona iran á de mamulâ tala mi hami azigarâ ki suma djang akulumeina á ngomomi kur tita abo suma djangûna d’a, kayam ami dami mamulâ ala: Alo mamina iram nga tinda kamiya, yam suma pet suma a nga halama. Wani ad’eng mamba kayî mama a nga yam suma a nga noyôm mbeina.

Esdras 8:31

Ami tcholomi avun alum ma Ahava-na kur bur ma dogo yam mbàna hi til ma avo’â á i Jerusalem. Alo meina iram nga tinda kami á ngomomi abo mami suma djangûna, abo suma pet suma a nga burumi kä glovotna mi.

Nehemi 12:26

Azi ni suma a le sun mazid’a kur atchogoid’a hi Jojakim Josue gorom ma Josadak gorom ngolonina, natchogoi d’a Nehemi ma te yamba azi ki ma ngat buzuna Esdras ma we gata heîna a nga kura.

Nehemi 12:36

B’oziyoma Semaya, Azarel, Milalai, Gilalai, Mai, Netanel, Juda ki Hanani a nga kahle suma bud’a hi David sana hAloninina aboziya. Esdras ma we gata heîna ni ma avorozina.

Nehemi 2:12

Bugola, an tchol andjege ki suma dingâ ad’un tcha, bei an de zla d’a Alo mana mi tinindji kurun á lat yam Jerusalem-mba mi sa ba, an i nga ki vama ding ngi, ni koro ma an nga kama hol.

Nehemi 2:18

An vazi ad’ud’a ala ni nana ba, Alo man ma djivina iram nga tinda kan nge? An dazi zla d’a amulâ mi dandjid’a mi. Azi dan ala: Ei tcholeya, ei minïziya. A ve tazi ad’enga kur zla d’a djivi d’a azi nga huruzi kat ndata mi.

Nehemi 2:8

Ang han mbaktum mba dinga abon mi Asaf ma ngol ma te yam agunina, kayam mi han aguna á le ki vun azì ma ndjol ma nga go ki gong nga kud’ora hAlonid’ina, ki gulumuna hazina ki gulumuna hazì ma ngol ma an i ni kak kuana. Amulâ mi han lovota kayam Alo man ma djivina iram nga tinda kanu.

Nehemi 4:15

Ata yima mami suma djangûna a hum ala ami humumiya wa zla ndata na, Alona mi pleyêzi nga hur mazina woyo. Ami pet hulongômi ata gulumuna minda, nge nge pî ata yi mam ma sunda.

Nehemi 8:1

Kid’a til ma kid’iziyana mi deîd’a, Israel-lâ a nga avo hataziya. Kur bur máma a tok d’igi sama tuna na ata yima avun agrek ma i ki yima mbinina, a de mi Esdras ma we gata heîna ala mi hleï mbaktum mba Gat ta Ma didinda mi hat mi Israel-lâ abo Moise-sa.

Nehemi 8:13

Kur bur ma mbàna suma nglo suma avok Israel-lâ ki suma ngat buzuna ki suma hi Levi-na a tok gen Esdras ma we gata heîna á hum zlad’a hi gatid’a.

Nehemi 8:4

Esdras ma we gata heîna, mi nga tchola ata yima tchol ma a minim kaguna á ndum mbaktumbina. Matitiya, Sema, Anaya, Uri, Hilkiya ki Mäseya a nga tchola gevem yam bigam mba ndjufâ; Pedaya, Misayel, Malkiya, Hasum, Hasebadana, Zakari ki Mesulam a nga tchola gevem yam bigam mba gulid’a mi.

Nehemi 8:9

Nehemi ma te yamba ki Esdras ma we gata heîna ki suma hi Levi suma a hat sumina, a de mi suma pet ala: Bur ma inina ni bur ma a tinim iram vam yam Ma didina Alo maginina. Ar agi yorogi tagi d’i, agi tchigi d’uo mi. Kayam suma pet ata yima a hum zlad’a hi gatid’ina a nga tchiya.

Nehemi 9:13

Ang tchuk aseng kä yam ahina d’a Sinai-d’a, ang dazi zlad’a ei akulo, ang hazi gat ta d’ingêra, hat ta gagazid’a ki vun ma he ma djivi ma kal teglesâ mi.

Sawal la giled’a 109:27

Ar a wala ni ang Ma didina ba, lahle ndazina kan kabongû.

Sawal la giled’a 147:19

Nga mi tak zla mamba woi mi Jakob, nga mi he gat mamba ki nga hur mama mi Israel.

Sawal la giled’a 45:1

Ni sawal la Kore groma a hlat kadingâ a hat mi ma ngolâ hi suma hle sawalina. Ni sawal la od’a.

Sawal la giled’a 80:18

Ang tin abong yam sama nga ata bigang nga ndjufina, yam gor sama ang tang hum ad’engina mi.

Zla d’a d’ogolâ 3:6

Ang wum mbei tetet kur sun mang nga led’a pet, ni mam ba, mba mi blazang lovot manga kä mi.

Isai 50:2

An ni mba. Ni kayam me ba, an fe nga sa d’uo ge? An yiya. Ni kayam me ba, sa mi hulongôn nga humba d’uo ge? Na ni abon ni gid’enga á sut sa zu? Na ni ad’engên ndak á prut sa woi d’uo zu? An nga ni ngopa; alum ma ngolâ mi so woyo. An nga ni mbut alum ma gureina d’igi hur fulâ na, kuluf ma kuruma nga mi tchim mbeyo, nga mi bo woi abo vun ma sod’a mi.

Isai 59:1

Agi djib’eregi ala Ma didina abomî gid’engâ á sud’ugi d’oze humam mbi ni ngela á humugiya zu?

Jeremi 8:8

Ma didina mi dala: Ni nana ba, agi ndak á dagi ala: Ami ni suma ned’a, ami ni suma gata hi Ma didinid’a nga abomina ata yima magi suma hat gat suma ka zlad’a a nga had’at ata lovod’ot tuo na ge?

Matiye 13:52

Mi dazi ala: Kayam ndata, sama hat gat ma lara pî ma mbut tam ma hata yam leu d’a akulod’ina, mi hle tamî d’igi samazì ma nga mi yoï ahle mam suma awilina ki suma adjeuna woi ata yazi ma ngeid’ina na.

Matiye 23:2

Suma hat gata azi ki Fariziyêna a vrak kaka balum Moise á vagi ad’u gat mamba.

Matiye 28:20

Agi had’azi á ngom ahlena pet suma an hagi vuna kazina. Gola! An nga ki sed’egi teteu gak dabid’a hi duniyad’id’a mi.

1 Korente-na 1:20

Ki tchetchemba, sama ned’a mi nga ni lara ge? Sama hat suma mi nga ni lara ge? Sama tchi tuguyo ma kur atchogoi d’a wandina mi nga ni lara ge? Alona mi tagei nga ala ned’a hi duniya d’a wanda ni lilid’a d’uo zu?

1 Korente-na 15:1

B’oziyona, ki tchetchemba, an min gagi humagi yam Zla d’a Djivi d’a an tchagizi walat ta agi vata. He gagazi magid’a nga d’i sira kat ngingring mi.

Gat ta a hat á mbàd’id’a 28:1

Moise mi de kua ala: Le agi gagi yagi kä ad’u zlad’a hi Ma didina Alo maginid’a, le agi ngomogi zla mamba agi tid’igi yam vun mam ma he ma an hagizi inina mi ni, Ma didina Alo magina mba mi tinigi ngola yam andjaf suma yam andagad’ina pet.

Gat ta a hat á mbàd’id’a 4:5

Agi wagiya, an had’agi gata ki vun ma hed’a d’igi Ma didina Alo mana mi han vuna na kayambala fata agi kalagi kur ambas sa agi mba hlat á kagagi kura, agi tid’igi kaziya d’a.