Esdras 7:28 - Bible azumeina

²⁸ Ni ma iram nga tinda kan mi mbud’un djivid’a avok amulâ ki mam suma de d’alâ ki mam suma sun suma ad’engîna, ni ma ad’eng mamba nga ki sed’en an tok nglo suma Israel-lâ á i ki sed’ena.

Esdras 7:28 Kruisverwysings

Ad’u Tinda 32:28

Sa máma mi hulong dum ala: A dok yang ala Jakob puo d’a, wani a mba yang ala Israel. Kayam ang ndjiget kAlona ki sumuna, ang kuza.

Ad’u Tinda 43:14

Ar Alo ma ad’engêm kal petna mi le sunda, ar sa máma mi wagi hohowogiya, mi ar Benjamin azi ki Simeon a hulongî ki sed’egiya. Le an ka’î bei grona pî ni, an kak digan wüd’a.

Esdras 5:5

Wani Alona iram nga tinda yam suma nglo suma Juif-fâ; mazi suma djangûna a d’elezi nga bei le sunda d’i, a de zla ndata mamulâ Dariyus gak a fe mbaktumba abom yam minda hi gong ndatid’a.

Esdras 7:14

An ki man suma de d’al suma kid’iziyana, ami sunung sä Juda ki Jerusalem á gol na ni suma a nga tit ni d’igi gata hAlo mangâ d’a nga abonga de hina ko zu?

Esdras 7:6

Mi tcholï Babilon, ni ma we mbaktumba, ni ma we gat ta Ma didina Alona hi Israel-lîna mi hat mi Moise-sina. Ma didina Alo mama mi nga ki sed’emu. Kayam ndata, amulâ mi hum ahlena pet suma mi tchenem kazina.

Esdras 7:9

Mi tcholï Babilon á i Jerusalem mî kur bur ma tuna hi til ma avo’â, mi mba Jerusalem mî kur bur ma tuna hi til ma vahlâ, kayam Alo mam ma djivina iram nga tinda kamu.

Esdras 8:1

Wana ni suma nglo suma avok ades suma a tcholï Babilon a mbeï ki sed’en Jerusalem ata yima Artazerses nga mi tamulina andjavaziya:

Esdras 8:15

An togozi avun alum ma nga mi djang iram abo ma Ahava-na, ami vami anguvora kolâ lami burâ hindi. An hal aduk suma ki suma ngat buzuna, an fe nga andjafâ hi suma hi Levi-na tu d’i.

Esdras 8:18

D’igi Alo meina iram nga tinda kami na, a mbami ki sama ned’a Serebiya Mali gorom ma ad’u andjafâ hi Levi ma Israel goromina zlapa ki groma ki b’oziyoma, azi ni dogo yam klavandi.

Esdras 9:9

Kayam ami ni magumeina, wani ang Alo mamina arami nga woi kur magomba d’i, ang wami wa hohowomi avok amulei suma Perse-na. Kayam ndata, azi arami lovota á min gong mang nga kud’ora, á minimi yima b’lak keina akulo, á fami yima kaka avo Jerusalem yam ambas sa Juda-d’a mi.

Nehemi 1:11

Salad’a, ang tin humang hum tchen nda an azong mangâ nga ni tchenenga ki tchenda hazungeî mang suma a nga lang mandarangâ, ang wan hohowon an azong mangâ avok amul máma ini. Kur biza ndata an ni ma ni he süma mamulîna.

Nehemi 2:8

Ang han mbaktum mba dinga abon mi Asaf ma ngol ma te yam agunina, kayam mi han aguna á le ki vun azì ma ndjol ma nga go ki gong nga kud’ora hAlonid’ina, ki gulumuna hazina ki gulumuna hazì ma ngol ma an i ni kak kuana. Amulâ mi han lovota kayam Alo man ma djivina iram nga tinda kanu.

Sawal la giled’a 109:12

Ar sa mi tin iram kam á lum djivid’a d’i, ar sa mi we hohowa grom suma hokuyod’a d’uo mi!

Jonas 3:7

Ata yi máma amulâ mi he vuna kur azì ma Ninif-fâ ala: Wana ni vun ma hed’a hi an amulâ ki man suma sundina: Ar sa tu pî mi te va d’oze mi tche va d’uo mi, ar d’uwar ma nglona ki ma gureina mi te hatna d’oze mi tche mbina d’uo mi.