Esdras 7:21 - Bible azumeina

²¹ An amulâ Artazerses ni he vuna mi agi suma ngom beged’a pet suma sä abo alum ma Efrat-na abom ma fladegenina ala agi hagi beged’a nenet mi ma ngat buzuna Esdras ma we mbaktum ma we gata hAlo ma akulonina kahlena pet suma mam mba mi djobogi kazina.

Esdras 7:21 Kruisverwysings

Esdras 4:16

Ami nga vang ad’ud’a, le azi min wa azì máma ki gulumun mama akulo ni, ang mba fe yima te leud’a abo alum ma Efrat-na ka hî d’uo d’a.

Esdras 4:20

Adjeu amulei suma ad’engâ a nga kur Jerusalem. Ni suma a te yam suma pet suma a nga kaka abo alum ma Efrat-na woi hina, suma a nga wuragazi bege d’a a ngazizi kazid’a d’oze tara d’oze bege d’a a i kakoid’id’a mi.

Esdras 6:6

Kayam ndata, ang Tatenai ma te yam andaga d’a sä abo alum ma Efrat-na abom ma fladegenina ki Setar-Bosnai ki ndrogi suma Afarsak suma a nga kaka ata yima dingâ yam andaga ndatina, agi aragi sum ndazina.

Esdras 7:1

Bugol ahle ndazina, kid’a Artazerses amul ma Perse-na nga mi tamulid’a, Esdras mi tcholï Babilon, mi mba. Mam mi Seraya goroma. Azariya, Hilkiya,

Esdras 7:22

Agi hum bege d’a hapa ndak ir kilona 30.000, gemena kilona 30.000, süm guguzlud’a lidirâ 4000, mbulâ lidirâ 4000, ndjuvuna ni kur min magid’a.

Esdras 7:6

Mi tcholï Babilon, ni ma we mbaktumba, ni ma we gat ta Ma didina Alona hi Israel-lîna mi hat mi Moise-sina. Ma didina Alo mama mi nga ki sed’emu. Kayam ndata, amulâ mi hum ahlena pet suma mi tchenem kazina.

Esdras 8:36

A he vun ma hed’a hamulîna mi mam suma nglona ki suma te yam suma sä abo alum ma Efrat-na abom ma fladegenina. Sum ndazina a ndjun Israel suma a nga min gong nga kud’ora hAlonid’ina mi.

Nehemi 2:7

Bugola, an de mamulâ ala: Le ang mina ni, ang han mbaktumba abon yam suma te yam suma sä kaka yam andaga d’a sä abo alum ma Efrat-na woi hid’a, kayam a aran lovota an kal i Juda.

Sawal la giled’a 119:4

Ang hami gat manga tala ami tid’imi kat ki hur ma tuna d’a.

Daniel 6:26

An he vuna kur leu manda pet ala: Ar nge nge pî mi le mandara Alona hi Daniel-lâ. Ar mi ge yam kä avorom mi, kayam mam mi Alo ma bei matna ba na. Ni ma nga kaka gak didina, leu mamba nga d’i b’lak kei d’i. Ni ma nga mi te leud’a gak dabid’a hatchogoid’ina.