Esdras 6:16 - Bible azumeina

¹⁶ Israel-lâ, suma ngat buzuna, suma hi Levi-na ki nglo suma a yozi magomba adjeuna, a le furîd’a yam tin nda a tin gong nga kud’ora hAlonid’a irat vata.

Esdras 6:16 Kruisverwysings

1 Amuleina 8:62

Amulâ Salomon ki Israel-lâ pet suma a nga ki sed’ema a hahle suma ngat buzuna mi Ma didina.

1 Amuleina 8:63

Amulâ mi ngat amuzleina buzuna ni 22.000 kaho’â 120.000 á le darigïd’a ki Ma didina á tin gong nga kud’ora hi Ma didinid’a irat vat mi.

1 Sunda Hamuleinid’a 15:28

Israel-lâ pet a hleï zandu’â hi Ma didinina ki siwela gandjau, a nga bu aduvei suma nglona ki suma gureina ki tchigiyeud’a, a nga bu ading ma nglona ki ma gureina mi.

1 Sunda Hamuleinid’a 9:2

Suma a hulongî a kak avok kikidji kur yima a hazizi djonina ni Israel suma hawana, suma ngat buzuna, suma hi Levi-na ki suma Netin-na mi.

2 Sunda Hamuleinid’a 29:30

Amulâ Ezekiyas ki suma nglo suma sunda a de mi suma hi Levi-na ala a subur Ma didina ki sawal la David azi ki Asaf ma djok vun Alona a hlata. A hlat ki furîd’a. Bugola, a grif kä andaga a kud’or Ma didina.

2 Sunda Hamuleinid’a 30:23

Ablau suma toka a ndjak vunazi tu ala a le vun tilâ kua kur burâ kid’iziya. A le bur ma kid’iziya máma ni ki furîd’a,

2 Sunda Hamuleinid’a 30:26

Suma a le furîd’a ngola avo Jerusalem. Kur atchogoid’a hi Salomon David goroma amul ma Israel-lîd’a ei dedei pî, a le nga furîd’a hina d’a avo Jerusalem yazi tu d’i.

2 Sunda Hamuleinid’a 7:5

Amulâ Salomon mi ngat amuzleina buzuna 22.000 kaho’â 120.000. Ni hina ba, amulâ ki suma pet a tin gonga hAlonid’a irat vad’u.

Esdras 4:1

Kid’a suma a kak djangûna ki suma Juda-na ki suma Benjamin-nina a hum ala suma a yozi magombina a mba wa a nga min gong nga kud’ora hAlona hi Israel-lîna akulo mi d’a,

Esdras 6:22

A lü vun til ma a lum kavungô ma bei angufina ki furîd’a gak burâ kid’iziya, kayam Ma didina mi lazi tazi djivid’a ata yima mi mal djib’era hamul ma Asiri-na á ndjunuzi kur sunda hi gong nga kud’ora hAlona hi Israel-lînid’a.

Nehemi 12:27

Kid’a a dap gulumun ma Jerusalem-ma dapa, a i halï suma hi Levi-na ata yima azi nga kaka kuana pet, a mba ki sed’ezi Jerusalem á le furîd’a á tin gulumuna iram vam mAlona, á hle sawala giled’a ki tchigiyeud’a kading ma nglona ki ma gureina mi.

Nehemi 12:43

Kur bur máma suma a he he d’a hawa d’a ngat buzuna ablaud’a, a le furîd’a ngola, kayam Alona mi hazi bur ma furîd’a. Aropma ki kemba a le furîd’a avo Jerusalem mi. Kayam ndata, suma a nga humut sä woi ata yima deina.

Nehemi 7:73

Suma ngat buzuna, suma hi Levi-na, suma ngom vun gongîyona, suma hle sawala, suma hawana, suma Netin-na ki Israel suma dingâ pet a hulong kak kur aziyaziya.

Nehemi 8:10

Esdras mi dazi ala: Agi mud’ugi hliu ma mbulâ, agi tchagi süm ma ab’lengâ, agi i sunugi hliuna mi suma a nga ki va d’uo na, kayam bur ma inina ni bur ma a tinim iram vam yam Salad’ina. Agi yorogi tagi d’i, kayam furîd’a hi Ma didinid’a mba d’i mbut nad’eng magid’a.

Sawal la giled’a 122:1

Ni sawala hi David ta suma a djak Jerusalem á lü vun tilîna a hlata. An nga ki furîd’a ata yima a dan ala: Ar ei ï avo hi Ma didina na.

Daniel 5:13

Ata yi máma hina wat a mba ki Daniel avok amulâ. Amulâ mi djobom ala: Angî Daniel ma aduk Juif suma abun mi yozï magombina gagazi zu?

Jean 10:22

Vun til ma a tin gong nga kud’ora hAlonid’a irat vatna nga avo Jerusalem, ni til ma ab’lenga.

Gat ta a hat á mbàd’id’a 12:7

Ni kua kolâ ba, agi ki sum magina mba tagi ahle suma djivi suma Ma didina Alo magina mba mi b’e vunam kagi agi mba fagizi kur sun magi d’a led’ina, agi mba lagi furîd’a kazi mi.

Filip-ma 4:4

Ar agi lagi furîd’a yam Salad’a. An nga ni dagi kua: Agi lagi furîd’a.