Esdras 6:13 - Bible azumeina

¹³ Ata yi máma Tatenai ma te yam andaga d’a sä abo alum ma Efrat-na abom ma fladegenina ki Setar-Bosnai ki ndrozi suma sunda, a nga le sunda yam vun ma he ma amulâ Dariyus mi hazizina memet mi.

Esdras 6:13 Kruisverwysings

Esdras 4:23

Ata yima a ndum mbaktumba hamulâ Artazerses-sa avok Rehum ki Simsai ma b’ir mbaktumba ki ndrozi suma dingâ nduma, a i Jerusalem atogo zak ata Juif-fâ kahle suma sïna aboziya, a d’elezi bei le sunda kad’enga.

Esdras 4:9

Rehum ma te yamba, Simsai ma b’ir mbaktumba ki ndrozi suma a arâ, nala, suma Din-na, suma Arfarsata’â, suma Tarpel-lâ, suma Arfaras-sâ, suma Ere’â, suma Babilon-na, suma Sus-sâ, suma Deha-na, suma Elam-ma,

Esdras 5:3

Ata yi máma tamba, Tatenai ma nga mi te yam andaga d’a avun alum ma Efrat-na ndatina ki Setar-Bosnai ki ndrozina a mba ataziya, a dazi ala: Ni nge ba, mi hagi vuna á min gonga ki gulumuna akulo ge?

Esdras 5:6

Wana ni mbaktum mba Tatenai ma te yam andaga d’a sä abo alum ma Efrat-na abom ma fladegenid’a ki Setar-Bosnai ki ndrozi suma Afarsak suma a nga kaka ata yima dingâ yam andaga ndatina a b’irit mamulâ Dariyus-sa.

Esdras 6:6

Kayam ndata, ang Tatenai ma te yam andaga d’a sä abo alum ma Efrat-na abom ma fladegenina ki Setar-Bosnai ki ndrogi suma Afarsak suma a nga kaka ata yima dingâ yam andaga ndatina, agi aragi sum ndazina.

Ester 6:11

Haman mi yoï baruna, mi veï akuluma, mi tin Mardose kamu, nga mi tit ki sed’em hur azì ma ngolâ, nga mi er ad’um avorom akulo ala: Amulâ mi le ki sama mam min á hum ngolina ni nä.

Zla d’a d’ogolâ 29:26

Suma ablaud’a a nga hal lovota á mbut tazi djivid’a avok ma te yamba, wani Ma didina ni ma ka sariyad’a yam nge nge pî na.

Ma tchi wala 8:4

Zlad’a hamulâ d’a lara ge pet ti nga kad’enga, sama ndak á djobom ala: Ang le na ni me na ge nga d’i.