Esdras 6:12 - Bible azumeina

¹² Ar Alo ma tin simiyêm kur yi mámina, mi b’lak amuleina kandjaf suma pet suma a tchila yam vun ma he máma á b’lak gong nga kud’ora hAlona d’a nga Jerusalem-mid’a woina. Ni an Dariyus ba, ni he vun máma. Ar suma a le sunda kam memet!

Esdras 6:12 Kruisverwysings

1 Amuleina 9:3

Ma didina mi dum ala: An hum tchen mang nga hu d’a ang tchenenda, an tin wa gong nga ang minita irat vad’u, an mba ni kak kua adigagi gak didin, an mba ni tin iran kad’u, an mba ni vagi atan burâ ki burâ mi.

2 Sunda Hamuleinid’a 7:16

Ki tchetchemba, an man wa gong ndata, an tinit wa irat vat kayam simiyên mi yi kua burâ ki burâ, an mba ni tin iran ki hurun pet kat burâ ki burâ mi.

Esdras 6:13

Ata yi máma Tatenai ma te yam andaga d’a sä abo alum ma Efrat-na abom ma fladegenina ki Setar-Bosnai ki ndrozi suma sunda, a nga le sunda yam vun ma he ma amulâ Dariyus mi hazizina memet mi.

Esdras 6:14

Suma nglo suma Juif-fâ a nga min gonga, a nga i irazi avogovok d’igi suma djok vun Alona Aze azi ki Zakari Ido goroma a de na. A min gulumuna akulo d’igi Alona hi Israel-lîna mi he vuna na, d’igi Sirus ki Dariyus ki Artazerses amulei suma Perse-na a he vuna na mi.

Esdras 7:15

Ang i ki bege d’a hapa ki lora suma an ki man suma de d’alâ ami hamizi kur min mamid’a mAlona hi Israel ma yam ma kaka nga avo Jerusalem-ma.

Esdras 7:17

Kayam ndata, ang ngom bege ndata djivid’a, ang gus amuzlei suma andjofâ, gamlâna, gro tumiyôna kahle suma ndak yam he d’a hawa d’a afutina, ki d’a süm guguzlud’a kahle suma ndak á he he d’a hawad’ina, ang hazi yam yima ngal ahle suma ngat buzuna kur gong nga kud’ora hAlo magina d’a nga Jerusalem-mba.

Esdras 7:26

Sama lara pî ma nga mi tit yam gata hAlo mangîd’a ki gat man an amulîd’a memet tuo na, a mba kam sariyad’a kam a tchum mbei d’oze a digim mbei d’oze a hurumum ahligiyem mboze a gum dangeina.

Ester 8:14

Suma sunda a ful yam akulumei suma a djang heîna hamulîna, a i ki vun ma hed’a hamulîna atogo zazak, a tchum walam mbei kur azì ma ngol ma Sus-sâ mi.

Sawal la giled’a 5:10

Zla d’a ti irata nga avunazi d’i; huruzi oîd’a ni ki murud’umba; horzlom delezi ni d’igi asu d’a vunat nga mala woid’a na; sinazi afefeta á lop suma.

Buzuk ka Abud’a 20:24

Agi minin yima ngal ahle suma ngat buzuna kandagad’a. Agi mba han ahle suma ngat buzu suma ngala kahle suma ngat buzu suma zlap darigïd’a ki d’uwar magi ma gureina ki ma nglona kamu. Ata yima lara ma human mba d’i gan yam simiyêna, an mba ni mba gevegiya, an mba ni b’e vunan kagi mi.

Ma tchi wala 9:10

Vama abong fuma, ang lum kad’eng manga pet, kayam sunda d’oze djib’era d’oze wad’ud’a d’oze ned’a a nga ata yima azulei ma ang nga i kuana d’i.

Isai 60:12

Andjaf suma d’oze andjaf suma kur leud’a a mba lak sunda d’uo na, a mba tchazi woyo; andjaf máma a mba dabam mbei pepet mi.

Abdiyas 1:10

Kayam murud’um mba agi lat mi b’oziyogi suma hi Jakob-mid’a, zulona mba mi lagiya, a mba dabagi woi ki iragi fafat.

Sunda hi suma a sunuzinid’a 9:5

Mi djobom ala: Salana, angî nge ge? Mam hulong dum ala: Ni an Jesus ma ang nga djobon vunana.

Gat ta a hat á mbàd’id’a 12:11

Nata yima Ma didina Alo magina mba mi manam á tin simiyêm á kak kua máma ba, agi mba igi kahlena pet suma an hagi vuna kazina, nala, he d’a hawa magi d’a ngala, he d’a hawa magi d’a ngat buzuna, dim magi ma agi huma, vun ahle suma agi hazina, ki he d’a hawa d’a agi manat á hlagi vunagi kat mi Ma didinid’a mi.

Gat ta a hat á mbàd’id’a 12:5

Wani agi i kud’uromî ata yima mam mba mi manam aduk andjavagi á tin simiyêm á kak kuana hol.

Gat ta a hat á mbàd’id’a 16:2

Agi ngad’agi d’uwar ma nglona ki ma gureina Pa’â mi Ma didina Alo magina ata yima mam mba mi manam á kak kuana.