Esdras 5:8 - Bible azumeina

⁸ Ang wala ami imi yam andaga d’a Juda-d’a gak ata yima gong nga kud’ora hAlo ma ngolîd’a ti nga kuana. A nga min gong ndata ni kahina d’a tcheta, a nga pe aguna aduk gulumuna. Sun ndata nga d’i labozi djivid’a, nga d’i i avogovok mi.

Esdras 5:8 Kruisverwysings

Esdras 2:1

Wana ni suma a tcholï yam ambas sa Babilon-nda a mbana; ni suma Nebukanezar amul ma Babilon-na mi yozi adjeu avo Jerusalem mi izi sä Babilon-na; ni azi ba, a hulongî avo Jerusalem, yam ambas sa Juda d’a teteng mi, nge nge pî mi i kur azì mama:

Esdras 5:7

A de kur mbaktum ndata ala: Amulâ Dariyus, ami gang depa.

Esdras 5:9

Ami djobomi suma nglona ala: Ni nge ba, mi hagi vuna ala agi minigi gong ndata ki gulumun máma akulo ge?

Esdras 6:10

kayam azi hahle suma ngat buzu suma his suma afufuîna mAlo ma akulona tala azi tchen yam amulâ ki groma mi d’a.

Esdras 6:4

A ndjar ahina d’a tcheta djirdid’a hindi, agu ma awilina djirdid’a tu mi, a wurak kazi ni ki beged’a hamulîd’a.

Esdras 7:23

Ar vun ma hed’a pet ma Alo ma akulona mi huma, a le sunda kam memet yam gong nga kud’ora hAlo ma akulona tala ar hurum mi zal yam leu manda ki grona d’uo d’a.

Nehemi 11:3

Wana ni suma avok suma yam andaga ndata suma a kak avo Jerusalem-ma. Wani kur azì ma Juda-na suma Israel-lâ, suma ngat buzuna, suma hi Levi-na, andjaf azungeîna hi Salomon-na, nge nge pî mi i kak kur aziyam ma a vud’um kuana.

Nehemi 7:6

Wana ni suma a tcholï yam ambas sa Babilon-nda a mbana; ni suma Nebukanezar amul ma Babilon-na mi yozi adjeu Jerusalem, mi izi sä Babilon-na; ni azi ba, a hulongî Jerusalem ki Juda, nge nge pî mi i kur azì mama:

Ester 1:1

Wana ni zlad’a le kur atchogoid’a hamulâ Asuwerus-sa: Asuwerus máma mi te leud’a tinï ad’ud’a yam andaga d’a Inde-d’a dei gak mba yam andaga d’a Etiyopi-d’a. Ambas sa mam te kata pet ni kis kam dok mbà yam kid’iziya.

Ester 1:22

Mi sun mbaktumba kur leu mamba pet, kur ambas sa lara ge pî ki b’ir mata, mi suma lara pî ki vun mazina, ala: Ar mandjuf ma lara pî mi te yam aziyamu, ar mi de zlad’a ni ki vun mam ma a vud’um ki na.

Sawal la giled’a 145:3

Ma didina, angî ma ngol ma ndak á suburina; ngol manga dabi mata nga d’i.

Daniel 2:47

Bugola, amulâ mi de mi Daniel ala: Gagazi, Alo mangâ nAlo ma kal alona petna, mam mi Salad’a hamuleina mi. Ni ma ndäd’u zla d’a mudurid’a woina. Kayam ndata, ang fad’enga, ang tagan ad’u zla d’a muduri ndata woi wana.

Daniel 3:26

Nebukanezar mi hut avun für ra aku d’a hîhîka, mi er ad’um akulo ala: Sadrak, Mesak ki Aben-Nego, azungeî suma sunda hAlo ma kal papanina, agi buzugugï woi aduk akud’a, agi mbeyegïya! Atogo hina zak, azi ki zla tazi d’a hindid’a a buzugï woi aduk akud’a.

Daniel 4:2

Tan lan djivid’a á gagi humagi yam ahle suma yoyouna kahle suma atchap suma Alo ma kal teglesâ mi lazi ki sed’ena.

Daniel 6:26

An he vuna kur leu manda pet ala: Ar nge nge pî mi le mandara Alona hi Daniel-lâ. Ar mi ge yam kä avorom mi, kayam mam mi Alo ma bei matna ba na. Ni ma nga kaka gak didina, leu mamba nga d’i b’lak kei d’i. Ni ma nga mi te leud’a gak dabid’a hatchogoid’ina.

Gat ta a hat á mbàd’id’a 10:17

Kayam Ma didina Alo magina nAlo ma yam alona petna, ni Sala d’a yam suliyod’a peta, nAlo ma ngolâ, ni ma ad’eng ma kal papana, ni ma nga mi pat sana yam iram go d’uo na, ni ma nga mi ve he d’a hawa d’a mbut ira abo sa d’uo na,

Gat ta a hat á mbàd’id’a 32:31

Kayam ahina mazi d’a ndjunda nga d’igi an Ahina d’a ndjunda hi Israel-lîd’a na d’i, mazi suma djangû tazid’a pî, a we na mi.