Esdras 5:2 - Bible azumeina

² Ata yi máma Zorobabel Salatiyel goroma ki Josue Josadak goroma a tchol á min gong nga kud’ora hAlonid’a avo Jerusalem; suma djok vuna a nga zlapa ki sed’ezi mi.

Esdras 5:2 Kruisverwysings

Esdras 1:8

Amulâ Sirus mi he vuna mi Mitredat ma ngom ahlena ala mi buzuguzi woi mi ndumuzi woi ir Sesebasar ma ngolâ hi suma Juda-na.

Esdras 10:18

Aduk suma ngat buzuna grozi suma a vik andjaf arop suma dingîna ni Josue ma Josadak goromina groma ki b’oziyoma Mäseya, Eliyezer, Jarip ki Gedaliya.

Esdras 3:2

Josue Josadak goroma ki b’oziyom suma ngat buzuna ki Zorobabel Salatiyel goroma ki b’oziyoma, a tchol a min yima ngal ahle suma ngat buzuna hAlona hi Israel-lîna á he he d’a hawa d’a ngala kam d’igi a b’ir kur gata hi Moise sana hAloninid’a na.

Esdras 3:8

Kur til ma mbàna hi biza d’a mbàd’ina kur mba mazid’a avo Jerusalem ata yima gong nga kud’ora hAlonid’a nga kuana, Zorobabel Salatiyel goroma, Josue Josadak goroma, b’oziyozi suma ngat buzu suma a arâ, suma hi Levi-na ki suma pet suma a tcholï kur magomba a mba avo Jerusalem-ma, a nde le sunda. A he sun ndata abo suma hi Levi suma bizazi dok mbà dok mbà d’oze kal dok mbà dok mbàna, kayam a gol sun nda led’a hi gong nga kud’ora hi Ma didinid’a.

Esdras 6:14

Suma nglo suma Juif-fâ a nga min gonga, a nga i irazi avogovok d’igi suma djok vun Alona Aze azi ki Zakari Ido goroma a de na. A min gulumuna akulo d’igi Alona hi Israel-lîna mi he vuna na, d’igi Sirus ki Dariyus ki Artazerses amulei suma Perse-na a he vuna na mi.

Wana ni mbaktumba hi Aze-d’a 2:18

Ki tchetchemba, agi djib’eregi yam ahle suma kalâ kahle suma inina. Ei kur bur ma dok mbà yam fid’ina hi til ma zlengîna dei gak mba kur bur ma a gäd’u gong nga kud’ora hi an Ma didinid’a kä na, agi djib’eregiya.

Zakari 4:14

Mi hulong dan ala: Suma mbà ndazina ni suma a vozi mbulâ kazi á tinizi irazi vazi á le sunda mi Salad’a ma te yam andagad’a petna.

Zakari 4:4

An de mi malaika ma dan zlad’ina ala: Salana, ahle ndazina ad’uzi nana ge?

Zakari 6:11

Ang yo kawei ma hapma ki lora, ang yorozi avavala, ang kulubut yam ma ngol ma ngat buzuna Josue Josadak goroma.

Zakari 8:9

Ma didin ma ad’engêm kal petna mi dala: Agi vagi tagi ad’enga! Ki tchetchemba, agi humugi zlad’a hi vun man ma hle ma suma djok vuna a dum zlam mbei adjeu ata yima a gäd’u gong man nda kud’ora kä á mindina.

2 Korente-na 1:24

Kayam ami minimi á te yam he gagazi magid’a d’i, kayam agi nga kaka ngingring kur he gagazid’a, wani ami min ei lei sunda zlapa tu yam djivi magid’a.