Esdras 5:12 - Bible azumeina

¹² Wani bugol la abuyomi ngolo a zal Alo ma akulona hurumba, mi hazi abo Nebukanezar amul ma Babilon ma Kalde-na. Ni mam ba, mi to gong ndata kä woi mi yozi mi izi Babilon.

Esdras 5:12 Kruisverwysings

2 Amuleina 24:2

Kayam ndata, Ma didina mi sunï azigar suma Babilon-na ki azigar suma Siri-na ki azigar suma Mowap-ma ki azigar suma Amon-na ata Jojakim á b’lak leu d’a Juda-d’a woi d’igi Ma didina mi de zlad’a avun azungeî mam suma djok vuna na.

2 Amuleina 25:1

Kur biza d’a zlengâ d’a Sedekiyas nga mi tamulid’a, kur bur ma dogona hi til ma dogonina, Nebukanezar amul ma Babilon-na mi mba ki azigar mama pet á dur Jerusalem. A vanguvora avorot d’ar, a nguyut tei d’uhl.

2 Sunda Hamuleinid’a 36:20

Nebukanezar mi yo suma a sut tei avun ayînina, mi i ki sed’ezi Babilon, mi mbud’uzi magumei mama ki magumeina hi gromina mi gak a mba kur atchogoi d’a amul ma Perse-na mi mba á te leud’id’a.

Sawal la giled’a 106:40

Ma didina hurun zal yam sum mama, mi gol sumala ni djo mama na is.

Isai 47:6

Gola! An hurun zal adjeu ata sum mana, an mbut man suma an tazi djonina zulona, an haksi hur abogu. Ndak wazi nga hohowozi d’i, ndak ge djuk mak ma ane’â kel momorogeina.

Jeremi 5:29

Ma didina mi dala: An mba ni ngop yam ahle ndazina d’uo zu? An mba ni hlatchugula kandjaf ma hina na d’uo zu?

Jeremi 51:59

Wana ni vun ma he ma ma djok vun Alona Jeremi mi hum mi Seraya Neriya gorom ma Mäseya gorom ngolonina, kid’a nga mi i Babilon zlapa ki Sedekiyas amul ma Juda-na kur biza d’a fid’i d’a mam nga mi tamulid’a. Seraya ni ma ngolâ hi azigar suma avo hamulîna.

Jeremi 52:12

Kur biza d’a dogo yam zlengâ d’a Nebukanezar amul ma Babilon-na nga mi tamulid’a, kur til ma vahlâ kur bur ma dogona hi til mámina, Nebuzaradan ma ngolâ hi suma a ngom yina ma kur sunda hamul ma Babilon-nina, mi mba mi kal avo Jerusalem.

Daniel 9:5

Ami lami tchod’a, ami lami sun nda batranga, ami lami asa’ata, ami song vunangû, ami arami vun mang ma hed’a ki gat manga woyo.

Gat ta a hat á mbàd’id’a 31:17

Kur bur máma an hurun mba mi zal atazi ngola, an mba ni arazi woyo, an mba ni ngei tan ndei avoroziya. Andjaf suma dingâ a mba tchaziya, ndaka teteng ki hohoud’a a mba mba kaziya. A mba dala: Ni kayamba Ma didina Alo meina mi nga adigei d’uo d’a ba, ndak ndata ti mba kei ni na zu?

Gat ta a hat á mbàd’id’a 32:30

Ladjï an Ahina mazi d’a suta ni guzuzi woi abo mazi suma djangûna d’uo, an Ma didina ni hazi abo mazi suma djangûna d’uo ni, ni nana ba, sama tuna, mi dik suma dubuna ge, ni nana ba, suma mbàna, a dik suma dudubu dogona ge?

Suma ka sariyad’a 2:14

Ma didina hurum zal ngola ata Israel-lâ, mi hazi abo suma a hurum ahlena hi sumina, a hurumuziya. Mi guzuzi woi abo mazi suma djangû suma a nguyuzina. Kayam ndata, azi ndak nga á tchol avok mazi suma djangûna d’uo d’a.

Suma ka sariyad’a 4:2

Ma didina mi hazi woi abo Jabin amul ma Kanan ma nga mi tamula avo Hasor-râ. Azigar mam ma ngolâ ni Sisera, yam ma kaka ni Haroset-Goyim.

Suma ka sariyad’a 6:1

Israel-lâ a hulong le sun nda ding nga Ma didina tam nga d’i lum djivi kat tuo d’a. Ma didina mi hazi woi abo suma Madiyan-na gak bizad’a kid’iziya.