Esdras 4:7 - Bible azumeina

⁷ Kur atchogoid’a hi Artazerses-sa, Biselam, Mitredat, Tabel ki ndrozi suma a arâ a b’ir mbaktumba mi Artazerses amul ma Perse-na ki b’ira hi suma Aram-mid’a, a vat ad’ut tei ni ki vun ma Aram-ma mi.

Esdras 4:7 Kruisverwysings

2 Amuleina 18:26

Ata yi máma Eliyakim Hilkiya goroma, Sepna ki Jowa a de mi ma avun ma ngol ma Asiri-nina ala: Le ang mina ni, ang dami zlad’a ni ki vun Aram-ma, kayam ami humumu. Ar ang dami zlad’a ki vun Hebre-na hum suma a nga yam gulumuna akulo wana d’i.

Esdras 4:1

Kid’a suma a kak djangûna ki suma Juda-na ki suma Benjamin-nina a hum ala suma a yozi magombina a mba wa a nga min gong nga kud’ora hAlona hi Israel-lîna akulo mi d’a,

Esdras 4:17

Bugola, amulâ mi hulong humba mi ma te yamba Rehum ki ma b’ir mbaktumba Simsai ki ndrozi suma a ar nga kaka Samari-na ki suma a nga kaka ata yima dingâ yam andagad’a sä abo alum ma Efrat-na abom ma fladegenina ala: An gagi depa.

Esdras 4:8

Rehum ma te yamba ki Simsai ma b’ir mbaktumba a b’ir mbaktumba mamul ma ngolâ Artazerses á kal yam suma Jerusalem-ma ala:

Esdras 4:9

Rehum ma te yamba, Simsai ma b’ir mbaktumba ki ndrozi suma a arâ, nala, suma Din-na, suma Arfarsata’â, suma Tarpel-lâ, suma Arfaras-sâ, suma Ere’â, suma Babilon-na, suma Sus-sâ, suma Deha-na, suma Elam-ma,

Esdras 5:6

Wana ni mbaktum mba Tatenai ma te yam andaga d’a sä abo alum ma Efrat-na abom ma fladegenid’a ki Setar-Bosnai ki ndrozi suma Afarsak suma a nga kaka ata yima dingâ yam andaga ndatina a b’irit mamulâ Dariyus-sa.

Esdras 7:1

Bugol ahle ndazina, kid’a Artazerses amul ma Perse-na nga mi tamulid’a, Esdras mi tcholï Babilon, mi mba. Mam mi Seraya goroma. Azariya, Hilkiya,

Esdras 8:36

A he vun ma hed’a hamulîna mi mam suma nglona ki suma te yam suma sä abo alum ma Efrat-na abom ma fladegenina. Sum ndazina a ndjun Israel suma a nga min gong nga kud’ora hAlonid’ina mi.

Nehemi 2:1

Kur til ma Nisan-na kur biza d’a dok mbà d’a amulâ Artazerses nga mi tamulid’a, süm guguzlud’a nga tinda avoromu. An hlum ni humziya, wani an hum nga süm guguzlud’a ki hineî ta d’a hina d’a yan tu d’i.

Isai 36:11

Ata yi máma Eliyakim, Sepna ki Jowa a de mi ma avun ma ngol ma Asiri-na ala: Le ang mina ni, ang dami zlad’a ni ki vun Aram-ma, kayam ami humumu. Ar ang dami zlad’a ki vun Hebre-na hum suma a nga yam gulumuna akulo wana d’i.

Daniel 11:2

Ki tchetchemba, an nga ni dang zla d’a gagazid’a. Malaika máma mi dan kua ala: Gola! Amuleina hindi a mba tchol te yam suma Perse-na kua. Bugola, ma fid’ina mba mi tok ndjondjoîd’a kal suma ding suma hindina. Fata mi mbut ad’enga ki ndjondjoî mambid’a, mba mi tchol djangûna ki leu d’a Grek-ka.

Daniel 2:4

Suma kumana a hulong de mamulâ ki vun Aram-ma ala: Amulâ, ar va mi lang ngi! Ang dami adï d’a danga, ami mba vangzi ad’ud’u!