Esdras 4:12 - Bible azumeina

¹² Amulâ, ang we Juif suma a tcholï hatang a mba adigami ka hî avo Jerusalem-ma ki yam mazi d’a ad’enga kasa’at mazid’a, a nga min azì mazina akulo, a ge nga ad’u gulumuna kä, a nga minim akulo mi.

Esdras 4:12 Kruisverwysings

2 Amuleina 18:20

Ang djib’er ala zla d’a ded’a mba d’i mbut nga hur ma djivina ki ve tad’a á dur ayîna zu? Sama ang tin hurung kama ni nge ba, ang tchol huneîd’a ki sed’en nge?

2 Amuleina 24:1

Kur atchogoi mamba, Nebukanezar amul ma Babilon-na mi mba á dur ayîna kandaga d’a Juda-d’a. Jojakim mi ge yam kä ad’um gak biza d’a hindi. Bugola, mi tchol huneîd’a ki sed’emu.

2 Sunda Hamuleinid’a 36:13

Mi tchol huneîd’a kamulâ Nebukanezar ma mam mi gun tam avorom ki simiyê Alonina mi. Mi ar zlad’a mi hulongî gen Ma didina Alona hi Israel-lîna ta, mi le ni yam mba ad’enga, mi b’al hurum kiki mi.

Esdras 4:11

Wana ni mbaktum mba a sunut mamulâ Artazerses-sa ala: Ami azungeî mang suma nga abo alum ma Efrat-na ka hina ami nga dangû:

Esdras 4:15

ar ang hal kur mbaktum mba ge humba habuyong ngolod’a, ang mba fe, ang mba we kur mbaktum mba ge humba ala sum ndazina ni suma yam mba ad’enga, ni suma huneîd’a, ni suma a kak djangûna kamuleina kazì ma dingâ teteng mi. Ni suma a tchol huneîd’a adjeu ki suma te yambina. Ni kayam ndata ba, a b’lagazi kaziyazi woi wana.

Esdras 4:19

An he vuna ala a hal kur mbaktum mba ge humba. Azi fe kur mbaktum ndata ala sum ndazina adjeu a kak djangûna kamuleina, a zut suma á tchol ki huneîd’a mi.

Esdras 5:3

Ata yi máma tamba, Tatenai ma nga mi te yam andaga d’a avun alum ma Efrat-na ndatina ki Setar-Bosnai ki ndrozina a mba ataziya, a dazi ala: Ni nge ba, mi hagi vuna á min gonga ki gulumuna akulo ge?

Esdras 5:9

Ami djobomi suma nglona ala: Ni nge ba, mi hagi vuna ala agi minigi gong ndata ki gulumun máma akulo ge?

Nehemi 1:3

A hulong dan ala: Suma a tcholza kur magombina a nga kaka kur andaga d’a Juda-d’a, wani a nga ni kur hohoud’a ki zulona. Gulumun ma Jerusalem-ma mi ni hod’ola hina hohotot, vunam mi ngal lei mi.

Nehemi 6:6

A b’ir kua ala: Vuna mi wet wa woi aduk suma, Gasmu mi dami na mi ala ang ki Juif-fâ agi nga minigi tagi á tchol huneîd’a. Ni kayam ndata ba, ang hulong nga min gulumuna akulo. A nga dala ang nga hal á kak amul mazina.

Ester 3:8

Haman mi de mamulâ Asuwerus ala: Andjaf suma dingâ a nga. A b’rau nga woi aduk suma kur ambas mangina pet, gat mazid’a ni vat zenen ki d’a hi suma pet, a nga tit yam gat manga d’uo mi. Le ang arazi hawa na ni, djivi mata ni me ge?

Jeremi 52:3

Ahle suma a le ndazina a djiu ayîna hi Ma didinina á kak djangûna ki suma Jerusalem-ma ki suma Juda-na gak mi digizi woi dei avoromu. Sedekiyas mi tchol huneîd’a kamul ma Babilon-na.

Daniel 3:8

Ata yi máma atogo hina zak suma hiu suma Babilon-na a hut gen amulâ, a tchuk zlad’a yam Juif-fâ.

Daniel 9:25

Ang we, ang wad’ud’a djivi mi. Tin ad’ud’a kur bur ma a ge sunda á dala: A mba hulong min Jerusalem akulo gak mbad’a hi ma ngol ma a yum ala Mesi-na na, a mba le ni bizad’a kid’iziya kid’iziya yat kid’iziya. Bugol kur biza d’a kid’iziya kid’iziya dok karagaya yam mbàd’a, a mba hulong min azì máma akulo ki ir gulumun ma tcho woina, wani ni kur yima ndaka.

Wana ni Zla d’a Djivi d’a Luc mi b’irita 13:34

Agi suma Jerusalem-ma, agi suma Jerusalem-ma, agi tchagi suma djok vun Alona, agi durugi suma Alona mi sunugizïna kahinad’a mi. Ni yan ga ba, an min á kod’ogi d’igi ahleka nga d’i kot grotna ad’u gigingât na ge? Wani agi nga minigi d’i.

Sunda hi suma a sunuzinid’a 24:5

Ami fami sa máma ni sama hal zlad’a, ni mam ba, mi tchol ki huneîd’a aduk Juif-fâ yam andagad’a pet. Mam mi ma ngol ma avok adesâ hi Ma Nazarat-nina.

1 Tasaloni’â 5:22

Agi walagi woi dei ki tcho d’a lara ge pet.