Esdras 4:10 - Bible azumeina

¹⁰ zlapa kandjaf suma ding suma Osnapar ma suma a nga hum ngolina mi yozi mi tchuguzi ka hî kur azì ma ngol ma Samari-na ki suma ding suma sä woi abo alum ma Efrat-na abo hina. (Ahle suma dingâ a ar tua mi.)

Esdras 4:10 Kruisverwysings

Esdras 4:1

Kid’a suma a kak djangûna ki suma Juda-na ki suma Benjamin-nina a hum ala suma a yozi magombina a mba wa a nga min gong nga kud’ora hAlona hi Israel-lîna akulo mi d’a,

Esdras 4:11

Wana ni mbaktum mba a sunut mamulâ Artazerses-sa ala: Ami azungeî mang suma nga abo alum ma Efrat-na ka hina ami nga dangû:

Esdras 4:17

Bugola, amulâ mi hulong humba mi ma te yamba Rehum ki ma b’ir mbaktumba Simsai ki ndrozi suma a ar nga kaka Samari-na ki suma a nga kaka ata yima dingâ yam andagad’a sä abo alum ma Efrat-na abom ma fladegenina ala: An gagi depa.

Esdras 7:12

An Artazerses, amulâ hamuleinina, an ni he mbaktum mba wanda mi ang Esdras ma ngat buzu ma we mbaktum ma we gata hAlo ma akulona.

Nehemi 4:2

Nga mi lazamiya, mi de avok b’oziyoma ki azigar suma Samari-na ala: Juif suma ad’engêzi nga d’uo na a le ni me na ge? A mba dap sun mazid’a á hahle suma ngat buzuna mAlo mazina zu? A mba dap sun mazi d’a min gulumuna ini kahinad’a a yot kä aduk butna d’a ngal leid’a zu?

Nehemi 9:32

Ki tchetchemba, ang Alo mamina, angî ma ngolâ, angî ma sib’ika, angî ma kal papana, angî ma nga ngom vun mang ma djindina, angî ma nga mi we hohowa sumina, ar ang gol ndak ka nga d’i lamid’a d’igi vama gor go hina d’i, nala, ndak mamid’a ki d’a amulei maminid’a ki d’a hi suma nglo maminid’a ki d’a hi suma ngat buzu maminid’a ki d’a hi suma djok vun maminid’a ki d’a habuyomi ki sum maminid’a pet ta ami fad’ï kur atchogoid’a hamulei suma Asiri-nid’a dei gak inid’a.

Romê-na 13:7

Ar agi hagi mi nge nge pî va mama. Agi hagi tara mi sama tara, agi hagi dalalana mi sama tar dalalana, agi gagi yagi kä avok sama ndak agi gagi yagi kä avoroma, agi hugi sama ndak á hud’ina mi.