Esdras 3:2 - Bible azumeina

² Josue Josadak goroma ki b’oziyom suma ngat buzuna ki Zorobabel Salatiyel goroma ki b’oziyoma, a tchol a min yima ngal ahle suma ngat buzuna hAlona hi Israel-lîna á he he d’a hawa d’a ngala kam d’igi a b’ir kur gata hi Moise sana hAloninid’a na.

Esdras 3:2 Kruisverwysings

Ad’u Tinda 12:7

Ma didina mi nde tam mbei ir Abram, mi dum ala: An mba ni handaga ndata mi grong ngolona. Kayam ndata, Abram mi min yima ngal ahle suma ngat buzuna mi Ma didin ma nde tam mbei irama.

1 Sunda Hamuleinid’a 23:14

Wani Moise sana hAlonina a ndum groma zlapa ni ki suma hi Levi-na.

1 Sunda Hamuleinid’a 3:17

Jekoniya ma a vum magomba Babilon-na groma ba wana: Salatiyel,

1 Sunda Hamuleinid’a 3:19

Pedaya groma ba wana: Zorobabel ki Simei. Zorobabel groma ba wana: Mesulam ki Hananiya; wiyezid’a ni Selomit.

2 Sunda Hamuleinid’a 6:6

Wani an man Jerusalem kayambala simiyên mi yi kuad’a, an manang ang David á tamula yam man suma Israel-lâ mi.

Esdras 10:18

Aduk suma ngat buzuna grozi suma a vik andjaf arop suma dingîna ni Josue ma Josadak goromina groma ki b’oziyoma Mäseya, Eliyezer, Jarip ki Gedaliya.

Esdras 10:20

Aduk Imer groma ni Hanani ki Zebadiya.

Esdras 10:21

Aduk Harim groma ni Mäseya, Eliya, Semaya, Jehiyel ki Oziyas.

Esdras 10:22

Aduk Pasehur groma ni Eliyohenai, Mäseya, Ismael, Netanel, Jozabat ki Elasa.

Esdras 2:2

Azi mba ni ki Zorobabel, Josue, Nehemi, Seraya, Relaya, Mardose, Bilsan, Mispar, Bigavai, Rehum ki Bäna. Wana nablaud’a handjof suma Israel-lîd’a:

Esdras 3:8

Kur til ma mbàna hi biza d’a mbàd’ina kur mba mazid’a avo Jerusalem ata yima gong nga kud’ora hAlonid’a nga kuana, Zorobabel Salatiyel goroma, Josue Josadak goroma, b’oziyozi suma ngat buzu suma a arâ, suma hi Levi-na ki suma pet suma a tcholï kur magomba a mba avo Jerusalem-ma, a nde le sunda. A he sun ndata abo suma hi Levi suma bizazi dok mbà dok mbà d’oze kal dok mbà dok mbàna, kayam a gol sun nda led’a hi gong nga kud’ora hi Ma didinid’a.

Esdras 5:2

Ata yi máma Zorobabel Salatiyel goroma ki Josue Josadak goroma a tchol á min gong nga kud’ora hAlonid’a avo Jerusalem; suma djok vuna a nga zlapa ki sed’ezi mi.

Nehemi 12:1

Wana ni simiyê suma ngat buzuna ki suma hi Levi suma a mba ki Zorobabel Selatiyel goromina zlapa ki Josue-na: Seraya, Jeremi, Esdras,

Nehemi 12:8

Wana ni suma hi Levi-na: Josue, Binuwi, Kadamiyel, Serebiya, Juda, Mataniya ki b’oziyoma ni suma a nga hle sawala giled’ina.

Sawal la giled’a 78:68

Wani mi man andjafâ hi Juda-na, mi man ahina d’a Siyon nda hurum vat heîd’a.

Buzuk ka Abud’a 27:1

Ma didina mi de mi Moise kua ala: Agi minigi yima ngal ahle suma ngat buzuna ni kagu kasiyana. Agi minimî abo tam tu; fiyagam metred’a mbà ki nus metred’a, bubuwam metred’a mbà ki nus metred’a mi, fiyagam mba akulod’a metred’a tu ki nus metred’a.

Wana ni mbaktumba hi Aze-d’a 1:1

Kur bur ma avo’â hi til ma karagayana kur biza d’a mbà d’a Dariyus nga mi tamulid’a, Ma didina mi de mi mam ma djok vuna Aze ala mi i de mi Zorobabel ma Salatiyel gorom ma nga mi te yam Juda-na ki ma ngol ma ngat buzuna Josue Josadak goroma ala:

Wana ni mbaktumba hi Aze-d’a 1:12

Zorobabel Salatiyel goroma, ma ngol ma ngat buzuna Josue Josadak goroma kablau suma pet, a ge yazi kä ad’u dela hi Ma didina Alo mazinid’a yam zlad’a hi ma djok vun Alona Aze-d’a d’igi Ma didina Alo mazina mi sunumï na mi. Suma a le mandarâ avok Ma didina.

Wana ni mbaktumba hi Aze-d’a 1:14

Ma didina mi mal djib’era hi Zorobabel Salatiyel gorom ma nga mi te yamba avo Juda-na ki djib’era hi ma ngol ma ngat buzuna Josue Josadak goroma ki djib’era hi suma a arâ pet. Ni kur bur ma dok mbà yam fid’ina hi til ma karagayana kur biza d’a mbà d’a Dariyus nga mi tamulid’a, azi mba, a nga le sunda kur gong nga kud’ora hi Ma didin ma ad’engêm kal petna, Alo mazinid’a.

Wana ni mbaktumba hi Aze-d’a 2:21

Ang de mi Zorobabel ma nga mi te yam Juda-na ala: An mba ni giget akulod’a kandagad’a,

Wana ni mbaktumba hi Aze-d’a 2:23

Ma didin ma ad’engêm kal petna mi de kua ala: Kur bur máma Zorobabel Salatiyel goroma, azong mana, an mba ni hlangû, an mba ni ngomongî d’igi tampong mana na, kayam an manangû. Wana ni zla d’a an Ma didin ma ad’engên kal petna ni data.

Zakari 3:1

Ma didina mi tagan ma ngol ma ngat buzuna Josue ma nga tchola avok malaikana hi Ma didinina. Seitan mi nga tchola yam Josue bigam mba ndjufa á vum ki zlad’a.

Zakari 3:8

Ang ma ngol ma ngat buzuna Josue, ang ki ndrong suma nga kaka avorong wana, agi humugiya, agi sumala ni vama taka yam sut ta nga d’i mbad’a na. An nga ni mba kazong man ma a yum ala Agu ma hud’ura na.

Zakari 6:11

Ang yo kawei ma hapma ki lora, ang yorozi avavala, ang kulubut yam ma ngol ma ngat buzuna Josue Josadak goroma.

Ndumba 28:2

Ang he vun ma wana mi Israel-lâ, ang dazi ala: Ma didina mi dala: Agi gologi tagi djivi á han he d’a hawa man nda ndak á handjid’a ata yima a ngama, nala, te ma a handji he d’a hawa d’a ngal la his sa afufuîd’ina.

Wana ni Zla d’a Djivi d’a Luc mi b’irita 3:27

ni ma Jowanan goromina, ni ma Resa goromina, ni ma Zorobabel goromina, ni ma Salatiyel goromina, ni ma Neri goromina,

Suma ka sariyad’a 6:24

Zedeyon mi min yima ngal ahle suma ngat buzuna mi Ma didina ata yi máma. Mi yi yi máma ala Ma didina ni halasa. Yi máma mi nga gak ini avo Ofra d’a hi Abiyezer-ra.