Esdras 2:68 - Bible azumeina

⁶⁸ Kid’a a mba avo Jerusalem ata yima gong nga kud’ora hi Ma didinid’a ti nga kuana, sumazina ablaud’a a he he d’a hawa d’a kur min mazid’id’a yam gong nga kud’ora hAlonid’a, kayam a minit akulo ata yat ma adjeuna.

Esdras 2:68 Kruisverwysings

1 Sunda Hamuleinid’a 21:18

Malaikana hi Ma didinina mi de mi Gat ala: Ang i he vuna mi David ala mi i ata yima to awuna hi Ornan-na, mi min yima ngal ahle suma ngat buzuna mi Ma didina.

1 Sunda Hamuleinid’a 22:1

David mi dala: Yima kä wana mba mi arî gong nga kud’ora hi Ma didina Alonid’a, mi mba arî yima ngal ahle suma ngat buzu suma ngala hi Israel-lîna mi.

2 Sunda Hamuleinid’a 3:1

Salomon mi tin ad’u min gong nga kud’ora hi Ma didinid’a avo Jerusalem yam ahina d’a Moriya-d’a, ata yima Ma didina mi nde tam mbei kua ir abum David kur ambid’a’â hi Ornan ma Jebus-sîna.

Esdras 2:67

djambala 435 ki korona 6720.

Esdras 2:69

A hahle suma guzuzi kal teglesâ ndak yam ad’eng mazid’a á min ki gong ndata, ndak ir bege d’a lora 61.000 ki kilona hi bege d’a hapa 2500; a he baru d’a suma ngat buzuna a tchugut atazid’a 100 mi.

Esdras 3:3

Azi nga le mandara suma ata yi mámina. Hina pî, a min yima ngal ahle suma ngat buzuna ata yam ma adjeuna, a nga he he d’a hawa d’a ngala mi Ma didina yorogo ki fladege.

Esdras 9:9

Kayam ami ni magumeina, wani ang Alo mamina arami nga woi kur magomba d’i, ang wami wa hohowomi avok amulei suma Perse-na. Kayam ndata, azi arami lovota á min gong mang nga kud’ora, á minimi yima b’lak keina akulo, á fami yima kaka avo Jerusalem yam ambas sa Juda-d’a mi.

Sawal la giled’a 110:3

Kur bur ma ang tok b’rang mangina, mang suma huruzi vangâ a tap ki sed’eng mi, gro azungeî mangâ a mba mba geveng yam ahuniyô suma a tinizi irazi vazina d’igi mbad’ïd’a ti ge pipir na.

Buzuk ka Abud’a 25:2

Ang de mi Israel-lâ ala a mban he d’a hawad’a. Agi vagi he d’a hawad’a abo nge nge pî ma hat ki min mambina.

Buzuk ka Abud’a 35:21

Suma pet suma a nga ki hur ma djivi suma tazi lazi djivid’ina, a mba ki he d’a hawa d’a a pad’at vunat mi Ma didinid’a á le ki sunda hi zlub’u d’a ngaf tad’id’a, á le ki sun nda kud’ora, á tchil ki baru d’a a tinit irat vata mi.

Buzuk ka Abud’a 35:29

Israel-lâ ki zla tazi pet, andjofâ karop suma huruzi djivid’a á le sun nda Ma didina mi he vuna kat mi Moise-sina, a mba ki he d’a hawa d’a azi hat kur min mazid’id’a mi Ma didina.

Buzuk ka Abud’a 36:3

Azi mba a yo he d’a hawa d’a Israel-lâ a hat á le ki sunda hi zlub’u d’a kud’orid’a woi avok Moise. Yorogo d’a lara ge pî suma a nga mba ki he d’a hawa d’a kur min mazid’id’a.

2 Korente-na 8:12

Le sana mi min he vama nga aboma kur min mamba ni, ni he d’a hawa d’a Alona mi minita, nga ni vama nga abom mbuo na d’i.

2 Korente-na 8:3

An nga ni le glangâsâ kazi ala azi he ndak ata ad’eng mazid’a, wani a he kal yam ad’eng mazid’a mi. Kur min mazid’a azi tchenemi ngola ala

2 Korente-na 9:7

Ar nge nge pî mi he ni kur min mamba, wani ki hur ma zala d’oze kad’enga d’uo mi, kayam Alona tam lum djivid’a ni yam sama mi he ki furîd’ina.