Esdras 2:1 - Bible azumeina

¹ Wana ni suma a tcholï yam ambas sa Babilon-nda a mbana; ni suma Nebukanezar amul ma Babilon-na mi yozi adjeu avo Jerusalem mi izi sä Babilon-na; ni azi ba, a hulongî avo Jerusalem, yam ambas sa Juda d’a teteng mi, nge nge pî mi i kur azì mama:

Esdras 2:1 Kruisverwysings

2 Amuleina 25:11

Ata yi máma Nebuzaradan ma ngolâ hi suma a ngom yinina, mi yo suma a ar kur azinina ki suma a i ad’u amul ma Babilon-nina zlapa ki suma d’al suma a arâ mi.

1 Sunda Hamuleinid’a 9:1

Israel-lâ pet a ndumuzi ad’u andjavazi ad’u andjavaziya, a b’irizi kä kur mbaktumba hamuleinid’a. Suma hi Juda-na a yozi a izi magomba avo Babilon, kayam tcho mazid’a.

1 Sunda Hamuleinid’a 9:2

Suma a hulongî a kak avok kikidji kur yima a hazizi djonina ni Israel suma hawana, suma ngat buzuna, suma hi Levi-na ki suma Netin-na mi.

Esdras 1:11

Ahle suma a lazi ki lora ki kawei ma hapmina, azi pet ni 5400. Sesebasar mi tcholï ki sed’ezi Babilon zlapa ki suma Nebukanezar mi yozi mi izi sä Babilon-na, mi hulongôzï Jerusalem.

Esdras 2:2

Azi mba ni ki Zorobabel, Josue, Nehemi, Seraya, Relaya, Mardose, Bilsan, Mispar, Bigavai, Rehum ki Bäna. Wana nablaud’a handjof suma Israel-lîd’a:

Esdras 2:70

Suma ngat buzuna hi suma Levi-na, suma hawana, suma hle sawala, suma a ngom vun gongîyonina ki suma Netin-na, a hulong kak kur azì mazi ma simiyêzi a vut kuana. Ni hina ba, Israel-lâ pet a mba kak kur azì mazi ma simiyêzi a vut kuana.

Esdras 5:8

Ang wala ami imi yam andaga d’a Juda-d’a gak ata yima gong nga kud’ora hAlo ma ngolîd’a ti nga kuana. A nga min gong ndata ni kahina d’a tcheta, a nga pe aguna aduk gulumuna. Sun ndata nga d’i labozi djivid’a, nga d’i i avogovok mi.

Esdras 6:2

A fe mbaktum mba d’uta avo Ekbatane yam andaga d’a Mede d’a a b’ir kurut ala:

Esdras 8:35

Suma a tcholï kur magomba a mbana, a he he d’a hawa d’a ngala mAlona hi Israel-lîna amuzlei suma andjofâ dogo yam mbà, gamlâna dok zlengâ yam karagaya, gro tumiyôna dok kid’iziya yam kid’iziya, mbekmberena dogo yam mbà ngad’a yam Israel-lâ pet á zlup yam tchod’a. Azi pet a hazi he d’a hawa d’a ngala mi Ma didina.

Nehemi 12:1

Wana ni simiyê suma ngat buzuna ki suma hi Levi suma a mba ki Zorobabel Selatiyel goromina zlapa ki Josue-na: Seraya, Jeremi, Esdras,

Ester 1:1

Wana ni zlad’a le kur atchogoid’a hamulâ Asuwerus-sa: Asuwerus máma mi te leud’a tinï ad’ud’a yam andaga d’a Inde-d’a dei gak mba yam andaga d’a Etiyopi-d’a. Ambas sa mam te kata pet ni kis kam dok mbà yam kid’iziya.

Ester 1:11

Mi dazi ala a mbei kamula Vasti avorom kavaval la amula kat á tak djif matna woi avok suma ki suma nglo suma a kal yam ndrozina nde na, kayam ti djif heî.

Ester 1:3

Kur biza mam mba hindi d’a nga mi tamulid’a, mi le te ma luna, mi yi mam suma nglona kazungeî mama ki azigar suma nglo suma Perse-na ki suma Mede-na ki suma simiyêzi nga mi yina ki suma a te yam ambasina mi.

Ester 1:8

Nge nge pî mi tche süma ni kur min mamba, kayam amulâ mi he vuna mazungeî mama ala a orom sa á tche süma kad’enga d’i.

Ester 8:9

A yï suma b’ir mbaktumba hamulîna kur bur máma; ni bur ma dok mbà yam hindina hi til ma hindina, ni til ma a yum ala Sivan-na. A b’ir mbaktumba yam vun ma hed’a hi Mardose-na mi Juif-fâ ki suma nglona ki suma te yamba ki suma nglo suma kal tegles suma kur ambas sa kis kam dok mbà yam kid’iziyad’ina, tinï ad’ud’a yam andaga d’a Inde-d’a dei gak mba yam andaga d’a Etiyopi-d’a. A b’irit mi suma kur ambas sa lara pî ki b’ir mazid’a, mandjaf ma lara pî ki vun mam ma ded’a, mi Juif-fâ ki b’ir mazid’a ki vun mazi ma ded’a mi.

Isai 48:20

Agi buzugugi woi avo Babilon, agi ringîgi woi aduk suma Kalde-na. Agi dagi woi ki delegi akulo ki aîd’a, agi tchagi wal zla ndata woyo, agi dagizi zlat teyo, dagizi zlat tei avun dabid’a handagad’id’a, agi dagi ala: Ma didina mi wurak wa yam azungeî mam suma hi Jakob-ma.

Jeremi 50:19

An mba ni hulongî Israel-lâ kur kangâ mazina. Azi mba te hatna akulo yam ahina d’a Karmel-la ki d’a Basan-nda, a mba hop ki hatna akulo yam ahina d’a Efraim-mba ki d’a Galät-ta mi.

Hor ma tchina 1:3

Suma Juda-na a iziya wa magomba, a hulongôzi wa yazi kä, a nga le sun nda magom mba kal teglesa. A nga kaka aduk andjaf suma dingâ, a nga fe lovota á tuk tazi d’i! Suma a djobozi vunazina pet a mba, a nga lazi ndak ka kal kazid’a.

Hor ma tchina 1:5

Suma a lat murud’umbina a kal kad’u, mat suma djangûna a nga kaka tchugot, kayam Ma didina mi mbud’ut hohoud’a yam tcho mat ta zul heîd’a. Grotna a nga i magomba avok mat suma djangûna.

Hor ma tchina 4:22

Ndak gor weid’a Siyon, sariya d’a yam tcho makid’a ndak da’. Mi mba mi ik magomba d’uo d’a. Ndak gor weid’a Edom, ni yam tcho maka ba, mi mba mi gad’agu, mba mi gak ad’u tcho maka woi abu mi.

Sofoni 2:7

Vun alum máma mba mi arî mandjafâ hi Juda ma arâ, ni kua ba, a mba pol d’uwar mazina, a mba tuk tazi fladege kur azì ma Askalon-na, kayam Ma didina Alo mazina mba mi mar kazi d’i, mba mi yozï woi kur magomba.

Sunda hi suma a sunuzinid’a 23:34

Kid’a mam ndum mbaktum ndata ndumba, mi djop Paul ala: Angî ma lara ge? Ata yima mam wala ni ma Silisi-na na,