Esdras 10:9 - Bible azumeina

⁹ Andjof suma Juda-na ki suma Benjamin-na pet a tok avo Jerusalem ni kur bur ma hindina. Ni bur ma dok mbàna hi til ma zlengîna. Suma pet a tchol ata yima avun gong nga kud’ora hAlonid’ina, a nga zlak abo zla ndata, abo alo ma nga mi sena mi.

Esdras 10:9 Kruisverwysings

Esdras 10:10

Ma ngat buzuna Esdras mi tchol akulo mi dazi ala: Ata yima agi vigigi andjaf gro arop suma dingîna, agi lagi tchod’a, agi mbud’ugi Israel-lâ tchod’a kal la avoka.

Esdras 10:3

Ei i djini vunei kAlo meina á dik arop ndazina ki grozina d’igi ang salana ki suma pet suma a nga le mandara gata hAlo meinid’ina a de na, ar ei lei d’igi gata ti de na mi.

Esdras 10:8

Suma avok suma ki suma nglona a ndjak vunazi ala: Sama lara pî ma mi mba nga kur bur ma hindi ma a ngama d’uo na, a mba hurumum ahligiyemu, a mba digim mbei aduk adesâ hi suma a tcholï ata yima magombina mi.

Esdras 9:4

Ata yi máma suma a le mandara zlad’a hAlona hi Israel-lîna yam tcho d’a suma a tcholï ata yima magomba a latina, a tok gevenu. An ar kaka ata yi máma ki hur ma hata ngola gak ler ra a ngat ahlena buzuna fladeged’a.

Ester 2:16

Azi i ki Ester avo hamulâ Asuwerus kur aziyam ma amula; ni kur til ma dogo ma a yum ala Tebet-na, ni kur biza d’a kid’iziya d’a mam nga mi tamulid’a.

Jeremi 10:10

Wani Ma didina nAlo ma gagazina, nAlo ma arina, namul ma didina. Le hurum zala ni, suma yam andagad’ina a nga zlak avoromu. Andjaf suma a ndak á ve tazi avok ayî mam ma bibiliuna d’uo mi.

Jeremi 10:13

Ata yima mi he vunina, mbina nga mi tok kur akulod’a. D’ugula nga d’i tcholï avun dabid’a handagad’id’a teteng. Wiled’a nga d’i wile á salona, simetna nga mi buzugï woi ata yi mam ma ngei ahlena mi.

Jeremi 36:22

Ni kur til ma zlengîna ni yima ab’lenga amulâ mi nga kaka kur gonga, mi tchuk nga akud’a ki gordjona avorom nga d’i ngala.