Esdras 10:4 - Bible azumeina

⁴ Ang tchol akulo, kayam zla ndata arî abongû, ang ve tang ad’enga á lad’u, kayam ami nga ki sed’engû.

Esdras 10:4 Kruisverwysings

1 Sunda Hamuleinid’a 22:16

Lora, kawei ma hapma, kawei ma hleuna ki kawei ma wurana, a ndak á ndumba d’i. Ang tchola, ang le sunda ki sed’eziya! Ar Ma didina mi kak ki sed’eng mi!

1 Sunda Hamuleinid’a 22:19

Ki tchetchemba, agi hagi tagi ki hur ma tuna á hal Ma didina Alo magina, agi tchologi akulo, agi minigi gong nga kud’ora hi Ma didina Alonid’a, agi mbagi ki zanduk ma vun ma djinda hi Ma didinina mi nga kuana kahle suma a tinizi irazi vazi mAlonina kur gong nga a mba minit ki simiyê Ma didina ndata.

1 Sunda Hamuleinid’a 28:10

Ki tchetchemba, ang wala Ma didina mi manang wa, kayambala ang minim gong nga mba d’i mbut ni yima a tinim iram vama d’a. Ang ve tang ad’enga, ang le sunda mi.

1 Sunda Hamuleinid’a 28:20

David mi de mi goroma Salomon kua ala: Ang so tangû, ang ve tang ad’enga, ang le sunda, ang le mandar ri, ar vunadigang pat tuo mi. Kayam Ma didina Alona, Alo mana, mba mi kak ki sed’engû, mba mi arang ngei d’i, mba mi wal lei ki sed’eng nguo mi, gak ang mba dap suna gong mamba pet.

1 Sunda Hamuleinid’a 28:21

Gola! Ades suma ngat buzuna kades suma hi Levi-na a nga ki sed’eng á le sun nda lara ge pet ta nga kur gong nga kud’ora hAlonid’a. Suma d’alâ pet, suma le sun nda lara ge kur min mazid’ina, suma avok suma ki suma pet suma hum vuna kablaud’a hi sumid’a pet a mba tit ni yam vun mang ma hed’a mi.

Esdras 10:5

Esdras mi tchol akulo, mi gun suma nglo suma ngat buzuna ki suma hi Levi-na ki suma nglo suma avok sumina á le sunda yam zla ndata; azi gun tazi ki zla tazi pet mi.

Ma tchi wala 9:10

Vama abong fuma, ang lum kad’eng manga pet, kayam sunda d’oze djib’era d’oze wad’ud’a d’oze ned’a a nga ata yima azulei ma ang nga i kuana d’i.

Marik 13:34

Bur máma mba mi ka’î d’igi sama mi i akoid’a yam andaga d’a dinga na. Mi ar aziyam abo azungeî mama á gola, mi he nge nge pî sun mamba á led’a, mi gat sama ngom vun azina ala mi kak ki ndjola.

Hebre-na 10:24

Ei djib’erei yam tei á zud’i tei akulokulo á le od’a, á le sun nda djivid’a mi.