Esdras 10:14 - Bible azumeina

¹⁴ Ar mei suma nglona a ar kä yam ablau d’a peta. Suma kur azì mei ma nglonina pet suma a vik andjaf arop suma dingîna, a mbei kur bur ma a ngama, zlapa ki suma nglona ki suma ka sariya suma kur azì ma ngol ma lara ge pet, gak hur ma zala hAlo meinina mi vat tei kei yam tcho ndata tua.

Esdras 10:14 Kruisverwysings

2 Amuleina 23:26

Hina pet pî, Ma didina hurum mi zal ngola heî yam suma Juda-na, mi vat nga hurum mbei d’i, kayam ahle suma pet suma amulâ Manase mi lazina a zalam hurum ngola heî.

2 Sunda Hamuleinid’a 28:11

Agi humun-ngiya! Agi tchugugi b’oziyogi suma agi yozi ndazina akulo, agi arazi a i avo hataziya, kayam Ma didina hurum zal ngola kagiya!

2 Sunda Hamuleinid’a 29:10

Ki tchetchemba, an nga ki djib’era kurun krovo á djin vunan ki Ma didina Alona hi Israel-lîna, kayambala kur ayî mam ma bibiliuna ar hurum b’leng ngei keya d’a.

2 Sunda Hamuleinid’a 30:8

Ki tchetchemba, ar agi lagi yam mba ad’enga d’igi abuyogi a lat na d’i, wani agi hagi tagi mi Ma didina, agi mbeyegi kur yi mam ma a tinim iram vam ma gak didina, agi lagi sunda mi Ma didina Alo magina tala kur ayî mam ma bibiliuna hurum vat tei kagiya d’a.

Esdras 10:13

Wani suma kal ablaud’a heî, ni yima alona nga mi sena mi; ei ndak á tcholei abu d’i. Le d’uo pî, ni sun nda ndak á lat kur bur ma tu ki mbà go d’i, kayam suma ablaud’a adigami a le tcho ndata.

Esdras 10:15

Jonatan Asayel goroma ki Jaziya Tikva goroma ba, a tchol ad’enga ki zla ndata. Ni Mesulam ki Sabetai ma hi Levi-na hol ba, a ndjunuzi kur zla ndata.

Sawal la giled’a 78:38

Wani mi wazi hohowoziya, mi vat hurum mbei yam tcho mazid’a, mi dabazi nga woi d’i, nga mi d’el tam kur ayî mam ma bibiliuna teteu.

Isai 12:1

Kur bur máma ang mba dala: Ma didina, an nga ni gilengû, kayam hurung zal kanu, wani hurung vat tei kanu, ang b’lengên hurun mi.

Ndumba 25:4

Ma didina mi de mi Moise ala: Ang yo suma nglo suma avok sumina pet, ang tchuguzi ziyona kelezi ang gabazi akulo ir afata avogon an Ma didina tala hurun b’leng yam Israel-lâ d’a.

Gat ta a hat á mbàd’id’a 13:17

Ar agi hlagi ahle suma agi b’lagazi woina abogi d’i, kayambala Ma didina hurum vat tei kur ayî mam ma bibiliuna d’a. Le agi gagi yagi kä ad’u zlad’a hi Ma didina Alo maginid’a, le agi ngomogi vun ma he mama pet ma an hagizi inina, le agi lagi sun nda d’ingêra avok Ma didina Alo magina ni, mam mba mi wagi hohowogiya, mba mi zulugi ablaud’a d’igi mam hle vunam mabuyogi ngolo na mi.

Gat ta a hat á mbàd’id’a 17:9

Agi igi gen suma ngat buzuna suma hi Levi-na ki ma ka sariya ma nga mi le sunda ata yi mámina, agi djobogiziya; azi mba dagi yam sariya d’a ka ndata.

Josue 7:26

Bugola, a mol ahinad’a kamu; ahina ndata nga gak ini. Ni kayam ndata ba, a nga yi yi máma ini ala hor ra Akor-ra. Bugol ahle ndazina, Ma didina hurum b’lengâ.