Esdras 1:5 - Bible azumeina

⁵ Ata yi máma suma nglo suma avok ades andjafâ hi Juda-nina ki suma avok ades andjafâ hi Benjamin-nina ki suma hi Levi-nina pet suma Alona mi malazi djib’er mazid’a woina, a tchol a i á min gong nga kud’ora hi Ma didin ma nga avo Jerusalem-ma.

Esdras 1:5 Kruisverwysings

2 Sunda Hamuleinid’a 36:22

Kur biza d’a avok ka Sirus amul ma Perse-na nga mi tamulid’a, Ma didina mi min á ndak vun zla d’a mi dat avun ma djogom vunama Jeremi-d’a, mi zut Sirus amul ma Perse-na mi tchi wala ki delem akulo kur leu mamba, mi b’ir kur mbaktumba ala:

Esdras 1:1

Kur biza d’a avok ka Sirus amul ma Perse-na nga mi tamulid’a, Ma didina mi nga hurum á ndak vun zla d’a mi dat avun mam ma djok vuna Jeremi-d’a. Mi mal djib’era hi Sirus amul ma Perse-nid’a woyo. Sirus mi tchi wala ki vunamu, mi b’ir mbaktumba mi suma kur leu mambina pet ala:

Esdras 1:2

Wana ni zla d’a an Sirus amul ma Perse-na ni data: Ma didina Alo ma akulona mi han leu d’a yam andagad’id’a pet, mi han vuna á minim gong nga kud’ora avo Jerusalem mba Juda-d’a mi.

Esdras 1:4

Yima lara ma Israel suma a arâ a nga kaka kuana, ar suma kak kur yi mámina a ndjunuzi ki bege d’a hapa, lora, d’uwarâ ki he d’a hawa d’a kur min mazid’id’a á min gong nga kud’ora hAlo ma nga avo Jerusalem-ma.

Nehemi 2:12

Bugola, an tchol andjege ki suma dingâ ad’un tcha, bei an de zla d’a Alo mana mi tinindji kurun á lat yam Jerusalem-mba mi sa ba, an i nga ki vama ding ngi, ni koro ma an nga kama hol.

Zla d’a d’ogolâ 16:1

Sana nga mi nga hurum á le va, wani ni Ma didina ba, mi ndak vun zla ndata.

Wana ni mbaktumba hi Aze-d’a 1:14

Ma didina mi mal djib’era hi Zorobabel Salatiyel gorom ma nga mi te yamba avo Juda-na ki djib’era hi ma ngol ma ngat buzuna Josue Josadak goroma ki djib’era hi suma a arâ pet. Ni kur bur ma dok mbà yam fid’ina hi til ma karagayana kur biza d’a mbà d’a Dariyus nga mi tamulid’a, azi mba, a nga le sunda kur gong nga kud’ora hi Ma didin ma ad’engêm kal petna, Alo mazinid’a.

2 Korente-na 8:16

Ami lami mersi mAlona, kayam mi mal lovota mi Tit á hat hurum kagi d’igi ami na mi.

Filip-ma 2:13

Kayam Alona ni Ma nga mi le sunda kurugi á hagi ad’enga á le min mamba, á ndak vun nga hur mama mi na.

3 Jean 1:11

Bäna, ar ang tit bugol tchod’a d’i, wani ang tit ni bugol djivid’a. Sama nga mi le djivid’ina ni ma hAlonina; sama nga mi le tchod’ina, mi we nga Alona d’i.