Esdras 1:2 - Bible azumeina

² Wana ni zla d’a an Sirus amul ma Perse-na ni data: Ma didina Alo ma akulona mi han leu d’a yam andagad’id’a pet, mi han vuna á minim gong nga kud’ora avo Jerusalem mba Juda-d’a mi.

Esdras 1:2 Kruisverwysings

1 Amuleina 8:27

Gagazi, na ni ang Alona ndak á kak yam andagad’a ka hî zu? Akulod’a ki ngolot pet pî, ti ndak nga kang nguo d’ou d’a d’igi gong nga an minit ngiyeû wanda ba mba d’i ndagang zu?

2 Sunda Hamuleinid’a 2:12

Hiram mi de kua ala: An le mersi mi Ma didina Alona hi Israel-lâ ma mi lakulod’a kandagad’ina, kayam mi hamulâ David gor ma ned’a ma d’alâ ma wad’ud’a ma ndak á min gong nga kud’ora mi Ma didina ki gong nga amula yam mam tambina.

Esdras 1:5

Ata yi máma suma nglo suma avok ades andjafâ hi Juda-nina ki suma avok ades andjafâ hi Benjamin-nina ki suma hi Levi-nina pet suma Alona mi malazi djib’er mazid’a woina, a tchol a i á min gong nga kud’ora hi Ma didin ma nga avo Jerusalem-ma.

Esdras 3:7

A he bege d’a hapa mi suma tchet ahinad’a ki suma tchet aguna. A hahle suma tena, ahle suma tched’a ki mbulâ mi suma Sidon-na ki suma Tir-râ, kayam a djagï agu sedre ma Liban-na woi kur alum ma ngolâ gak a mbam Jafa d’igi Sirus amul ma Perse-na mi heï vuna na.

Esdras 4:3

Wani Zorobabel, Josue ki suma ding suma nglo sumazina a hulong dazi ala: Ndologi nga ki ami tala ei mini gonga mAlo mamina ki sed’egi tu d’a d’i; ni ami tamid’a hol ba, ami minit mi Ma didina Alona hi Israel-lîna d’igi Sirus amul ma Perse-na mi hami vuna na.

Esdras 5:15

Mi hum vuna ala ang i kahle ndazina, ang tchuguzi sä kur gong nga kud’ora hAlonid’a avo Jerusalem, ar agi minigi gong nga kud’ora hAlonid’a ata blangât ma adjeuna.

Esdras 6:10

kayam azi hahle suma ngat buzu suma his suma afufuîna mAlo ma akulona tala azi tchen yam amulâ ki groma mi d’a.

Esdras 6:3

Kur biza d’a avoka hamulâ Sirus-sa, mi he vuna ala: Ar a hulong min gong nga kud’ora hAlona d’a Jerusalem-mba akulo, ar ti mbut ni yima suma a hahle suma ngat buzuna kuana, ar a gat ad’ut kä ad’enga ngingi. Fiyagat ta akulod’a ni metred’a dok hindi, bubuwat ni metred’a dok hindi mi.

Esdras 7:12

An Artazerses, amulâ hamuleinina, an ni he mbaktum mba wanda mi ang Esdras ma ngat buzu ma we mbaktum ma we gata hAlo ma akulona.

Nehemi 1:4

Kid’a an hum zla ndatid’a, an kak kä nga ni tchiya, an le burâ ablaud’a kur djib’era, an d’el tan bei te tena, an nde tchen Alo ma akulona.

Nehemi 1:5

An dum ala: Ma didina Alo ma akulona, Alo ma ngol ma kal papana, ang nga ngom vun ma djin mangâ ki suma a nga ge yazi kä ad’u vun mang ma hed’ina, ang nga we hohowa suma a nga le kangâ mi.

Sawal la giled’a 136:26

Agi gilegi Alo ma sä akulona, kayam o mamba nga d’i dap pi.

Sawal la giled’a 85:2

Ma didina, ang we hohowa ambas manga, ang hulongî andjafâ hi Jakob suma a yozi magombina.

Zla d’a d’ogolâ 21:1

Hur amulâ ni d’igi mbiyo ma djangâ na abo Ma didina, nga mi pred’em ata yima lara ma mam i kuana.

Isai 41:2

Ni nge ba, mi tcholï ki ma abo ma yorogo ma ayî ma kusa nga mi tit blogoma ge? Ni nge ba, mi hum andjaf suma, mi hulongôm yam amuleina kä avorom ge? Mbigeu mam mba fiyaka ti mbud’uzi d’igi andaga d’a gugud’upa na, yeû mamba ti mbud’uzi d’igi kuza d’a simetna nga mi felet teid’a na.

Isai 44:26

An nga ni ndak vun zla d’a azungeî mana a data, an nga ni ndak vun zlad’a hi man suma an sunuzi avo’â a data, an nga ni de yam Jerusalem ala: Suma a mba kak kurud’u, an nga ni de yam azì ma nglo ma Juda-na ala: A mba hulong minim akulo, an mba ni hulong min yi mam ma b’lak keina akulo mi.

Isai 44:28

An nga ni de yam amulâ Sirus ala: Mam mi man ma pola, mba mi ndak vun nga hur mana pet, mba mi de yam Jerusalem ala: A mba hulong a minit akulo, mba mi de yam gong man nda kud’ora ala: A hulong a gat ad’ud’u.

Isai 45:1

Ma didina mi tin Sirus iram vamu, mi vum kabom ma ndjufâ á tchuk andjaf suma kä woi avoromu, mi tinim á kus yam amuleina, á mal bap ma avun agre’â mbàna woi avorom tala vun agre’â mi hulong duk avorom mbuo d’a. Ma didina mi dum ala:

Isai 66:1

Ma didina mi dala: Akulod’a ni zlam man nda amula, andagad’a ni vama an tin asen kama. Nandjaf gongâ me ba, agi mba minindji ge? Ni yima lara ba, an mba ni tuk tan kua ge?

Jeremi 10:11

Ang dazi ala: Alo ma teteng ma mi le nga akulod’a kandagad’a d’uo na, a mba b’lagam mbei yam andagad’a, a mba fum ka hî yam andagad’a d’uo d’a.

Jeremi 27:5

An ni ma landagad’a ki suma kazurei suma a nga yam andagad’ina ki sib’ik man nda kal teglesa ki bigan nda nga zid’a kan akulo zid’a, an nga ni handagad’a mi suma tan lan djivid’a kazina.

Jeremi 29:10

Gola! Ma didina mi dala: Fata biza d’a dok kid’iziya d’a ngat yam Babilon-nda ndaka, an mba ni mba á d’ugiya, an mba ni ndak vun zla d’a djivi d’a an hlagi vunan kata, an mba ni mbagi ka hî.

Daniel 1:21

Daniel mi le sunda mamuleina gak mba kur biza d’a avok ka Sirus nga mi tamulid’a.

Daniel 2:21

Ni ma nga mi mbut atchogoid’a kahle suma a nga le kurutna, ni ma nga mi pat amuleina woi yam zlam mazi d’a amula, nga mi tin suma dingâ blangâzina, ni ma nga mi he ned’a mi suma ned’ina, nga mi he wad’ud’a mi suma wad’ud’ina mi.

Daniel 2:28

Wani Alo ma akulona ni ma nde ad’u ahle suma mudurina woi abuna. Ni mam ba, mba mi tagang ad’u ahle suma a mba le kur atchogoi d’a mba d’i mbad’ina. Adï d’a danga kahle suma a nde tazi woi irang yam azang mangîna ba wana:

Daniel 4:25

A mba diging ngei aduk suma, ang mba kak aduk ahle suma abageina. A mba hang asuna á ted’a d’igi amuzleina na. Mbad’ï d’a akulod’a mba d’i gangû. Ang mba kak hina gak bizad’a kid’iziya, gak ang mba wala Alo ma sä akulo ma kal teglesâ nga mi te yam leu d’a yam andagad’id’a pet, nga mi hat mi sama mam hurum minima.

Daniel 4:32

A mba diging ngei aduk suma, ang mba kak aduk ahle suma abageina, a mba hang asuna á ted’a d’igi amuzleina na. Ang mba kak hina gak bizad’a kid’iziya, gak ang mba wala Alo ma sä akulo ma kal teglesâ nga mi te yam leu d’a yam andagad’id’a pet, nga mi hat mi sama mam hurum minima.

Daniel 5:23

Wani ang hle yang akulo avok Alo ma sä akulona, ang yo kop ma a tinim iram vam ma kur gong mam mba kud’orina, ang ki mang suma nglona, amiyôngâ kamiyông suma gureina, agi tchagi ki süm guguzlud’a. Bugola, ang gile alo ma a lumî ki kawei ma hapma, ki lora, ki ma kawei ma hleuna, ki ma kawei ma wurana, kaguna kahinad’a suma a nga we d’i, a nga hum mbi, a nga wad’ud’a d’uo mi na. Ang subur nga Alo ma muzuk manga ki sun mang nga led’a pet nga aboma d’i.

Daniel 6:25

Bugol ahle ndazina, amulâ Dariyus mi b’ir mbaktumba mandjaf suma pet, mi suma ad’u vun ma ded’a tetengâ pet, mi suma a nga kaka yam andagad’ina pet ala: Ar agi kagagi ki halasa ngola!

Jonas 1:9

Jonas mi hulong dazi ala: An ni ma Hebre-na, an kud’orî Ma didina Alo ma akulo ma mi le alum ma ngolâ kandagad’ina.