Efes-sâ 4:2 - Bible azumeina

² ki lulumad’a ki kukud’uka zlapa ki ve tad’a burâ ki burâ. Agi vagi tagi ad’enga á le od’a yam tagiya.

Efes-sâ 4:2 Kruisverwysings

Sawal la giled’a 138:6

Ma didina, ang sä akulo dei, ang nga gol suma lulumana, ang nga golï suma yam mba ad’enga ei akulo dei mi.

Sawal la giled’a 45:4

Ma ad’eng ma dur ayîna, ang djin mbigeu mang nga fiyaka furungû. Ti ta’î subur manga ki haheî manga mi.

Zla d’a d’ogolâ 16:19

Hotei ang ge yang kä zlapa ki suma lulumana, kal la ang b’rau ahle suma hurumba ki suma a subur tazinid’a.

Zla d’a d’ogolâ 3:34

Nga mi las suma a nga las sumina, wani nga mi ve suma halasa sumad’a.

Ma tchi wala 7:8

Dabid’a hi sundid’a ti kal ad’u tinda hi sundid’a; sama mi nga ve tama, mi kal sama yam mba ad’engina.

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.

Sofoni 2:3

Agi suma luluma suma yam andagad’ina pet, agi halagi Ma didina, agi tid’igi yam vun mam ma hed’a, agi halagi d’ingêra, agi gagi yagi kä luluma avok Alona mi. Dam mba mi kengêgi woi kur bur mam ma ayîna kla.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Ndumba 12:3

Wani Moise ni sama luluma ma kal suma yam andagad’ina petna.

Matiye 11:29

Ar agi hlagi djuk mana, agi had’agi atanu, kayam an ni sama lulumana ma hurun ab’lengîna mi, agi mba fagi tuk tad’a mi.

Marik 9:19

Jesus mi hulong dazi ala: Agi suma bei he gagazid’a suma kur atchogoi d’a wandina na, an mba ni kak ki sed’egi gak mindja ge? An mba ni ve tan ki sed’egi gak mindja ge? Agi mbeyendjïya.

Sunda hi suma a sunuzinid’a 20:19

Ata yi máma an le sunda mi Salad’a ki kukud’oka ki simina iran ki kuk ka mba kanda ki vun ma Juif-fâ a ndjagam kana.

Romê-na 15:1

Ei suma ad’enga kur he gagazid’ina, ar ei ndjuni suma amangeîna á zizi amangeî mazid’a. Ar ei halei ni vama mi lei tei djivid’ina d’i.

1 Korente-na 13:7

Mi nga mi so tam yam ahlena pet, nga mi he gagazid’a yam ahlena pet, nga mi tin hurum yam ahlena pet, nga mi ve tam yam ahlena pet mi.

Galat-na 6:2

Ar agi ndjunugi tagiya, agi hlagi aneka woi yam tagiya. Hina wani, agi oyôgi ni vun gata hi Christ-sa.

Efes-sâ 1:4

Mi manei zlapa tu ki Christ avok dei bei ad’u tinda hi duniyad’a, kayam ei kagei sum mama bei zlad’a kei ba avoromu.

Kolos-sâ 1:11

Kayam ndata, ami nga tchenemi Alona kayam mi siragi ngingring kad’enga hi subur mambid’a. Hina wani, agi mba fagi ad’enga á so tad’a, á ve tad’a mi.

1 Timote 6:11

Wani ang sana hAlonina, ang wal lei kahle ndazina. Ang hal d’ingêra, ang le mandar Alona ki he gagazid’a ki od’a ki ve tad’a ki lulumad’a mi.

2 Timote 2:25

ni ma nga mi gat suma tchila yam zlad’a ki lulumad’ina, dam Alona mba mi mbud’uzi huruzi á we zla d’a gagazid’a tetet kla ge.

Jacques 1:21

Kayam ndata, agi aragi ahle suma ndjendjed’a ki sun nda tchod’a pet teyo. Agi vagi zla d’a Alona d’a a zaragizi kurugid’a ki lulumad’a, ni d’a ndak á sud’ugid’a.

1 Pierre 3:15

wani agi hugi Christ ngola kurugi ala mam mi Salagina. Agi minigi tagi teteu á hulongôgi zla d’a ded’a mi suma a nga djobogi yam vama agi tinigi hurugi kama,

1 Pierre 3:8

Zla d’a dabid’a ba wana: Ar agi kagagi ki djib’er ra tud’a ki vun ma tuna, ar agi lagi yam tagi d’igi b’oziyo tagi na, agi wagi hohou tagi ki lulumad’a.