Efes-sâ 1:13 - Bible azumeina

¹³ Wani kid’a agi humugi zla d’a gagazid’a nala Zla d’a Djivi d’a sud’ugid’a, agi hagi gagazid’a yam Christ. Kayam ndata, Alona mi kagi geuna ki Muzuk mam ma bei tchod’a ba ma mi hle vunam kama.

Efes-sâ 1:13 Kruisverwysings

Sawal la giled’a 119:43

Ang pat zla d’a gagazid’a woi avunan ndi, kayam an nga ni djup sariya mang nga kad’a ki hur ma tinda.

Joel 2:28

Ma didina mi dala: Bugol ahle ndazina, an mba ni vo Muzuk mana yam suma pet. Grogi suma andjofâ ki grogi suma aropma a mba djok vuna, momorogei magina adïd’a mba d’i daziya, azungeî magina ahlena a mba nde tazi woi irazi mi.

Wana ni Zla d’a Djivi d’a Luc mi b’irita 11:13

Le agi suma tchona agi wagi á hahle suma djivina mi grogina ni, na ni Abugi ma sä akulona mba mi he Muzuk mam ma bei tchod’a ba na mi suma a nga tchenema kal luo zu?

Wana ni Zla d’a Djivi d’a Luc mi b’irita 24:49

An mba ni sunugi he d’a hawa d’a Abun mi hle vunam kata, wani agi kagagi kur Jerusalem djang gak ad’eng nga akulod’a mba d’i mba kagiya.

Jean 1:17

Alona mi he gata yam suma nabo Moise, wani sumad’a ki gagazid’a a mba ni yam Jesus Christ.

Jean 14:26

Wani Ma ndjunda, nala, Muzuk ma bei tchod’a ba ma Abun mba sunumï ki simiyêna, mam mba mi had’agi ahlena pet, mba mi gagi humagi yam ahlena pet suma an dagizina mi.

Jean 15:26

Ma ndjun ma an mba ni sunugizï gen Abuna, nala, Muzuk ma tak gagazid’a hAlonid’a woina, mba mi mba. Mba mi tcholï gen Abunu, mba mi le glangâsâ kanu.

Jean 3:33

Sama ve zla mambina, nga mi tagam mbei abu ala Alona ni Ma gagazina.

Jean 6:27

Ar agi lagi sunda yam te ma mba mi b’lak keina d’i, wani lagi sunda ni yam te ma ndak á hagi ari d’a didinda ma an Gor Sana mba ni hagizina, kayam Abun mi kan geuna.

Sunda hi suma a sunuzinid’a 1:4

Kid’a Jesus nga zlapa ki sed’ezi tua d’a, mi hazi vuna ala: Ar agi walagi woi ki Jerusalem mbi, wani agi djubugi vun ma hled’a hAbun ma an dagi kam adjeuna.

Sunda hi suma a sunuzinid’a 13:26

B’oziyona, agi andjafâ hi Abraham-ma ki suma adigagi suma a nga le mandara Alonina, ni kayam ei ba, a sunï zla d’a sut ndata wana.

Sunda hi suma a sunuzinid’a 2:33

Alona mi hlum sä akulo, mi tinim ata bigam mba ndjufa. Mi ve Muzuk ma bei tchod’a ba ma Abum mi hlum vunam kama, mi vomizï kami d’igi agi wagizi agi humugizi na mi.

Romê-na 1:16

Kayam an nga ni le zulona á tchi wal Zla d’a Djivid’a d’i, kayam ndat nad’enga hAlonid’a á sut suma a he gagazid’ina pet, Juif-fâ avogo, bugola, andjaf suma dingâ mi.

Romê-na 4:11

Bugola, a ngad’am bayâd’a, wani bayâ mam mba ngata ni d’igi geuna na á tagei woi ala kid’a mam bei ngat bayâd’a tua d’a, Alona mi mbud’um sama d’ingêrâ yam he gagazi mamba. Kayam ndata, Abraham nabu suma a he gagazid’a yam Alonina pet. Le sum ndazina a ngat nga bayâd’a d’uo pî, Alona mi ndumuzi ni suma d’ingêrâ.

Romê-na 6:17

Wani an le mersi mAlona, kayam me adjeu agi ni magumeina hi tchod’ina, wani ki tchetchemba, agi gagi yagi kä ki hur ma tuna d’igi hat ta a had’agizid’a na.

2 Korente-na 1:22

Mi kei geuna ki simiyêmu, mi hei Muzuk mama kuri d’igi vama gap ma djivi ma mam nga mi ngomom keina na mi.

2 Korente-na 6:7

ki wal mami d’a tchi d’a gagazid’a kad’enga hAlonid’a. Ami nga kahle suma dur ayî suma d’ingêrâ á sut tami á dur ayîna mi.

Galat-na 3:14

Christ mi le hina kayam b’e vun ma Alona mi hle vunam mi Abraham kama, mi mba yam andjaf suma dingâ ni yam Jesus Christ. Kayam ndata, Alona mi hei Muzuk mam ma mi hle vunam kama ni yam he gagazi meid’a.

Efes-sâ 4:21

Gagazi, an wala agi humum zlamu, suma a had’agi zla d’a gagazi d’a yam Jesus-d’a mi.

Efes-sâ 4:30

Ar agi b’lagagi hur Muzuk ma bei tchod’a ba na hAlonina d’i; ni mam ba, kagi ki geuna gak bur ma Alona mba mi yoi sä akulona.

1 Tasaloni’â 2:13

Kayam ndata, ami nga lami mersi mAlona teteu kayamba agi vagi zlad’a hAlona d’a ami tchagizi walata, nga d’igi zlad’a hi sumid’a na d’i, wani d’igi zlad’a hAlona d’a gagazid’a na. Kayam zla ndata nga d’i le sunda kur agi suma hagi gagazid’ina.

2 Timote 2:15

Ang he tang mAlona d’igi sama ndak avorom ma le sunda bei zulona ba ma väd’u zla d’a gagazid’a ata yat d’ingêrâ na.

2 Timote 2:19

Wani ad’u ge d’a Alona mi gata, ti nga tchola ngingring. Zla mam mba a b’irit ki geunid’a ti dala: Salad’a mi we sum mama; a b’ir kua ala: Sama lara pî ma nga mi yi simiyê Salad’ina, ar mi wal lei ki tchod’a.

2 Timote 3:15

Kid’a ang gogora tua d’a, ang we mbaktumba hAlona d’a ndak á hang ned’a á ing kur suta yam gagazi d’a ang hat yam Jesus Christ-sa.

Wana ni mbaktum mba Paul mi b’irit mi Tit-ta 2:11

Kayam Alona mi nde wa suma mam mbala ni sut ta yam ped’u d’a woi abua.

Hebre-na 2:3

le ei golei sut ta ngol ndata ta ni, ei mba prud’i woi ni nana ge? Salad’a tamba mi de zla sut ndata woi avogo, suma a humut avunama a deizi djivi mata mi.

Jacques 1:18

Kur min mamba mi hei arid’a yam zla mam mba gagazid’a, kayam ei mbud’i suma avo’â hahle suma mam lazina pet.

Jacques 1:21

Kayam ndata, agi aragi ahle suma ndjendjed’a ki sun nda tchod’a pet teyo. Agi vagi zla d’a Alona d’a a zaragizi kurugid’a ki lulumad’a, ni d’a ndak á sud’ugid’a.

1 Pierre 2:10

Adjeu agi ni suma hAlonina d’i, wani ki tchetchemba, agi ni sum mama. Adjeu mi wagi nga hohowogi d’i, wani ki tchetchemba, mi wagi wa hohowogiya.

Vama ndum mbeina 7:2

An we malaika ma dingâ mi djagï akulo abo ma yorogona, mi nga ki geuna hAlo ma arina abomu. Mi de ki delem akulo mi malaika suma fid’i suma a hazi ad’enga á b’lak andagad’a kalum ma ngolâ woina ala: