Efes-sâ 1:12 - Bible azumeina

¹² Kayam ndata, ei suma tini huri avok dei yam Christ-sâ, ar ei mbud’i ni suma a tak subura hAlonid’a woina.

Efes-sâ 1:12 Kruisverwysings

Sawal la giled’a 2:12

Agi gagi yagi kä avok goroma; le hina d’uo ni, hurum mba mi zala, nga hur magina mba mi dap pei hawa, kayam mam mi ma mbut ayîna atogo za’â. Suma pet suma a ngei tazi atama, a le furîd’a.

Isai 11:10

Kur bur máma Sideina hi Jesse-na mba mi tchol akulo d’igi drapo d’a taka na yam andjaf suma. Andjaf suma a mba mba gevemu, a mba hum ngola mi.

Isai 12:2

Wana nAlo ma sud’una. An mba ni tin hurun kamu, an mba ni le mandara va tu d’i, kayam Ma didina, mam mad’eng manda, ni ma an gilema, mam mi ma sud’una mi.

Isai 45:23

An nga ni gun tan ki an tanda. Zla d’a ndavunda ni zla d’a irata. An mba djok vunan ndi. Suma pet a mba tchuk guguvazi kä avoronu, suma pet a mba gun tazi ki simiyên mi.

Isai 45:25

Wani andjaf Israel-lâ pet a mba mbut suma bei zlad’a kazina ni yam anu, a mba subur tazi mi.

Jeremi 23:6

Kur atchogoi mamba mba mi sut suma Juda-na. Israel-lâ a mba kak ki halasa, a mba yum ala: Ma didina ni d’ingêr meid’a.

Jean 14:1

Jesus mi dazi ala: Ar hurugi hat ti. Ar agi hagi gagazid’a yam Alona, ar agi hagi gagazid’a kan an mi.

Efes-sâ 1:6

Ar ei gilei Alona yam subura hi suma mam mba mi veizi hawa zlapa tu ki Gorom ma hurum vum heînid’a.

Efes-sâ 2:7

Mi le hina á tak suma mam mba ngol la kal papad’a woi avok suma pet ata yima nga mbana, yam djivi mam mba mi ndeizi woi yam Jesus Christ-sa.

Efes-sâ 3:21

Kayam ndata, ei suburi Alona kur Toka yam Jesus Christ kur atchogoi d’a lara ge peta gak didin. Amin!

2 Tasaloni’â 2:13

B’oziyomi suma Salad’a mi le kagi heîna, ami nga lami mersi mAlona teteu kagiya. Agi ni suma Alona mi managi avok dei á fe suta yam ad’enga hi Muzuk mam ma mbud’ugi sum mama yam gagazi d’a agi hatina.

2 Timote 1:12

Kayam ndata, an nga ni fe ki ndaka wana, wani an nga ni le zulona d’i, kayam an we tetet ala mam ma an hum gagazid’ina, mi ndak á ngom vama mi handji abona gak bur máma.

Jacques 1:18

Kur min mamba mi hei arid’a yam zla mam mba gagazid’a, kayam ei mbud’i suma avo’â hahle suma mam lazina pet.

1 Pierre 1:21

Ni yam mamba, agi hagi gagazid’a yam Alo ma tcholom akulo aduk suma matna ki suburina. Kayam ndata, he gagazi magid’a ki hur ma tin magina a ka’î yam Alona.