Daniel 9:27 - Bible azumeina

²⁷ Mam mba mi le suma kad’enga ablaud’a á djin vunazi ki sed’em gak bizad’a kid’iziya. Kur biza d’a hindi ki nusid’a, mam mba mi d’elezi á hahle suma ngat buzuna ki he d’a hawad’a. Ma b’lak yina mba mi ndak vun sun mam mba ndjendjed’a atogo zak, gak b’lak ka a ngata ti nde yam ma b’lak yi máma.

Daniel 9:27 Kruisverwysings

Isai 28:15

Agi nga dagi ala: Ami djinimi vunami ki matna, ami vami banad’a ki yima azuleina. Fata tugud’ei d’a tcho d’a tchi matna ti ndja abot tei ti kala, mba d’i fami d’i. Kayam ami mbud’umi zla d’a kad’a ni yi mami ma ngei tad’a, aboi ma kad’a ni yi mami ma kaka mi.

Isai 28:22

Ki tchetchemba, ar agi sanagi ad’u zla manda d’i. Le d’uo ni, ziyo ma a djinigi ki na mba mi sirit kelegiya. Kayam Ma didina mi nga wa hurum á b’lak ambasa da’. An hum zla ndata navun Salad’a Ma didin ma ad’engêm kal petna tamba.

Isai 42:6

An Ma didina ni yangî yam d’ingêra, an nga ni vang abong akulo, an nga ni ndjunungû, an nga ni tining á djin vunang ki suma pet á mbut b’od’a handjaf sumid’a,

Isai 53:11

Ma didina mi dala: Bugol ndak mamba, mba mi we vuta hi ndak mambid’a, tam mba d’i lum djivid’a kad’u. Yam we mamba azong man ma d’ingêrâ mba mi mbut suma ablaud’a suma d’ingêrâ, kayam mi hle tchila mazid’a kamu.

Isai 55:3

Agi tinigi humagiya, agi mbeyegi gevenu; agi humugiya, agi mba kagagi karid’a. An mba ni djin vun ma didina ki sed’egiya. Ni vun ma djin ma d’engzeng ma an djinim ki David-na.

Jeremi 7:30

Ma didina mi dala: Suma Juda-na a le sun nda tchod’a avoronu, a tin filei mazi ma ndjendjed’a kur gong nga a tchenen kuad’a á mbud’ut ndjendjed’a.

Daniel 11:31

Mba mi sunï azigarâ, a mba hle yina avun azì ma ad’eng ma ngungu ma a tinim iram vama, a mba mbud’um ndjendjed’a, a mba d’el ahle suma ngat buzu suma a hazi mAlona burâ ki burîna, a mba tin vama ndjendje ma tcho ma kal teglesâ yam yima ngal ahle suma ngat buzuna.

Daniel 11:36

Amulâ mba mi le vama hurum minima, mba mi hle yam akulo, mba mi djib’er ala mam kal alo ma dingâ pet. Mba mi de zla d’a ndak á ded’a d’uo d’a yam Alo ma yam alona petna, mba mi i avogovok kur sun mamba, gak Alona mba mi tak ayî mama woyo. Ata yi máma Alona mba mi ndak vun vama mam nga hurum kama.

Daniel 12:11

A mba tin ad’ud’a kur bur ma a mba d’el ahle suma ngat buzu suma a hazi mAlona burâ ki burîna gak vama tcho ma ndjendje ma kal teglesâ a mba tinim akulo yam yima ngal ahle suma ngat buzuna, a mba le burâ 1290.

Daniel 7:25

Mam mba mi de zla d’a tchod’a yam ma sä akulo ma kal teglesâ, mba mi djop vun sum mama mi. Mam mba mi nga hurum á mbut bur tilâ ki gata hAlonid’a kä. Ma sä akulo ma kal teglesâ mba mi hum sum mama abom gak bizad’a hindi ki nusa.

Daniel 8:13

An hum malaikana tu mi de zlad’a. Malaika ma dingâ mi djobom ala: Vama nde tam mbei yam vama ngat buzu ma burâ ki burîna, yam tchod’a hi ma b’lak yina, yam miret ta a mba miret gong nga kud’ora hAlonid’a ki azigar suma akulona kä d’a, a mba mba ni mindja ge?

Wana ni mbaktumba hi Oze-d’a 3:4

Kayam Israel-lâ a mba kak ngola tatâ bei amulâ, bei ma te kazina, bei ma ngat buzuna, bei ahina d’a ge humba, bei filei ma a yum ala efona, bei ma a yum ala terafima mi.

Matiye 24:15

Jesus mi had’azi kua ala: Kayam ndata, fata agi mba wagi Vama ndjendje ma b’lak kei ma Daniel ma djok vun Alona mi de kama, mi nga tchola ata yima a tinim iram vam ma kal teglesîd’a, ar sama ndumba mi wäd’u zla ndata djiviya.

Matiye 26:28

kayam ma wana ni buzuwanu. Ni vun ma djin ma awilina hAlonina, ni buzuwan ma mba mi djang ngei yam ablau sumina, kayambala Alona mba mi vat hurum mbei yam tcho mazid’a d’a.

Matiye 27:51

Gola! Baru d’a ka ir ra kur gong nga kud’ora hAlonid’a ti haû woi aduk mbà tcholï akulo dei gak ti tchuk kä, andagad’a ti yira, ahuniyôna a wak kei mi.

Marik 13:14

Jesus mi had’azi kua ala: Ar sama ndumba mi wäd’u zla ndata djiviya. Wani fata agi mba wagi Vama ndjendje ma b’lak keina mi nga tchola ata yima mi ndak nga kam á tchola d’uo na, ata yi máma, ar suma kur Jude-na a ring ngei aduk ahuniyôna.

Wana ni Zla d’a Djivi d’a Luc mi b’irita 21:20

Jesus mi had’azi kua ala: Wani fata agi wagi ades azigarâ mi ngui wa Jerusalem-mu ni, agi wagi ala b’lak mata mba wa go.

Wana ni Zla d’a Djivi d’a Luc mi b’irita 21:24

A mba tchi suma dingâ ki mbigeu d’a fiyaka, a mba yo suma dingâ magomba aduk andjaf suma pet. Andjaf suma dingâ a mba miret Jerusalem kä kasezi gak atchogoi mazid’a ndaga.

Romê-na 11:26

Ni hina ba, andjaf Israel-lâ pet a mba fe suta d’igi mbaktumba hAlonid’a ti de na ala: Ma sut suma mba mi ndeï ni kur Siyon. Mam mba mi pat ahle suma a nga ata yazi d’uo na woi aduk andjafâ hi Jakob-ma.

Romê-na 5:15

Wani he d’a hawad’a hAlonid’a ti nga ni d’igi tchila d’a Adam mi tchilata na d’i. Le suma ablaud’a a bo ni yam tchilad’a hi sama tunid’a ni, kal pet sumad’a ki he d’a hawad’a hAlona d’a yam sama tu ma a yum ala Jesus Christ-sâ a mba zul ngola kazi kal mi.

Romê-na 5:19

D’igi suma ablaud’a a mbut suma tchona ni yam bei hum vuna hi sama tuna na, hina mi, suma a mba mbut suma d’ingêrâ avok Alona ni yam hum vuna hi sama tuna na mi.

Hebre-na 9:28

Hina mi, Christ mi he tam vama ngat buzuna yam tu á yo tchod’a hi suma ablaud’a woyo. Mam mba mi hulongî yam á mbàd’a ná yo tchod’a d’uo d’a, wani ná sut suma a nga djubuma.