Daniel 9:22 - Bible azumeina

²² Mi had’anu, mi de zlad’a ki sed’enu, mi dan ala: Daniel, ki tchetchemba, an mba wa á malang irang ngei á hang wad’ud’a.

Daniel 9:22 Kruisverwysings

Daniel 10:11

Bugola, sama mi tchuk baru d’a luluîd’a atama, mi dan ala: Daniel, ang ma Alona mi le kang heîna, ang hum zla d’a an nga ni dangzid’a, ang tchol akulo ata yima ang nga kuana. Ki tchetchemba, a sunun ni gevengû. Ata yima an hum zla ndatina, an tchol akulo, nga ni zlaga.

Daniel 10:12

Mi dan kua ala: Daniel, ang le mandar ri. Tin ad’ud’a kur bur ma avok ma ang mbut tang hohoud’a ang ge yang kä avok Alo mangâ á wäd’u vama lena, mi hum tchen manga. Kayam ndata, an mbeï geveng ná hang humba.

Daniel 10:14

Ki tchetchemba, an mba nala ang wäd’u ahle suma a nga mba yam sum mangâ kur atchogoi d’a nga d’i mbad’ina d’a. Kayam vama nde tam mbei irang máma mi de zlad’a yam vama nga mi mbana.

Daniel 10:21

Wani an nga dang vama a b’irim kä kur mbaktum mba gagazid’ina. Sama mi ndjunun á dur ki suma djangû ndazinina nga d’i, ni ma ngol magina Michel hol.

Daniel 7:16

An hut go gen ma ding ma nga ata yi mámina, an djobom ala mi van ad’u gagazid’a hahle ndazinid’a pet go ge. Mi van ad’u ahle ndazina, mi dan ala:

Daniel 8:16

An hum del sana kur alum ma Ulai-na, mi er ad’um akulo ala: Gabriel, ang tagam ad’u vama nde tam mbei iram máma.

Amos 3:7

Gagazi, Salad’a Ma didina nga mi le va gumun bei mi tagam mbei mazungeî mam suma djok vuna d’i.

Zakari 1:14

Malaika ma nga mi dan zlad’ina mi dan ala: Ang er ad’ung akulo, ang tchi wala ala: Ma didin ma ad’engêm kal petna mi dala: An nga ki hur ma hat ma ngolâ yam Jerusalem ki Siyon.

Zakari 1:9

An djobom ala: Salana, akulumei ndazina ni me ge? Malaika ma Ma didina mi hum vuna á dan zlad’ina mi dan ala: An mba ni vang ad’ud’a kaziya.

Vama ndum mbeina 4:1

Bugol ahle ndazina, vama dingâ mi nde tam mbei iranu. An we vun azì ma akulona mi mal leyo. Del la ti tchi d’igi adifa na d’a an humut avoka ti dan ala: Ang djagï ka hî. An mba ni tagang ahle suma a nga mba bugolâ.