Daniel 9:12 - Bible azumeina

¹² Ang ndak wa vun zla d’a ang dat kami ami kamulei suma a nga te kamina, ang mba wa ki ndak ka ngol la ti mba nga yat tu yam andagad’a ka hî d’uo d’a kami avo Jerusalem.

Daniel 9:12 Kruisverwysings

1 Amuleina 3:9

Wani Ma didina, ang han ned’a á te yam sum mangâ á wal djivid’a adigat ki tchod’a. Kayam sana mi ndak á te yam mang suma ablau ndazina ki ne mamba tata d’i.

2 Amuleina 22:16

Mi dala: Gola! An Ma didina mba ni mba ki ndaka yam yima wana ki suma a nga kaka kuruma d’igi zla d’a amul ma Juda-na mi ndumut kur mbaktumbid’a na.

Wana ni mbaktumba hi Job-pa 12:17

Mi nga mi yo suma de d’alâ magomba, nga mi b’lak zlad’a hi suma avok sumina woyo.

Sawal la giled’a 148:11

Agi amulei suma yam andagad’ina, andjaf suma pet, suma nglona ki suma ka sariya suma yam andagad’ina pet, agi gilegiziya!

Sawal la giled’a 2:10

Ki tchetchemba, agi amuleina, agi kagagi ki ned’a, agi suma nglo suma yam andagad’ina, agi humugi gata.

Zla d’a d’ogolâ 8:16

Ni kayam an ba, amuleina ki suma nglo suma hurazinina ki suma ka sariya suma yam andagad’ina pet a nga te yamba.

Isai 43:28

Kayam ndata, an mbut suma nglo suma ata Yima a tinim iram vama vama ndjendjed’a, an ni mbut suma hi Jakob-ma ni vama a gum vunina, an mbut Israel-lâ vama ngula mi.

Isai 44:26

An nga ni ndak vun zla d’a azungeî mana a data, an nga ni ndak vun zlad’a hi man suma an sunuzi avo’â a data, an nga ni de yam Jerusalem ala: Suma a mba kak kurud’u, an nga ni de yam azì ma nglo ma Juda-na ala: A mba hulong minim akulo, an mba ni hulong min yi mam ma b’lak keina akulo mi.

Jeremi 30:7

Ni ndaga me na ge! Ni bur ma tchona; bur ma d’igi mam na na nga d’i! Ni yima ndaka yam andjafâ hi Jakob-ma. Hina pet pî, a mba sut tei bei va mi lazi ba.

Jeremi 32:23

Azi mba, a hlad’u, wani a humung nga vunang ngi, a tit nga yam gat manga d’i, a le nga ahle suma ang hazi vuna kazi á led’ina d’uo mi. Ni kayam ndata ba, ang mba ki ndak ka wanda kazi wana.

Jeremi 39:16

Ang i de mi Ebet-Melek ma Etiyopi-na ala: Ma didin ma ad’engêm kal petna, Alona hi Israel-lîna, mi dala: Gola! An nga ni mba ki ndak ka an dat zlat yam azì ma ngol ma wanid’a, an nga ni mba ki tchod’a, an nga ni mba ki djivid’a d’i. Ahle ndazina a mba le ni irang angû.

Jeremi 44:23

Ahle ndazina a le na kayam agi ngalagi dubang ma his djivid’ina, agi lagi tchod’a avok Ma didina, agi humugi nga dela hi Ma didinid’a d’i, agi tid’igi nga yam gat mamba ki vun mam ma he ma tetengâ d’uo mi. Ni kayam ndata ba, ndak ndata ti mba kagi ini wana.

Hor ma tchina 1:12

Agi suma pet suma nga kalagi ka hina, Agi mbeyegiya, agi gologiya! Agi wagi andjaf ndak ka an nga ki sed’et ta Ma didina mi tumun ki sed’et kur bur ma hurum zal kana, ta hle tat d’igi ndat hina d’a nga d’i.

Hor ma tchina 2:13

Ndak gor weid’a Jerusalem, an dak ana ge? An mba ni nga’î ki nge ge? Ndak gor wei d’a Siyon nda bei ngaf ki mandjuf ba d’a, an mba ni nga’î ki nge ba á b’lengêk huruk ke? Kayam mbil ma’â mi ngola d’igi alum ma ngolâ na. Ni nge ba, ndak á tchiliksi ge?

Hor ma tchina 2:17

Ma didina mi ndak wa vun zla d’a mam ngat kurum adjeud’a, mi ndak wa vun zla d’a mam he vuna kat adjeu dedeid’a, mi b’lagak kei bei mi wak hohowok ba, mi mbud’uk vama furîd’a hi ma djangûnina, mi had’enga mi suma a lak murud’umbina mi.

Hor ma tchina 4:6

Tchod’a hi sum manid’a, ti ngola kal tchod’a hi Sodom mba a b’lagat tei atogo hina zak bei sa mi tin abom atat ba d’a.

Ezekiyel 13:6

Ahle suma a nde tazi irazina nahle suma hawa ya’â. Zla mazi d’a azi nga djogota ni zla d’a kad’a. A nga dala: Wana ni zlad’a hi Ma didinid’a, wani an Ma didina ni sunuzi nga d’i. A nga tin huruzi yam zla mazid’a ala mba d’i ndak vun sun mata!

Ezekiyel 5:9

An mba ni ngobogi ki ngop pa an nga bei ngop ki sa tua d’a, an mba ni ngop ki sa bugol luo mi, kayam sun magi d’a ndjendjed’a ti kal ngola heî.

Daniel 12:1

Malaika máma mi dan kua ala: Kur atchogoi ndata Michel ma ngolâ hi malaika ma ngom sum mangîna mba mi tchola. Atchogoi ndata natchogoi d’a ndaka. Kid’a andjaf suma a nga yam andagad’a deid’a gak kur atchogoi ndata, ndak ka hina d’a ti le nga yat tu d’i. Kur atchogoi ndata mang suma a b’irizi simiyêzi kur mbaktumba hAlonid’ina a mba fe suta.

Joel 2:2

Ni bur ma nduvunda, ni bur ma wura ma i’îli’â, ni bur ma d’ugula, ni bur ma akukutna. Nga mi djï d’igi yina mi fo woi yam ahuniyôna na. Gola! Nades ahle suma b’lak ahlena ablaud’a, ad’enga heî mi. Ades ahle suma hina na a mba nga yazi tu d’i, a mba mba bugol kur atchogoi d’a mba d’i mbad’a d’uo mi.

Amos 3:2

Ni agi hol ba, an managi aduk andjaf suma pet. Ni kayam ndata ba, an mba ni mba á ngobogi yam tcho d’a agi lata.

Zakari 1:6

Wani zla manda ki vun ma hed’a suma an hazi mazungeî man suma djok vunina, a vabuyogi ngolo ki zlad’a. Azi hulongî gevenu, a djok tit mazid’a, a dala: Ma didin ma ad’engêm kal petna mi le ki sed’ei ni ngad’a yam sun meid’a ki tit meid’a d’igi mi nga hurum na.

Zakari 1:8

Kur andjeged’a vana nde tam mbei iranu, an we sana mi nga yam akulum ma hleuna, mi nga tchola aduk agu mirtena gumunu, akulumei suma hleuna kakulumei suma bolona kakulumei suma hobiyona a nga tchola blogomu.

Zakari 7:12

Azi b’al huruzi ad’enga d’igi kaweina na, azi min nga á tit yam gata hi an Ma didin ma ad’engên kal petna d’a an djogozizi kur Muzuk mana avun suma djok vuna adjeud’a d’i. Ata yi máma an hurun zal ngola,

Matiye 24:21

Ndak ka ngol la mba d’i le suma kur bur mámid’a, kad’u tinda hi duniyad’id’a dei gak ki tchetchemba, andjaf ndak ka hina d’a ti le nga yat tu d’uo tua. Wani andjaf ndak ka hina d’a mba d’i le bugol luo d’a.

Matiye 5:18

Gagazi, an nga ni dagiya, akulod’a kandagad’a a mba kal leyo, wani b’ir ra klera d’oze ta ndeb’eka hi gatid’a ti mba d’i kal lei d’i, gak ahle ndazina pet a ndak tua.

Marik 13:19

Ndak ka ngol la mba d’i le suma kur bur mámid’a kad’u tinda hi duniyad’id’a dei kid’a Alona mi lahlena peta gak ki tchetchemba, andjaf ndak ka hina d’a ti le nga yat tu d’uo tua. Wani andjaf ndak ka hina d’a mba d’i le bugol luo d’a.

Wana ni Zla d’a Djivi d’a Luc mi b’irita 21:22

Kayam bur máma ni bur ma sä atchugula á ndak vun ahle suma a b’irizi kur mbaktumba hAlonid’ina.

Romê-na 15:8

Kayam an nga ni dagi ala Christ mi mbut ma sunda hi Juif-fîna á ndak vun vun ma hle ma Alona mi hlum mi Abraham, mi Isak ki Jakob memetna á tak woi abu ala Alona ni Ma d’engzengâ,