Daniel 8:7 - Bible azumeina

⁷ An golom mi mba go ki gamlâna, mi tchob’or ayîna atamu, mi dabam mi kuzum adivim mbei djak. Gamlâ máma mi nga kad’enga á tchol avorom mbi. Mi gum kä andaga, mi mired’em kä kasemu. Sama ndak á prut gamlâ máma woi aboma nga d’i.

Daniel 8:7 Kruisverwysings

Daniel 11:11

Amul ma abo ma sutna, hurum mba mi zala, mba mi nde woi á dur kamul ma abo ma norâ. Amul máma mba mi sun azigar mam suma mimiyâ’â. Wani azi mba ndabo mam ma djangûna.

Daniel 7:12

Amburei suma a ar hindina, a prud’uzi ad’eng mazi d’a tamula woyo, wani a arazi buruzi fiyaka gak yima a ngama.

Daniel 7:7

Bugola, an nga ni gol kur vama nde tam mbei iran kur andjeged’a tua na, an gol wani, ambur ma fid’ina, mi kal tchod’a ngola, ni vama mandarâ, ma ad’enga ngola heî mi. Siyamî nglod’a d’igi kaweina na. Mi mut ahlena, mi kizagazi woyo, mi miret ad’uzi d’a ara kä kasemu. Mi nga d’igi amburei suma avok ndazina na d’i, mi nga kaduveina dogo kam mi.

Daniel 8:10

Mi i gak ata ahle suma sä akulona, mi tchugï suma dingâ kä yam andagad’a ki tchitchiu d’a hiud’a mi, mi mired’ezi kä kasemu.

Daniel 8:6

Mi mba go ki gamlâ ma adivim mbà ma an wum tchola avun alumina, mi er kam ki hur ma zala kad’engêm pet.

Daniel 8:8

Mbekmbere máma mi mbut ngola kala. Ata yima mi mbut ad’enga dana, adivim ma ngol ma atchap máma mi kus seyo, adifâ mi deî balum adivim ma atchap máma fid’i ngad’a yam simet ma abo ma fid’inina.

Sunda hi suma hi Levi-nid’a 26:37

A mba puk kä yam tazi teteng d’igi suma a ringî avok ayî ma durâ na, bei sa mi digizi ba. A mba tchol avok mazi suma djangûna d’i.

Josue 8:20

Suma Aï-na a mbut irazi blogoziya, a we aziyazi ma ngolâ nga mi d’us andosâ dudurup, mi i akulo hur alona. A fe nga yima azi ring kuana d’i. Israel suma a ring irazi abagei hur fulîna, a mbut irazi á dur suma a nga digizina.