Daniel 8:21 - Bible azumeina

²¹ Mbekmberena ni leu d’a Grek-ka, adif ma ngol ma aduk iram d’ad’arâ namul ma avo’â.

Daniel 8:21 Kruisverwysings

Daniel 10:20

Mi djobon ala: Ang we d’op zla d’a an mba geveng kata zu? Ki tchetchemba, an nga ni hulong á dur ayîna kamul ma Perse-na. Ata yima an ina, amul ma Gre’â nga mi mba.

Daniel 11:2

Ki tchetchemba, an nga ni dang zla d’a gagazid’a. Malaika máma mi dan kua ala: Gola! Amuleina hindi a mba tchol te yam suma Perse-na kua. Bugola, ma fid’ina mba mi tok ndjondjoîd’a kal suma ding suma hindina. Fata mi mbut ad’enga ki ndjondjoî mambid’a, mba mi tchol djangûna ki leu d’a Grek-ka.

Daniel 11:3

Wani grang ma dur ayîna mba mi kak amula yam suma Gre’â. Mba mi te leud’a kad’enga, mba mi le ni vama mam hurum minima.

Daniel 2:39

Amul ma dingâ mba mi tchol blogong á tamula, wani ad’engêm mba d’i ndak d’igi ang na d’i. Bugola, amul ma hindi mala ni kawei ma hleuna na mba mi tamula yam andagad’a pet.

Daniel 7:6

Bugola, an nga ni gola, gol wani, ambur ma dingâ mi hle tam d’igi sindilâ na, wani gigingâ haleinina fid’i nga huyogomu. Ambur máma mi nga ki yamba fid’i, a hum ad’enga á te yamba mi.

Daniel 8:20

Gamlâ ma ang wum ma adivim mbàna azi namulei suma Mede-na kamulei suma Perse-na.

Daniel 8:22

Adif ma fid’i ma mi vrak balum ma mi kus seina ni leu d’a fid’i d’a mba d’i tchol aduk andjaf mamid’a. Wani ad’eng mata mba d’i ndak ki mamba d’i.

Zakari 9:13

An mba ni mbut suma Juda-na ni d’igi agu yeûd’a na. An mba ni mbut suma Efraim-ma ni d’igi sï yeûd’a na mi. Ndak Siyon, an mba ni sun sum ma’â á dur suma Gre’â, an mba ni mbud’uzi d’igi mbigeu d’a fiyaka hi grang ma durîd’a na.