Daniel 8:17 - Bible azumeina

¹⁷ Gabriel mi hut geven ata yima an nga tchola kuana. An le mandarâ, an puk kä ki iran andaga. Wani mi dan ala: Ang gor sana, ang huma. Vama nde tam mbei irang máma ni yam dabid’a hatchogoid’id’a.

Daniel 8:17 Kruisverwysings

Ad’u Tinda 17:3

Abram mi ge tam kä ki iram andaga avoromu. Alona mi hulong dum ala:

Ezekiyel 1:28

B’o d’a wile d’a nguyum mbei d’uhl ndata, ti hle tat ni d’igi virâ mi b’al alona ata yima nga mi sena na, ni vama hle tam d’igi subura hi Ma didinid’a na na. Ata yima an huma, an ge tan kä avoromu. Bugola, an hum dela hi sanid’a ti dan zlad’a.

Ezekiyel 2:1

Ma didina mi dan ala: Ang gor sana, ang tchol akulo. An nga ni dang zlad’a.

Ezekiyel 44:4

Bugola, sa máma mi hlan avun agrek ma norâ, mi mban avun gong nga kud’ora hAlonid’a. An gol yina, ni we subura hi Ma didinid’a ti oî gong mam mba kud’ora. An grif kä avoromu.

Ezekiyel 6:2

Ang gor sana, ang mbut irang yam ahuniyô suma Israel-lâ, ang djogozi vuna,

Daniel 10:11

Bugola, sama mi tchuk baru d’a luluîd’a atama, mi dan ala: Daniel, ang ma Alona mi le kang heîna, ang hum zla d’a an nga ni dangzid’a, ang tchol akulo ata yima ang nga kuana. Ki tchetchemba, a sunun ni gevengû. Ata yima an hum zla ndatina, an tchol akulo, nga ni zlaga.

Daniel 10:16

An gol sama dingâ mi hle tam d’igi sana na, mi don vunanu. Vunan mi hulong mal leyo, an de mi sama nga tchola vorona ala: Salana, ni kayam vama nde tam mbei irana ba, djib’er manda b’lak ngola, ad’engên nga d’uo wana.

Daniel 11:27

Amulei suma mbà ndazina a mba kak avun tabul ma tuna, a mba nga huruzi á le zla d’a tchod’a, a mba de tazi ni zla d’a kad’a. Wani azi mba ndak ki, kayam yima a ngama mba nga d’uo tua.

Daniel 11:40

Atchogoi d’a dabid’a, amul ma abo ma sutna mba mi tchol durâ kamul ma abo ma norâ, wani amul ma abo ma norâ mba mi tchol kam ki pus mam ma dur ayîna ki mam suma djang akulumeina ki batod’a ablaud’a, mba mi kal ki azigar mama kur ambasa teteng, mba mi tchila yam hagad’a d’igi toliyonda ti kus sei na.

Daniel 12:13

Wani ang Daniel, ang i d’o gak bur mang ma dabid’a. Ang mba mid’a, wani ang mba tchol akulo á ve wurak manga kur atchogoi d’a dabid’a.

Daniel 12:4

Wani ang Daniel, ang ngom zla ndata kä muduriya, ang reî vun mbaktum ndata gak bur ma dabid’a mi. Suma ablaud’a a mba ndumud’u, we mazid’a mba d’i i avogovogo.

Daniel 2:46

Ata yi máma amulâ Nebukanezar mi grif kä andaga avok Daniel, mi kud’uromu, mi he vuna ala a hum he d’a hawa d’a ngala ki mbul ma his ma afufuîna mi.

Daniel 7:16

An hut go gen ma ding ma nga ata yi mámina, an djobom ala mi van ad’u gagazid’a hahle ndazinid’a pet go ge. Mi van ad’u ahle ndazina, mi dan ala:

Daniel 8:15

Ata yima an Daniel nga ni gol vama nde tam mbei irana ni hal ni wum ad’uma, an gol wani, vana nga tchola avoron mi hle tam d’igi sana na.

Daniel 8:19

Bugola, mi dan ala: An nga ni tagang vama nga mi mba ata yima a ngama, ata yima ayîna hAlonina mba mi dapma.

Daniel 8:27

An Daniel djib’eren ti b’lak ngola, ni mbut tugud’eid’a burâ tcha. Bugol la an mbut gangrangid’a, an ve sunda hamulîd’a led’a. Wani an kak ki djib’era yam vama nde tam mbei iran máma, kayam an wum nga ad’um mbi.

Daniel 9:23

Ata yima ang tin ad’ud’a á tchen Alona tchen nda hud’ina, mi geï sunda á dang zlad’a, an mba ná dangziya, kayam Alona mi le kang heî. Ang ve zla ndata djiviya, ang wäd’u vama mi nde tam mbei irangâ mi.

Daniel 9:27

Mam mba mi le suma kad’enga ablaud’a á djin vunazi ki sed’em gak bizad’a kid’iziya. Kur biza d’a hindi ki nusid’a, mam mba mi d’elezi á hahle suma ngat buzuna ki he d’a hawad’a. Ma b’lak yina mba mi ndak vun sun mam mba ndjendjed’a atogo zak, gak b’lak ka a ngata ti nde yam ma b’lak yi máma.

Habakuk 2:3

Kayam zla d’a ndat teid’a mba d’i ndak vun sun mata kur atchogoi mat ta a ngata, ti nga d’i i ata dabi mata, ti mba d’i ba bei led’a d’i. Le yat nga d’i ve pî, ang djubud’u, kayam mba d’i ndak vun sun mata gagazi, mba d’i ba hawa d’i.

Matiye 17:8

Kid’a a yo irazi akulod’a, a we nga sa d’i, ni Jesus hol.

Vama ndum mbeina 1:17

Ata yima an wuma, an puk kä asem d’igi sama matna na, wani mi tin abom ma ndjufâ kanu, mi dan ala: Ang le mandar ri; ni an Ma avo’â, ni an Ma danana.

Vama ndum mbeina 22:8

An Jean ni huma, ni wahle ndazina mi. Ata yima an hum ni we na, an puk kä asem malaika ma nga mi tagan ahle ndazinina á kud’uromu.