Daniel 8:14 - Bible azumeina

¹⁴ Malaika máma mi hulong dum ala: Gak fladeged’a ki yorogod’a 2300 mi. Bugola, a mba tin gong nga kud’ora hAlonid’a irat vat tin nda dinga kua.

Daniel 8:14 Kruisverwysings

Ad’u Tinda 1:5

Mi yi b’od’a ala Faleid’a; mi yi nduvunda ala Andjeged’a. Fladeged’a nga, yorogod’a nga mi; ni bur ma avo’â.

Isai 1:27

Ma didina mba mi prut Siyon ndei ni fata ti tit yam d’ingêrid’a, mam mba mi sut suma kurutna woi ni fata a mbut huruzi yam tcho mazid’id’a mi.

Isai 45:25

Wani andjaf Israel-lâ pet a mba mbut suma bei zlad’a kazina ni yam anu, a mba subur tazi mi.

Daniel 12:11

A mba tin ad’ud’a kur bur ma a mba d’el ahle suma ngat buzu suma a hazi mAlona burâ ki burîna gak vama tcho ma ndjendje ma kal teglesâ a mba tinim akulo yam yima ngal ahle suma ngat buzuna, a mba le burâ 1290.

Daniel 12:12

Suma a ve tazi ad’enga kur djupa gak burâ 1335-hlâ, a mba le furîd’a.

Daniel 12:7

Sama tchuk baru d’a luluîd’a atama, mi yo abom akulo hur alona ki zla tam djak. An hum mi dala: An gun tan ki simiyê Alo ma gak didina. Ahle ndazina a mba le gak bizad’a hindi ki nusa, a mba dap pei ni fata ad’enga hi suma hAlonina mba d’i dap peid’a.

Daniel 7:25

Mam mba mi de zla d’a tchod’a yam ma sä akulo ma kal teglesâ, mba mi djop vun sum mama mi. Mam mba mi nga hurum á mbut bur tilâ ki gata hAlonid’a kä. Ma sä akulo ma kal teglesâ mba mi hum sum mama abom gak bizad’a hindi ki nusa.

Daniel 8:26

Vama nde tam mbei irang yam fladeged’a ki yorogod’ina ni zla d’a gagazid’a. Wani ang ngom zlad’a hi vama nde tam mbei irang mámid’a kä muduriya, kayam ndat mba d’i le ni kur atchogoi d’a sä deid’a.

Galat-na 3:8

Kayam Alona mi de kur mbaktum mamba avok ala mam mba mi mbut andjaf suma dingâ d’ingêr yam he gagazi mazid’a. Mi de Zla d’a Djivid’a mi Abraham adjeu ala: An mba ni b’e vunan yam andjaf suma pet ni kang angû.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

Vama ndum mbeina 12:14

Wani a he atcha ndata giging agigilau ma ngolâ, kayam ti pir ti i ata yi mat ma abageina, ata yima a hat tena kua bizad’a hindi ki nusina kayam dragon máma mi fat ti.

Vama ndum mbeina 13:5

Ambur máma, a hum vun ma de zla d’a subur tad’a á ngul Alona. Mi fad’enga á le hina gak tilâ dok fid’i yam mbà.