Daniel 8:13 - Bible azumeina

¹³ An hum malaikana tu mi de zlad’a. Malaika ma dingâ mi djobom ala: Vama nde tam mbei yam vama ngat buzu ma burâ ki burîna, yam tchod’a hi ma b’lak yina, yam miret ta a mba miret gong nga kud’ora hAlonid’a ki azigar suma akulona kä d’a, a mba mba ni mindja ge?

Daniel 8:13 Kruisverwysings

Sawal la giled’a 74:10

Alo mamina, ma djop vun suma mba mi lazangî hina gak mindja ge? Ma djangûna mba mi ngulung anguzangî hina gak mindja ge?

Sawal la giled’a 74:9

Ami wami nga vama tak mala ang nga ki sed’emiya na d’uo d’a, ma djok vun mang nga d’uo d’a. Sama adigami ma wala ahle ndazina, a mba le ni gak mindja ge na nga d’i.

Sawal la giled’a 79:5

Ma didina, ang hurung mba zal kami hina gagak mindja ge? Ang hurung mba zal kami ni d’igi akud’a ti ngal yina na zu?

Isai 28:18

Vun magi ma djin ma agi djinim ki matnina, mba mi but teyo, bana d’a agi vat ki yima azuleinid’a, mba d’i but tei mi. Fata tugud’ei d’a tcho d’a tchi matna ti ndja abot tei ti kala, mba d’i mired’egi kä kased’u.

Isai 6:11

Ata yi máma an djobom ala: Salad’a, ni mindja ba, ang mba ar ahle ndazina ge? Mi hulong dan ala: Gak azì ma ngolâ mi b’lak kei kakazeî bei fe sa kurum ba, azina mi ar hawa kolohong, ambasa ti mbut ni hur fulâ mbeî.

Isai 63:18

Ami mang suma yed’etna ami kagami yam ambasa ni hina ndjö. Mami suma djangûna a miret yi mang ma a tinim iram vama kä kaseziya.

Isai 9:6

Leu mam mba ted’a mba d’i i avogovok ki b’leng nga halas sa bei dabid’id’a. Mba mi kak yam zlam mba amula hi David-ta, mba mi te yam leu mamba, mba mi tin d’ingêra ki gagazid’a hAlonid’a ki tchetchemba gak didin. Wana ni vama Ma didin ma ad’engêm kal petna mba mi lum ki zlezleû mambina.

Jeremi 12:10

Suma pola ablaud’a a b’lagan asine man ma guguzlud’a, a mired’em kä kaseziya, a mbud’un asine man ma an hurun vun heîna hur ful ma va nga kua d’uo na.

Daniel 11:31

Mba mi sunï azigarâ, a mba hle yina avun azì ma ad’eng ma ngungu ma a tinim iram vama, a mba mbud’um ndjendjed’a, a mba d’el ahle suma ngat buzu suma a hazi mAlona burâ ki burîna, a mba tin vama ndjendje ma tcho ma kal teglesâ yam yima ngal ahle suma ngat buzuna.

Daniel 12:11

A mba tin ad’ud’a kur bur ma a mba d’el ahle suma ngat buzu suma a hazi mAlona burâ ki burîna gak vama tcho ma ndjendje ma kal teglesâ a mba tinim akulo yam yima ngal ahle suma ngat buzuna, a mba le burâ 1290.

Daniel 12:8

An Daniel ni hum zla ndata, wani an wat nga ad’ut ti. Ni kayam ndata ba, an djop ala: Salana, ahle ndazina a mba le ni na na ge?

Daniel 4:10

Vama nde tam mbei iran kur muzugana ba wana: Ata yima an nga burâ yam azang manina, an wagu ma fiyak ma geremendena mi nga tchola yam andagad’a.

Daniel 4:13

Vama nde tam mbei iran kur muzugana ba wana: Ata yima an nga burâ yam azang manina, an we malaika ma ndjola mi tcholï akulo mi tchugï asem kä,

Daniel 4:23

Ang amulâ, ang we malaika ma ndjola mi tcholï akulo mi tchugï asem kä mi dala: Agi kagi agu máma kä woyo, agi kizagam mbeyo, wani agi aram abuwam ki sideyem kä andaga, agi djinim ki kindjing ma kawei ma wurana ki ma kawei ma hleuna kä abagei aduk asuna. Ar mbad’ï d’a akulod’a ti gumu, ar mi tasuna d’igi ahle suma abageina na gak bizad’a kid’iziya.

Daniel 7:16

An hut go gen ma ding ma nga ata yi mámina, an djobom ala mi van ad’u gagazid’a hahle ndazinid’a pet go ge. Mi van ad’u ahle ndazina, mi dan ala:

Daniel 7:23

Sama an djoboma mi hulong dan kua ala: Ambur ma fid’ina ni leu d’a fid’i d’a mba d’i kak yam andagad’a ka hî d’a wal lei ki leu d’a dingid’a, mba d’i b’lak andagad’a woi pet, mba d’i mired’et kä, mba d’i kizagat tei kikizek mi.

Daniel 9:27

Mam mba mi le suma kad’enga ablaud’a á djin vunazi ki sed’em gak bizad’a kid’iziya. Kur biza d’a hindi ki nusid’a, mam mba mi d’elezi á hahle suma ngat buzuna ki he d’a hawad’a. Ma b’lak yina mba mi ndak vun sun mam mba ndjendjed’a atogo zak, gak b’lak ka a ngata ti nde yam ma b’lak yi máma.

Zakari 1:19

An de mi malaika ma dan zlad’ina ala: Aduvei ndazina ni me ge? Mi hulong dan ala: Azi nandjaf suma ad’eng suma a pleî suma Juda-na ki Israel-lâ ki suma Jerusalem-ma woi yaya’â.

Zakari 14:5

Ata yi máma agi mba ringîgi kur hor ra aduk ahuniyô manid’a, kayam hor ndata mba d’i i gak Asal. Agi mba ringîgi d’igi abuyogi ngolo a ring abo giget ta andagad’a ti giget kur atchogoid’a hi Oziyas amul ma Juda-nid’a na. Ata yi máma Ma didina Alo mana mba mi mba ki mam suma mi tinizi irazi vazina.

Matiye 11:27

Abun mi han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

Matiye 24:15

Jesus mi had’azi kua ala: Kayam ndata, fata agi mba wagi Vama ndjendje ma b’lak kei ma Daniel ma djok vun Alona mi de kama, mi nga tchola ata yima a tinim iram vam ma kal teglesîd’a, ar sama ndumba mi wäd’u zla ndata djiviya.

Marik 13:14

Jesus mi had’azi kua ala: Ar sama ndumba mi wäd’u zla ndata djiviya. Wani fata agi mba wagi Vama ndjendje ma b’lak keina mi nga tchola ata yima mi ndak nga kam á tchola d’uo na, ata yi máma, ar suma kur Jude-na a ring ngei aduk ahuniyôna.

Wana ni Zla d’a Djivi d’a Luc mi b’irita 10:22

Mi de mi suma ala: Abun han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

Wana ni Zla d’a Djivi d’a Luc mi b’irita 21:20

Jesus mi had’azi kua ala: Wani fata agi wagi ades azigarâ mi ngui wa Jerusalem-mu ni, agi wagi ala b’lak mata mba wa go.

Wana ni Zla d’a Djivi d’a Luc mi b’irita 21:24

A mba tchi suma dingâ ki mbigeu d’a fiyaka, a mba yo suma dingâ magomba aduk andjaf suma pet. Andjaf suma dingâ a mba miret Jerusalem kä kasezi gak atchogoi mazid’a ndaga.

Jean 1:18

Sa mi we nga Alona yam tu d’i, wani Gorom ma tu gid’eng ma nga kaka gen Abuma, ni mam ba, mi tak Alona woi abua.

Gat ta a hat á mbàd’id’a 33:2

Mi dala: Ma didina mi tcholï yam ahina d’a Sinai-d’a, mi mba mi tak tam mbei kazi yam ahina d’a Seir-ra, mi b’o yina woi yam ahina d’a Paran-nda. Mi ndeï aduk malaika mam suma dudubuna, gat ta akud’a nga ved’a abom ma ndjufâ kaziya.

1 Tasaloni’â 3:13

Hina wani, mba mi siragi ngingring kur lovot ta d’ingêra bei zlad’a kagi ba avok Alona Abui kur bur ma Saleina Jesus mba mi mba zlapa ki malaika mama petna.

Hebre-na 10:29

Wani sama gol Alona Goroma isâ ni ma gol buzuna hi vun ma djin ma Alona mi mbud’um yed’et ki sed’ema vama hawanina, ni ma las Muzuk ma sumad’a mi na. Agi djib’eregi nga ala sama hina na, Alona mba mi kam sariyad’a kam ngola kala d’uo zu?

1 Pierre 1:12

Alona mi tak mam suma djok vuna ala sun nda azi nga lata ni kayam azi tazid’a d’i, wani ni yam agiya. Wani ki tchetchemba, agi humugi ahle ndazina nata suma a tchagi wal Zla d’a Djivid’a yam ad’enga hi Muzuk ma bei tchod’a ba ma sunumï akulona. Malaikana pî a min ngola á wäd’u ahle ndazina mi.

Jude 1:14

Enok nandjaf ma kid’iziyana hi Adam-ma, mi djok vuna woi avok kazi ala: Agi humugiya! Salad’a nga mi mba ki malaika mam suma a tinizi irazi vazina dudubu dogo

Vama ndum mbeina 11:2

Wani ang ar yima huyok gong nga kud’ora hAlonid’a bei ngad’a, kayam a humî mi suma bei wAlona. Azi mba miret azì ma ngolâ hAlonina kä kasezi gak tilâ dok fid’i yam mbà.

Vama ndum mbeina 6:10

Azi de ki delezi akulo ala: Salami ma bei tcho ma gagazina, gak ni mindja ba, ang mba ka sariyad’a yam suma yam andagad’ina á sami atchugulumi kayamba azi tchamid’a ge?

Suma ka sariyad’a 13:18

Malaikana hi Ma didinina mi hulong dum ala: Ni kayam me ba, ang djobon yam simiyên nge? Simi máma ni simi ma atchapma.