Daniel 8:10 - Bible azumeina

¹⁰ Mi i gak ata ahle suma sä akulona, mi tchugï suma dingâ kä yam andagad’a ki tchitchiu d’a hiud’a mi, mi mired’ezi kä kasemu.

Daniel 8:10 Kruisverwysings

Isai 14:13

Ang de kurung ala: An mba ni djak akulo, an mba ni tin zlam man nda amula akulo kal tchitchiu d’a hAlonid’a, an mba ni kak akulo yam ahina d’a abo ma norâ d’a alona mi tok kuad’a.

Jeremi 48:26

Agi gurud’ugi azì ma Mowap-ma woi ki süma kayam mi hle yam akulo avok Ma didina. Ar mi bulul kä aduk vin mama, ar mi mbut vama sanda hi sumina.

Daniel 11:28

Amul ma abo ma norâ mba mi hulong yam ambas mamba ki ndjondjoîd’a ablaud’a. Kur djib’er mamba mba mi kak djangûna ki suma Alona mi djin vunam ki sed’ezina. Bugola, mba mi hulong kur ambas mamba.

Daniel 11:30

Azigar suma abo ma fladegena a mba mba ki batod’a á dur ki sed’emu. Tam mba d’i tchuk lus, mba mi hulong kazigam glovod’o. Hurum mba mi zal ata suma Alona mi djin vunam ki sed’ezina, mba mi ndjak vunam ki suma a nga d’engzeng yam vun ma djin ma Alona mi djinim ki sed’ezina d’uo na.

Daniel 7:7

Bugola, an nga ni gol kur vama nde tam mbei iran kur andjeged’a tua na, an gol wani, ambur ma fid’ina, mi kal tchod’a ngola, ni vama mandarâ, ma ad’enga ngola heî mi. Siyamî nglod’a d’igi kaweina na. Mi mut ahlena, mi kizagazi woyo, mi miret ad’uzi d’a ara kä kasemu. Mi nga d’igi amburei suma avok ndazina na d’i, mi nga kaduveina dogo kam mi.

Daniel 8:7

An golom mi mba go ki gamlâna, mi tchob’or ayîna atamu, mi dabam mi kuzum adivim mbei djak. Gamlâ máma mi nga kad’enga á tchol avorom mbi. Mi gum kä andaga, mi mired’em kä kasemu. Sama ndak á prut gamlâ máma woi aboma nga d’i.

Vama ndum mbeina 12:4

Andjawam nga d’i tan tchitchiu d’a a walat aduk hindid’a abot ma tuna, nga d’i tchugut kä yam andagad’a. Mi nga tchola avok atcha d’a nga d’i vuta, kayam mi lik gor ma ndat nga d’i vud’uma.