Daniel 8:1 - Bible azumeina

¹ Kur biza d’a hindi d’a Baltazar nga mi tamulid’a, vana nde tam mbei iran an Daniel bugol ma mi nde tam mbei iran avo’â.

Daniel 8:1 Kruisverwysings

Ezekiyel 1:1

Kur biza d’a dok hindid’a, kur bur ma vahlâ hi til ma fid’ina hi biza ndatina, kid’a an nga aduk suma a yozi magomba avun alum ma Kebar-rîd’a, akulo ti mal leyo, vana mi tcholï ata Alona, mi nde tam mbei iranu.

Daniel 1:17

Alona mi he wad’ud’a ki wed’a ngola kur hata ki ned’a mazungeî suma fid’i ndazina. Daniel nga mi vad’ud’a yam ahle suma nde ir sumina kadï d’a ded’a woi mi.

Daniel 10:2

Ata yi máma an Daniel ni kak kur yor tad’a gak dimasa hindi.

Daniel 10:7

Wani ni an Daniel tu ba, ni we vama nde tam mbei iran máma. Suma ki sed’ena a we nga vama nde tam mbei iran máma d’i. Wani a mbut mandarâ heheb’ek, a nde ring á ngei taziya.

Daniel 11:4

Wani ata yima leu mamba ad’ut ti b’al kä na, ad’eng mam mba tamula mba d’i kus seyo, leu mamba mba d’i wal lei abo andagad’a fid’i. Nga nandjavam ba mba mi vrak blogom mbi, a mba had’eng nga tamula mi suma dingâ. Wani sum ndazina ad’eng mazid’a mba d’i ndak d’igi mamba na d’i.

Daniel 7:1

Kur biza d’a avok ka Baltazar amul ma Babilon-na nga mi tamulid’a, adïd’a de Daniel, vana nde tam mbei iram ata yima mi nga burâ yam azang mamina. Bugola, mi b’ir zlad’a hadï ndatid’a, mi väd’u zla mat ta nglod’a woi mi.

Daniel 7:15

Daniel mi de kua ala: Muzugan mi b’lak ngola kurun krovo kayam vama a ndum mbei iran máma mi mbud’un mandarâ heî.

Daniel 7:28

Zla d’a de ndata daba. An Daniel, djib’er manda mbud’un mandarâ heî, an tchuk susub’ok, an ngom zla ndata kurunu.

Daniel 8:15

Ata yima an Daniel nga ni gol vama nde tam mbei irana ni hal ni wum ad’uma, an gol wani, vana nga tchola avoron mi hle tam d’igi sana na.

Daniel 8:2

Vama an wum ata yima vana nde tam mbei irana ba wana: Kid’a an nga ni gol vama nde tam mbei irana tua d’a, an gol wani, an navo Sus kur azì ma ngol ma kur andaga d’a Elam-mbina, ata yima an nga ni gol vama nde tam mbei irana tua na. Gol wani, an navun alum ma Ulai-na.

Daniel 9:2

an Daniel ni gol kur mbaktum mba a tinit irat vata. Ata yi máma an wäd’u zla d’a Ma didina mi dat mi mam ma djok vuna Jeremi ala: Jerusalem mba d’i ar djona gak bizad’a dok kid’iziya d’a.