Daniel 7:13 - Bible azumeina

¹³ Kid’a an nga ni gol vama nde tam mbei iran andjegena tua d’a, an gol wani, sana nga mi djï yam dugula d’igi gor sana na, mi mba, mi hut gen ma abizei ma dedei máma, a mbamzi avoromu.

Daniel 7:13 Kruisverwysings

Sawal la giled’a 110:2

Ma didina mba mi hang totogo mang nga tamula kad’engid’a ei ni Siyon. Ang mba te yam mang suma djangû suma a nguyungâ.

Sawal la giled’a 2:8

Ang tchenenu, an mba ni hang andjaf suma djona, ang mba te yam suma yam andagad’ina pepet.

Sawal la giled’a 47:5

Mi manei andaga d’a djivid’a, tei nga lei djivid’a kad’u, ei nandjafâ hi Jakob ma mam le kama. Tchol ndjö

Jeremi 49:19

Ma didina mi dala: Gola! An mba ni ndeï d’igi azlona mi ndeï aduk agud’a avun alum ma Jurdê-na á lat suma pola na. Atogo hina zak an mba ni dik suma Edom-ma, an mba ni tin ma an manama kaziya. Ni nge ba, mi hle tam d’igi an na ge? Ni nge ba, mba mi han vuna ge? Ni ma pol ma lara ba, mba mi tchol avoron nge?

Ezekiyel 1:26

Akulo yam hur alo ma nga kazina, vana hle tam d’igi ahina safira na, ang golomî d’igi zlam mba amula na. Akulo yam zlam ndata, vana ndeï kat hle tam d’igi sana na.

Daniel 2:44

Kur atchogoid’a hamulei ndazinid’a, Alo ma sä akulona mba mi tin leu d’a ding nga a mba b’lagat tei d’uo d’a. Andjaf suma dingâ a mba te kat ti. Leu ndata mba d’i to leu mazi ndata woi kikizek, ti mbud’ut vama hawana, wani ndat tata mba d’i ar kaka gak didin.

Daniel 7:12

Amburei suma a ar hindina, a prud’uzi ad’eng mazi d’a tamula woyo, wani a arazi buruzi fiyaka gak yima a ngama.

Daniel 7:2

Daniel mi dala: Kur andjeged’a vana nde tam mbei iranu. An gola, an we simet ma ata abo ma fid’inina nga mi sir yam alum ma ngolâ kad’enga.

Daniel 7:22

gak ma bizei ma dedeina mi mba á ka sariya d’a d’ingêra hi suma ma sä akulo ma kal teglesâ mi tinizi irazi vazina, gak kur bur ma suma a tinizi irazi vazina a te leud’ina.

Daniel 7:9

Daniel mi de kua ala: Ata yima an nga ni gol tua na, a ndjar zlumiyôna kä, ma abizei ma dedeina mi mba mi kak yam zlam mba dinga tu. Baru mam mba atamba ti hapa d’igi gagarad’a na, tumus sa kamba ti djifâ luluî d’igi tumus tumiyôna na. Zlam mamba nga d’i ngal d’igi sin akud’a na, abot ni d’igi abo pus ma akud’a na,

Daniel 8:15

Ata yima an Daniel nga ni gol vama nde tam mbei irana ni hal ni wum ad’uma, an gol wani, vana nga tchola avoron mi hle tam d’igi sana na.

Matiye 13:41

An Gor Sana mba ni sun malaika mana á yo suma a nga tchuk suma kur tchod’ina ki suma a nga le tchod’ina pet woi abu kur leu manda.

Matiye 24:30

Ata yi máma, simata hi an Gor Sanid’a mba d’i ndeï akulo. Kur bur máma andjaf suma yam andagad’ina pet a mba tchiya, a mba wan an Gor Sana mba ni mbeï kur d’ugula kad’enga ki subur ra ngola.

Matiye 25:31

Jesus mi had’azi kua ala: Fata an Gor Sana mba ni mbeï kamul manda zlapa ki malaikana peta, ata yi máma, an mba ni kak yam zlam man nda amul la subura.

Matiye 26:64

Jesus mi dum ala: Ang de wa da’. Wani an nga ni dagiya, ki tchetchemba agi mba wagi an Gor Sana ni sä kaka ata bik ka ndjufa hAlo ma ad’engîd’a, agi mba wan an mbeï kur d’ugula mi.

Matiye 28:18

Jesus mi mba, mi dazi ala: Ad’eng nga akulod’a ki d’a yam andagad’id’a pet, Alona mi handjiya.

Matiye 8:20

Jesus mi hulong dum ala: Beyaka ti nga ki zulud’u, aluweina a nga ki aziyaziya, wani an Gor Sana ni nga ki yima ni nik yan kuana d’i.

Marik 13:26

Ata yi máma, suma a mba wan an Gor Sana mba ni mbeï kur d’ugula kad’eng nga ngola ki subura mi.

Wana ni Zla d’a Djivi d’a Luc mi b’irita 21:27

Ata yi máma, suma a mba wan an Gor Sana mba ni mbeï kur d’ugula kad’eng nga ngola ki subura mi.

Wana ni Zla d’a Djivi d’a Luc mi b’irita 21:36

Wani ar agi burugi sena d’i, ar agi tchenegi Alona kayam agi fagi ad’enga á sud’ugi woi abo ahle suma a nga mbana, á tchologi avok an Gor Sana mi.

Wana ni Zla d’a Djivi d’a Luc mi b’irita 24:27

Jesus mi tin ad’ud’a kur mbaktumba hi Moise-sa ki d’a hi suma djok vun Alonid’a pet, nga mi vazi ad’ud’a kur mbaktumba hAlonid’a pet yam ahle suma a dazi kama.

Jean 12:34

Ablau suma a hulong dum ala: Ami humumi kur gat meid’a ala Mesi mba mi kak gak didinu mi na. Ni nana ba, ang dala mbeî a mba gap Gor Sana akulo ge? Gor Sana ni nge ge?

Jean 3:13

Sama djak kur akulod’ina nga d’i, wani ni an Gor Sana ma tcholï akulona.

Jean 5:27

Mi had’enga mi an Goroma á ka sariyad’a, kayam an ni Gor Sana.

Sunda hi suma a sunuzinid’a 7:56

Mi dazi ala: Agi gologiya! An wakulod’a mal leyo, Gor Sana mi nga tchola ata Alona bigam mba ndjufa mi.

1 Tasaloni’â 4:17

Bugola, ei suma arei ki irei tua na, Alona mba mi zlabei yod’a ki sed’ezi tu sä akulo kur d’ugula á d’ugol Salad’a akulo kur simetna. Hina wani, ei mba kagei ki Salad’a gak didin.

1 Timote 6:16

Mam tu ni ma bei matna, ni ma nga kaka kur b’o d’a sana mi ndak á hut go gevem mbuo d’a. Ni ma sa wum nga d’uo na, ni ma sa mi ndak á wum mbuo na mi. Hud’a kad’enga ni mamba gak didin. Amin!

Hebre-na 2:14

Gro ndazina ni suma ki hliuna ki buzunina. Kayam ndata, Jesus tamba mi mbut tam d’igi azi na. Mi le hina ki mad’am á b’lak Diable ma nga kad’enga hi matnid’a aboma woyo,

Hebre-na 9:24

Kayam Christ mi kal nga nata yima a tinim iram vam mAlona ma suma a lum kabozi ma hle tam ki ma gagazinina d’i. Wani mi kalî kur akulod’a tata á tak tam mbei avok Alona ki tchetchemba keya.

Vama ndum mbeina 1:13

Vana nga tchola aduk agu máma, mi hle tamî d’igi sana na. Mi tchuk baru d’a fiyaka atam gak ti tchuk kä asemu, mi djin d’ik ma lora kurumu.

Vama ndum mbeina 1:18

An ma arina, an ma mit adjeuna, wani ki tchetchemba an nga karid’a gak didin. An nga kad’enga yam matna, an nga kad’enga yam yima zuleina mi.

Vama ndum mbeina 1:7

Gola! Nga mi djï kur d’ugula. Suma pet a mba golomu, suma tchogoma pî a mba wumu, suma yam andagad’ina pet a mba tchi hora kamu. Â, ar le hina. Amin!

Vama ndum mbeina 14:14

An gol kua, an we d’ugul la hapa. Sana mi nga kaka kat mi hle tamî d’igi sana na, avaval la lora nga kamu, mbaragum mba tena heîd’a nga abomu.