Daniel 6:25 - Bible azumeina

²⁵ Bugol ahle ndazina, amulâ Dariyus mi b’ir mbaktumba mandjaf suma pet, mi suma ad’u vun ma ded’a tetengâ pet, mi suma a nga kaka yam andagad’ina pet ala: Ar agi kagagi ki halasa ngola!

Daniel 6:25 Kruisverwysings

Esdras 4:17

Bugola, amulâ mi hulong humba mi ma te yamba Rehum ki ma b’ir mbaktumba Simsai ki ndrozi suma a ar nga kaka Samari-na ki suma a nga kaka ata yima dingâ yam andagad’a sä abo alum ma Efrat-na abom ma fladegenina ala: An gagi depa.

Ester 3:12

Kur bur ma dogo yam hindina hi til ma avo’îna, a yï suma b’ir mbaktum suma kur leu mambina. A b’ir mbaktumba ni ki vun ma hed’a hi Haman-na mi suma nglona hamulîna ki suma te yam suma kur ambas sa lara ge, mi suma nglo suma kal tegles suma lara ge, kur ambas sa lara ge pet. A b’irit mi nge nge pî ki b’ir mamba ki vun mam ma ded’a. A b’irit ni ki simiyê amulâ Asuwerus, a tum tampong mama kua mi.

Ester 7:10

A gap Haman akulo ata agu ma mi minim yam Mardose-na. Ata yi máma amulâ hurum b’lengâ.

Ester 8:9

A yï suma b’ir mbaktumba hamulîna kur bur máma; ni bur ma dok mbà yam hindina hi til ma hindina, ni til ma a yum ala Sivan-na. A b’ir mbaktumba yam vun ma hed’a hi Mardose-na mi Juif-fâ ki suma nglona ki suma te yamba ki suma nglo suma kal tegles suma kur ambas sa kis kam dok mbà yam kid’iziyad’ina, tinï ad’ud’a yam andaga d’a Inde-d’a dei gak mba yam andaga d’a Etiyopi-d’a. A b’irit mi suma kur ambas sa lara pî ki b’ir mazid’a, mandjaf ma lara pî ki vun mam ma ded’a, mi Juif-fâ ki b’ir mazid’a ki vun mazi ma ded’a mi.

Sawal la giled’a 7:15

Gola! Sama asa’atna nga mi min tam á le tchod’a, nga mi nga hurum á le tchod’a, nga mi nde ki zla d’a kad’a abua.

Sawal la giled’a 9:16

Andjaf suma bei wAlona a puk kä kur zul la azi tazi djugud’ota, asezi mi tchuk kur dau ma azi tazi ngeyem kä na.

Zla d’a d’ogolâ 11:8

Sama d’ingêrâ mba mi prut tei kur ndaka, wani sama asa’atna mi vrak blangâmu.

Daniel 3:4

Ma tchi wala mi er ad’um akulo mi dala: Agi suma, agi andjaf suma, agi suma ad’u vun ma ded’a tetengâ, wana ni vama an hagi vuna kama:

Daniel 4:1

Amulâ Nebukanezar mi sun mbaktumba mandjaf suma pet, mi suma ad’u vun ma ded’a tetengâ pet, mi suma a nga kaka yam andagad’ina pet, mi dazi ala: Ar agi kagagi ki halasa ngola!

Gat ta a hat á mbàd’id’a 19:19

ata yi máma agi lagi ki sed’em d’igi mam nga hurum á le ndrama na mi. Hina wani, agi mba d’elegi tcho d’a led’a woi adigagiya.

1 Pierre 1:2

Agi ni suma Abui Alona managi yam min mamba avok dei á mbud’ugi sum mama yam Muzuk mama á gagi yagi kä avok Jesus Christ ma mi mbuzugi woi yed’et ki buzuwama. Ar Salad’a mi vagi sumad’a ki b’leng nga halasa avogovogo.

2 Pierre 1:2

Ar Alona mi vagi sumad’a ki b’leng nga halasa ngola, kayam agi wagi Alona ki Saleina Jesus mi.

Jude 1:2

Ar Alona mi wagi hohowogi ngola, mi hagi b’leng nga halasa ki od’a mi.