Daniel 6:22 - Bible azumeina

²² Gagazi, Alo mana mi sunï malaika mama á duk vun azlona! Mi lan nga vama tcho d’i, kayam an le nga vama tcho avorom mbi, an le nga vama tcho avorong ang nguo mi.

Daniel 6:22 Kruisverwysings

Ad’u Tinda 40:15

Azi vanï kur ambas sa Hebre-d’a ni kad’enga; ka hî pî, an le nga vama ndak á gan dangeinina d’i.

2 Samuel 22:7

Kur yor ta manda, an yi Ma didina, an nga ni yi Alo mana. Ata yam ma kaka mi humun delen kur gong mamba, tchi mana mi ndeza humamu.

1 Amuleina 13:28

ma djok vun ma mamar máma mi tchol mi iya, mi fum mad’am ged’a kä hur lovota, korona azi kazlona a nga tchola kamu, wani azlona mi mud’um nga d’i, mi ve nga korona d’uo mi.

2 Sunda Hamuleinid’a 32:21

Ata yi máma Ma didina mi sunï malaikana tu, mi dap suma gangrangâ ki suma nglona ki suma avok suma woi tchid’a kur kangâ hamul ma Asiri-nina. Ata yi máma amul ma Asiri-na mi hulong yam ambas mamba ki zulona, mi kal kur gong nga kud’ora halo mamid’a. Ata yi máma grom suma vuta a tchum ki mbigeu d’a fiyaka.

Sawal la giled’a 118:28

Angî Alo mana, an mba ni gilengû; Alo mana, an mba ni hang ngola!

Sawal la giled’a 26:6

An mbuza wa abon ndei á tak kei ala zla nga kan ndi. Ma didina, an nga ni ngui yi mang ma ngal ahle suma ngat buzuna

Sawal la giled’a 31:14

An hum zla d’a tcho d’a suma ablaud’a a nga minit kanda; mandarâ mi nguyun ata yina pet. Ata yima azi nga ndjak vunazi kana, a nga hal lovota á tchan ndeyo.

Sawal la giled’a 34:7

Ata yima sama hohoud’a mi tchi yam Ma didinina, mam hulongôm humba, mam sud’um mbei kur ndak mamba pet mi.

Sawal la giled’a 38:21

Suma a hulongôn tchod’a yam djivid’ina a kak djangûna ki sed’en kayam an nga ni min djivid’a.

Sawal la giled’a 84:11

Bur ma tu ma an kal kur gulumun mangîna, mi djivid’a kal bur ma dubu ma an kak kei abuna. Alo mana, tan lan djivid’a á kak ndjola avun gong manga kal la an kak kur zlub’ud’a hi suma asa’atnid’a.

Isai 3:10

Agi nga dagi yam ma d’engzengâ ala mam mba mi kak ki djivid’a; ahle suma mi lazina, mba mi faziya.

Isai 63:9

Kur ndak mazid’a pet mi sun nga sama ding á ndjunuzi d’i, wani ni mam tamba ba, mi sud’uziya. Kur o mamba ki we hohou mamba mi ndjunuziya, mi hlanek mazid’a kamu, mi zizi akulo ahlabam kur tit mazi d’a fiyaka pet mi.

Jeremi 37:18

Jeremi mi de mamulâ Sedekiyas kua ala: An langî tcho me mi ang kazungeî mangâ ki sum ndazina ba, agi gandi dangeina ge?

Daniel 3:28

Amulâ mi er ad’um akulo ala: Ar ei gilei Alona hi Sadra’â, Alona hi Mesa’â, Alona hi Aben-Nego-na! Mi sunï malaika mama, mi prut mam suma sun suma a deng tazi atama woyo. Azi tchila yam vun ma he mana, azi he tazi á matna tala azi kud’orî Alo mazina tu kal la azi kud’or alo ma dingâ d’a.

Daniel 6:20

Kid’a mi mba go avun zulid’a, mi yi Daniel ki hur ma hata, mi dum ala: Daniel, azongâ hAlo ma bei matna ba na, Alo mang ma ang nga lum sunda ki ve tad’ina, mi ndak á prud’ung nga woi avun azlona d’uo zu?

Daniel 6:23

Ata yi máma amulâ mi le furîd’a ngola, mi he vuna ala a hleï Daniel woi akulo kur zula. A hlumî akulo woi kur zula, a fe nga mbil atam tu d’i, kayam mi tin hurumî yam Alo mama.

Daniel 6:4

Kayam ndata, ndrom suma sunda ki satrap-ma a nga hal lovota á tchugum zlad’a kam yam sun nda le d’a kur leud’id’a. Wani azi fe nga yina d’oze tchod’a atam tu d’i, kayam mam mi ma d’engzeng ma a fe nga va kam mbuo ma a fe nga vama tcho atam mbuo mi na.

Daniel 6:7

Suma nglo suma te yamba kur leud’ina, suma ngom ahlena, satrap-ma, suma de d’alâ ki suma te yamba a ndjak vunazi ala djivid’a ang amulâ ang tchi wala yam gat ta amula, ang de woi kat ala: Ni gat ta ad’enga kur bur ma dok hindina. Le sama lara ma mi tchen va ata alona d’oze ata sama dingâ bei mi tcheneng ang amulâ ni, a mba ge sa máma kur zula hazlonid’a.

Mise 7:7

An nga ni tin iran yam Ma didina, an nga ni tin hurun yam Alo ma sud’una, Alo mana mba mi humunu.

Ndumba 20:16

Ami tchimi yam Ma didina. Mi hum tchi mamina, mi sunï malaika mama, mi buzugumï woi kur Ezipte. Gola! Ami nga ka hî Kades kur azì ma ngol ma avun hagad’a handaga mangina.

Matiye 27:46

Go kafat ta tchuk siyata, Jesus mi er ad’um akulo ki delem mba ngola ala: Eli, Eli, lama sabaktani? Nala: Alo mana, Alo mana, ni kayam me ba, ang aran ndei ge?

Sunda hi suma a sunuzinid’a 12:11

Djib’era hi Pierre-ra ti mba, mi dala: Ki tchetchemba, an we gagazi, Salad’a mi sunï malaika mama á sud’un ndei abo Herot kahlena pet suma Juif-fâ a ngazi kan á led’ina.

Sunda hi suma a sunuzinid’a 24:16

Kayam ndata, an nga ni b’at tan teteu á kak ki djib’er ra tchod’a kurun avok Alona d’oze avok suma d’uo mi.

Sunda hi suma a sunuzinid’a 27:23

Kayam kama andjege, malaikana hAlo man ma an nga ni lum sundina, mi tchol gevenu,

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

2 Timote 4:17

Wani Salad’a mi nga tchola gevenu, mi han ad’enga á tchi wala ata yina pet kayam andjaf suma dingâ pet a huma, mi prud’un ndei avun azlona mi.

Hebre-na 1:14

Malaikana pet ni muzuk ma le sunda mAlona, azi ni suma Alona mi sunuzi á ndjun suma a mba fe sutina d’uo zu?

Hebre-na 11:33

Ni yam he gagazid’a ba, azi kus yam andagad’a teteng, azi le sun nda d’ingêra, azi fe vama Alona mi hlazi vunam kama. Azi duk vun azlona,

1 Samuel 17:37

David mi de kua ala: Ma didin ma prud’un ndei avun lilif azlona ki ursîna mba mi prud’un ndei abo ma Filistê máma ni hina mi. Saul mi hulong dum ala: Ang iya; ar Ma didina mi ndjunungû.

1 Samuel 26:18

Mi dum kua ala: Salana, ni kayam me ba, ang digin an azong mangâ hina ge? An le ni me ge? An le ni tcho me ge?