Daniel 5:7 - Bible azumeina

⁷ Amulâ mi er ad’um akulo ki delem mba ngola ala a mba ki suma mbuta, suma kumana ki suma a djop ki tchitchiud’a suma Babilon-na. Mi dazi ala: Sama ndum zla d’a b’ir ndata mi vandji ad’ut tei mi na, an mba ni tchugum baru d’a hleu d’a sisila atamu, an mba ni tchugum vayîr ma lora kelemu, an mba ni tinim ma te yam ma hindina kur leud’a mi.

Daniel 5:7 Kruisverwysings

Ad’u Tinda 41:8

Wani ki yorogod’a, Faron djib’er mamba b’lak ngola, mi yi suma mbuta ki suma ne suma Ezipte-na, mi vazi ad’u adï mamba, wani sama vumzi ad’ut teina nga d’i.

Ester 3:1

Bugol ahle ndazina, amulâ Asuwerus mi tin Haman Hamedata ma Aga’â goroma ngola yam mam suma nglo suma kal tegles suma a nga le sunda zlapa ki sed’ema.

Buzuk ka Abud’a 7:11

Wani Faron mi yï suma ned’a ki suma mbuta ki suma kuma suma Ezipte-na. A lahle mazi suma mbuta mi.

Zla d’a d’ogolâ 1:9

Azi ni d’igi avaval la djif fa ang kulubut kanga na, d’oze d’igi yeyê ma ang gum kelengâ na mi.

Sawal la kal teglesa 1:10

Agozlok mi djifâ ki ngangam ma humba, delek ki djifâ ki hed’euna mi.

Isai 47:13

Ndak kau tak ngola á djop suma a nga wahle suma akulo suma a nga we tchitchiud’a suma a nga de woi yam til ma mi deî awilinina. Ar azi tchol akulo á sud’uk kei kur ahle suma a mba ka’â.

Jeremi 50:35

Ma didina mi dala: Ar a dur suma Babilon-na, ar a dur suma a nga kaka kur aziyazi ma ngolîna, mazi suma nglona ki mazi suma ned’a mi!

Ezekiyel 16:11

An minik kahle suma djifâ, an tchuguk wulaka abogu, an tchuguk hed’euna kelek mi.

Daniel 1:20

Ata yima amulâ mi djobozi ad’ud’a yam hat ta lara ge d’a yam ned’a ki wed’id’a, nga mi fe hum mba azi hulongômzid’a kal hum mba suma mbuta ki suma a djop ki tchitchiud’a suma kur leu mamba petna a hulongômzid’a yazi dogo.

Daniel 1:4

Nala, azungeî suma bei daka ba na, suma djif suma oîd’a ki ned’a ki wed’a ki wad’ud’ina, suma a ndak á le sunda kur gong nga amula, suma a ndak á hat vun Babilon-na ki lovot ta b’irimba mi na.

Daniel 2:2

Amulâ mi ge sunda mi yi suma mbuta, suma a djop ki tchitchiud’ina, suma kumana ki suma a djop ki suma azuleinina, kayam azi vum ad’u adï mamba woyo. Azi a mba, a i gevemu.

Daniel 2:27

Daniel mi hulong dum ala: Amulâ, sama ned’a d’oze ma djop tchitchiud’a d’oze ma kumana d’oze ma mbuta ma ndak á väd’u vama gumun ma ang de zlad’a kam wana nga d’i.

Daniel 2:48

Bugola, amulâ mi he ngola mi Daniel, mi hum he d’a hawa d’a ablau d’a ndjondjoîd’a mi, mi tinim á te yam andaga d’a Babilon nda pet ta azì ma ngolâ kuad’a, mi tinim ma ngolâ yam suma ne suma avo Babilon-na pet mi.

Daniel 2:6

Wani le agi dandi woi yam adï d’a danda, agi vandji ad’ut tei mi ni, an mba ni hagi he d’a hawad’a ngola, mba ni suburugi mi. Kayam ndata, agi dandi adï d’a danda, agi vandji ad’ut tei mi!

Daniel 4:14

mi er ad’um akulo, mi de ki delem mba ngola ala: Agi kagi agu máma ka woyo, agi kizagam abom mbeyo, agi kragagizi humam mbeyo, agi yagagizi vud’um mbeyo. Ar ahle suma abageina a ring ngei ad’umu, ar aluwei suma akulona a pir rei ata abom mi.

Daniel 5:11

Kur leu manga sama Muzu’â hAlo ma bei tchod’a ba na nga kuruma mi nga. Kur atchogoid’a habunga a fe b’od’a ki wad’ud’a ki ned’a d’igi ned’a hAlonid’a na natamu. Abung amulâ Nebukanezar mi tinim ma ngolâ hi suma mbuta, hi suma a djop ki tchitchiud’ina, hi suma kumana, hi suma djop ki suma azuleinina mi,

Daniel 5:15

A mbanï suma ned’a ki suma mbuta avoron kayambala azi ndum zla d’a b’ir ndata azi vandji ad’ut tei mi d’a, wani azi ndak á vandji ad’ut tei d’i.

Daniel 5:16

An hum ala ang ndak á vad’ud’a yam zla d’a d’ogol la tetenga ki zla d’a muduri d’a ad’enga mi. Ki tchetchemba, le ang ndak á ndum zla d’a b’ir ndata, ang vandji ad’ut tei mi ni, an mba ni tchugung baru d’a hleu d’a sisila atangû, an mba ni tchugung vayîr ma lora kelengû, an mba ni tining ma te yam ma hindina kur leud’a mi.

Daniel 5:29

Atogo hina zak Baltazar mi he vuna mi mam suma sunda ala a tchuk baru d’a hleu d’a sisila ata Daniel, a tchugum vayîr ma lora kelemu, a tinim ma te yam ma hindina kur leud’a mi.

Ndumba 22:17

Kayam an mba ni mbud’ung sama suma a mba suburum ngola heîna, an mba ni lang ahlena pet suma ang mba dan kazina. An nga ni tchenengû, ang mbeï gan sum ndazina vuna.

Ndumba 22:7

Suma nglo suma Mowap-ma ki suma nglo suma Madiyan-na a iya, a yo he d’a hawad’a abozi mi sama djopa, a mbaza gen Baläm, a dum zlad’a hi Balak-ka.

Ndumba 24:11

Ki tchetchemba, ang ge tang i yi mangâ avo hatangû. An dang ala: An mba ni mbud’ung sama simiyêm yi heîna, wani Alona mi d’eleng ala simiyêng mi yi d’i.

1 Samuel 17:25

A de tazi ala: Sa máma mi djï atei wana, agi wum mbang zu? Sama tchuma, amulâ Saul mba mi mbud’um sama ndjondjoîna, mba mi hum goromba atchad’a, abum azi ki sum mama mba mi ve tara abozi d’uo mi.