Daniel 5:3 - Bible azumeina

³ Ata yi máma a yoï kop ma lor ma a yomï kur gong nga kud’ora hAlonid’a avo Jerusalem-ma. Amulâ ki mam suma nglona, amiyôma kamiyôm suma gureina a tche ki süma.

Daniel 5:3 Kruisverwysings

2 Sunda Hamuleinid’a 36:18

Nebukanezar mi yo ahle suma sun suma kur gong nga kud’ora hi Ma didinid’a suma nglona ki suma gureina zlapa kahle suma ndjondjoî suma kur gonga hi Ma didinid’ina ki suma hamulîna ki suma hi mam suma sundina pet mi, mi i ki sed’ezi avo Babilon.

Isai 5:14

Kayam ndata, yima azuleina mi ngo nga hohorom mbeyo, mi ngo nga vunam mbei hagak mi. Ata yi máma suma nglona kablau d’a kur azì ma ngol ma Jerusalem-mid’a ki vun mazi ma gandjau ma luna a mba tchuk kä kuru.

Jeremi 50:28

Suma ring suma a sud’ï woi yam ambas sa Babilon-ndina, a nga de woi yam atchugul la sad’a hi Ma didina Alo meinid’a kur Siyon, natchugul la sa d’a yam gong mam mba kud’orid’a.

Daniel 5:2

Ata yima Baltazar mi tche süm guguzlud’a mi gurutna, mi he vuna ala a i yoï kop ma lora ki kop ma kawei ma hapma suma abum Nebukanezar mi hurumuzï kur gong nga kud’ora hAlonid’a avo Jerusalem-ma, tala mi tche süma ki sed’ezi ki mam suma nglona kamiyôma kamiyôm suma gureina mi d’a.

Daniel 5:23

Wani ang hle yang akulo avok Alo ma sä akulona, ang yo kop ma a tinim iram vam ma kur gong mam mba kud’orina, ang ki mang suma nglona, amiyôngâ kamiyông suma gureina, agi tchagi ki süm guguzlud’a. Bugola, ang gile alo ma a lumî ki kawei ma hapma, ki lora, ki ma kawei ma hleuna, ki ma kawei ma wurana, kaguna kahinad’a suma a nga we d’i, a nga hum mbi, a nga wad’ud’a d’uo mi na. Ang subur nga Alo ma muzuk manga ki sun mang nga led’a pet nga aboma d’i.

Daniel 5:4

Bugol la a tche süm guguzlud’a dad’a, a nde gile alo ma lora, ma kawei ma hapma, ma kawei ma hleuna, ma kawei ma wurana, ma aguna, ma ahinad’a mi.

Wana ni mbaktumba hi Oze-d’a 2:8

Kayam ndata, an nga ni tchak aweid’a woi kat kur lovot mata á d’elet lovota, an nga ni ngui gulumuna woi kat tala ti fe lovot mata bugol luo d’a.

Habakuk 1:11

Ad’engêzi nga d’i i avogovogo, nga d’i kal d’igi simetna na; ad’engêzi nalo mazina.

Malatchi 1:12

Wani ni agi ba, nga lazan simiyênu. Agi nga dagi ala: Yima ngal ahle suma ngat buzunina hi Ma didinina mi ndjendjed’a, ahle suma te suma yam yima ngat buzunina, agi golozi is mi.

1 Tasaloni’â 5:3

Fata suma a dala: B’leng nga halasa ki djivid’a a nga d’a, ata yi máma na wat, bad’a mba d’i nde kazi d’igi vuta ti nde yam atcha d’a wirâ na, a mba prut tei d’uo mi.

Suma ka sariyad’a 19:1

Kur atchogoi d’a amul nga avok Israel-lâ d’uo d’a, sana hi Levi ma nga kaka avun dabid’a hi ahinad’a hi Efraim-mbina, mi vatcha d’a gor ra Betelehem mba Juda-d’a.