Daniel 5:28 - Bible azumeina

²⁸ PERES ad’ut nala Wala: Leu manga a walat kä mbà á he abo tu mi suma Mede-na, abo tu mi suma Perse-na mi.

Daniel 5:28 Kruisverwysings

2 Sunda Hamuleinid’a 36:23

Gola! Vama an amul ma Perse-na duma ba wana: Ma didina Alo ma akulona mi han leud’a yam andagad’a pet, mi han vuna ala an minim gong nga kud’ora avo Jerusalem yam andaga d’a Juda-d’a. Suma pet suma a nga adigagi suma ala ni sum mama na, ar azi hulong avo Jerusalem. Ar Ma didina Alo mazina mi kak ki sed’eziya.

Isai 13:17

An mba ni zut suma Mede suma a nga djib’er yam kawei ma hap poze tazi nga lazi djivid’a yam lora d’uo na á kak djangûna ki sed’eziya.

Isai 21:2

Vama tcho ma kal teglesâ mi nde tam mbei iranu. Ma mbut ira nga mi mbut ir suma, ma b’lak yina nga mi b’lak yina mi. Ma didina mi dala: Agi suma Elam-ma, agi igiya! Agi suma Mede-na, agi i nguyugi azina á durâ! An nga ni d’el vun zam tad’a mi.

Isai 47:11

Ndaka mba d’i mba kak bei ndak we lovota á d’elet ba, djop vuna mba mi mba kak bei ndak fe lovota á kengêm bei ba, b’laka mba d’i surop kak atogo hina zak bei ndak we ba mi.

Jeremi 25:13

An mba ni mba ki ndak ka pet ta an dat zlata yam ambas ndata, kahle suma pet suma a b’irizi kur mbaktum mba wanda suma Jeremi mi djok vuna kazi yam andjaf sum ndazinina.

Jeremi 51:28

Agi togogi andjaf suma zlapa kamulei suma Mede-na, ki mazi suma nglona kamulei mazina pet, ki suma kur ambas sa azi te kata pet á durud’u.

Daniel 2:32

Yam vama tchet máma yamî lor ra bei zozota ba d’a. Didigam kabomî kawei ma hapma. Hurum kab’alamî kawei ma hleuna.

Daniel 2:39

Amul ma dingâ mba mi tchol blogong á tamula, wani ad’engêm mba d’i ndak d’igi ang na d’i. Bugola, amul ma hindi mala ni kawei ma hleuna na mba mi tamula yam andagad’a pet.

Daniel 5:31

Dariyus ma Mede-na mi hlamula. Bizamî dok karagaya yam mbà.

Daniel 6:28

Bugol ahle ndazina, Daniel mi i avogovok kur atchogoi d’a Dariyus nga mi tamulid’a. Bugola, mi i avogovok kur atchogoi d’a Sirus amul ma Perse-na nga mi tamulid’a mi.

Daniel 6:8

Ki tchetchemba, amulâ, ar ang tin gat ndata, ar ang tin abong kua tala ti ka’î gat ta bei sa mi ndak á mbud’ut kä ba d’a d’igi gata hi suma Mede-nid’a ki d’a hi suma Perse-na na d’a.

Daniel 8:20

Gamlâ ma ang wum ma adivim mbàna azi namulei suma Mede-na kamulei suma Perse-na.

Daniel 9:1

Kur biza d’a avok ka Dariyus Asuwerus gorom ma ad’u andjafâ hi suma Mede-na mi kak amula yam suma Babilon-nid’a,

Sunda hi suma a sunuzinid’a 2:9

Ei ni suma Parte-na, suma Mede-na, suma Elam-ma, suma a nga kaka kur Mesopotami-na, suma Jude-na, suma Kapados-sâ, suma Pongâ, suma yam ambas sa Asi-d’ina,