Daniel 5:2 - Bible azumeina

² Ata yima Baltazar mi tche süm guguzlud’a mi gurutna, mi he vuna ala a i yoï kop ma lora ki kop ma kawei ma hapma suma abum Nebukanezar mi hurumuzï kur gong nga kud’ora hAlonid’a avo Jerusalem-ma, tala mi tche süma ki sed’ezi ki mam suma nglona kamiyôma kamiyôm suma gureina mi d’a.

Daniel 5:2 Kruisverwysings

2 Samuel 9:7

David mi dum ala: Ang le mandar ri. An min lang djivid’a yam abung Jonatan, an nga ni hulongông siliud’a habung ngolo Saul-la pet. Vama kalâ, ang mba te tena ki sed’en yam tabul mana burâ ki burâ.

2 Amuleina 24:13

D’igi Ma didina mi de avok na, Nebukanezar mi yo ahle suma a nga kur gong nga ngom ndjondjoî d’a kur gong nga kud’ora hi Ma didinid’ina ki suma nga kur gong nga ngom ndjondjoî d’a kur azina hamulîd’ina pet, mi to ahle suma lor suma Salomon amul ma Israel-lâ mi minizi á le ki sunda kur gong nga kud’ora hi Ma didinid’ina woi pepet mi.

2 Amuleina 25:15

Ma ngolâ hi suma a ngom yinina, mi yo andru ma vakud’a ki tazana kagu ma yam buzuna, nala, ahlena pet suma lora ki suma kawei ma hapma.

2 Sunda Hamuleinid’a 11:20

Bugola, Robowam mi ve Mäka Apsalom goromba, ti vud’um grona fid’i, nala, Abiya, Atai, Ziza ki Selomit.

2 Sunda Hamuleinid’a 15:16

Amulâ Asa mi pat asum ngolo Mäka woi kur amul mata, kayam ti yor fileina malo d’a a yat ala Asera-d’a, mi he vuna ala a b’lak filei máma woyo, a mbud’um d’igi gugud’upa na, a ngalam mbei avun toliyon nda Kedron-nda.

2 Sunda Hamuleinid’a 36:10

Kid’a a mba kur biza d’a awilid’id’a, Nebukanezar mi vum mi i ki sed’em avo Babilon zlapa kahle suma guzuzi kal tegles suma a le ki sunda kur gong nga kud’ora hi Ma didinid’ina, mi tin wiyema Sedekiyas amula yam suma Juda-na ki suma Jerusalem-ma mi.

2 Sunda Hamuleinid’a 36:18

Nebukanezar mi yo ahle suma sun suma kur gong nga kud’ora hi Ma didinid’a suma nglona ki suma gureina zlapa kahle suma ndjondjoî suma kur gonga hi Ma didinid’ina ki suma hamulîna ki suma hi mam suma sundina pet mi, mi i ki sed’ezi avo Babilon.

Esdras 5:14

Amulâ Sirus mi yoi ahle suma a lazi ki lora kahle suma a lazi ki kawei ma hapma suma Nebukanezar mi yozi kur gong nga kud’ora hAlonid’a avo Jerusalem mi tchuguzi sä kur gong nga kud’or fileina avo Babilon-na, mi hazi abo sama a yum ala Sesebasar ma mam tinim á te yambina.

Jeremi 27:7

Andjaf suma pet a mba lum sunda, a mba le sunda mi goroma, a mba le sunda mi gorom ngolona gak atchogoi d’a ambas mamba mba d’i le sunda mandjaf ma ablauna, mamulei suma nglona mi d’a.

Jeremi 50:35

Ma didina mi dala: Ar a dur suma Babilon-na, ar a dur suma a nga kaka kur aziyazi ma ngolîna, mazi suma nglona ki mazi suma ned’a mi!

Jeremi 52:19

Ma ngolâ hi suma a ngom yinina, mi yo ahlena kua, nala, halâ, andru ma vakud’a, anguleina, duguyona, agu lalamba, kopma ki tazana. Ahle ndazina pet a lazi ni ki lora ki kawei ma hapma.

Daniel 1:2

Salad’a mi he Jojakim abo Nebukanezar, mi bongôm lovota á yo ahle suma a nga kur gong nga kud’ora hAlonid’ina nde. Mi yo suma dingâ magomba, mi izi kur ambas sa Babilon-nda, mi tchuk ahle suma mi yozï hurumbina kur gong nga ngom ahlena kur gong nga kud’ora halo mamid’a.

Daniel 5:11

Kur leu manga sama Muzu’â hAlo ma bei tchod’a ba na nga kuruma mi nga. Kur atchogoid’a habunga a fe b’od’a ki wad’ud’a ki ned’a d’igi ned’a hAlonid’a na natamu. Abung amulâ Nebukanezar mi tinim ma ngolâ hi suma mbuta, hi suma a djop ki tchitchiud’ina, hi suma kumana, hi suma djop ki suma azuleinina mi,

Daniel 5:13

Ata yi máma hina wat a mba ki Daniel avok amulâ. Amulâ mi djobom ala: Angî Daniel ma aduk Juif suma abun mi yozï magombina gagazi zu?

Daniel 5:18

Amulâ, Alo ma kal teglesâ mi tin abung Nebukanezar amul ma ngolâ, mi hum ngola ki hud’a ki subura mi.

Daniel 5:23

Wani ang hle yang akulo avok Alo ma sä akulona, ang yo kop ma a tinim iram vam ma kur gong mam mba kud’orina, ang ki mang suma nglona, amiyôngâ kamiyông suma gureina, agi tchagi ki süm guguzlud’a. Bugola, ang gile alo ma a lumî ki kawei ma hapma, ki lora, ki ma kawei ma hleuna, ki ma kawei ma wurana, kaguna kahinad’a suma a nga we d’i, a nga hum mbi, a nga wad’ud’a d’uo mi na. Ang subur nga Alo ma muzuk manga ki sun mang nga led’a pet nga aboma d’i.

Daniel 5:3

Ata yi máma a yoï kop ma lor ma a yomï kur gong nga kud’ora hAlonid’a avo Jerusalem-ma. Amulâ ki mam suma nglona, amiyôma kamiyôm suma gureina a tche ki süma.

Daniel 5:30

Kur andjege ndata, a tchi Baltazar amul ma Babilon-na woyo.

Daniel 5:4

Bugol la a tche süm guguzlud’a dad’a, a nde gile alo ma lora, ma kawei ma hapma, ma kawei ma hleuna, ma kawei ma wurana, ma aguna, ma ahinad’a mi.